تراجي مصطفي ورودا مردا !

Quote: رودا الغاليه وينك ............يا زولا! والله احنا............قدمنا للبورد .........ده...... عشان نتشرف بزمالتك! وعلى فكره انت دخلت التاريخ من اوسع ابوابه........... وبكره يعيشوا ويشوفوا حسادك ان ما بقيتى( تاريخ) يارخو بيه فى السودان...........ما ابقى انا تراجى ! يا رودا انا بفتش ليك من زمان.......... عارفه ليهلانى بقول حاجات كثيره بتشبه حاجاتك و كنت فاقده الامل فى الشعب السودانى ده............انه الاقى فيه زول بيشبهنى.... و لا اخفى عليك............ بالذات انه يكون (امرأه)..........عشان كده فرحت بيكى كبيره. على فكره يا رودا انا عايشه فى كندا و حامله لواء الافريقيه من زمان من زمن الجامعه فى مصر(1984-1990) الاسكندريه. و على فكره كمان انا اول من شارك فى احتفالات(الافريكان داى) و الكان اتحاد الكيزان محجمنا منه............ و المهم يا غاليه........قدرت ادفع برابطتنا للمشاركه(رابط’ طلاب البحر الاحمر)(بالمناسبه انا امى من دارفور و ابوى من البحر الاحمر) وتجاوزنا اتحادنا........ وده كان فال خير.........لانه عملنا على اسقاطهم ونجحنا بعون الله........كما سننجح الان فى السودان. وعارفه يارودا الحصل شنو بعد داك تحمست كل الروابط للمشاركهةوكان بعدنا اشاوس ترهاقا,ثم كردفان, وبعضهم كان عنده نفص فى البنات و البعض بناتم عاملات كوزات المهم ياغاليه بقيةليهم زى ( الجوكر) اى رابطه عندهانقص كنت بتمه بشخصى وكانوا يستغربوا! كيف لى مقدره على اداء كل هذه الرقصات ببراعه و كنت اقول لهم انها دماءى الافريقيه هى التى حبتنى هذه القدرات! اوردت لك هذه القصه ورغم علمى بكل اجواء التخلف المحيطه بنا الان, ورغم علمى ان هنالك من سيدعونى براقصة البورد, و لكنى لاهتم فقد رقصنا و كان فهمنا للموضوع بانه عمل وطنى من حيث الحرص على تمثيل السودان وسط اخوته الافارقه!(و متوقعه يجى واحد زى اساسى ويقول (قال وطنى قال او ........... او.........). ذكرت كل هذا لابرهن لك على شئى و هو ان الافريقيه هى حقيقه فى هذا الشعب سيدعى الف مدعى وسيقاوم الف مقاوم لنفى هذه الحقيقه لكن لعليك بهم غدا عند ما يمسك رجل مثل ياسر عرمان وزارة الثقافه والاعلام او امرأه مثل رودا مرودا او اى من الشرفاء الذين كانوا مهمشين لكنهم ابدا لن يظلوا وقتها سنريهم كيف يكون غسيل الدماغ الذى مارسوه تجاه هذا الشعب البسيط الذى سلم لهم ذقنه بل وراسه لهم........فخانوه و جعلوه مضحكه لامتهم العربيه بالذات!!!!!!!!!!!!!!! ام سمعتى النكته يا رودا حكت لى واحده قادمه من الخليج قالت ناس الخليج لما يحبو يعاقبوا ابنائهم يقولوا لهم (ان لم تفعل كذا و كذا حنفتح لك الفضائيه السودانيه) فيبكى الطفل و يترجى والديه قائلا (خلاص ....خلاص .......... والله سافعل .......... بس بلاش من السودانيه......هذه).....تخيلى يارودا مش نستاهل اكثر من كده!!!!! رودا الونسه معاك حلوه..........لكن شكللك مشغوله وان كمان............لانك بقيت ما بتكتبى فى البورد كثير ولا كرهوك ليه........... يازولا الحلمين بالتغيي لابد ان يصبروا...........وناس مريم الراجننا اذا سمحنالديل يعكرونا و يخلقوالينا استرس يادوب ناس مريم.......ليلهم ما انجلى! والى ان نلتقى لك من كل الحب و اوصيك ما تطولي الغيبه علينا!

(عدل بواسطة Abdel Aati on 11-24-2007, 05:04 PM)