بيان هام من المكتب التنفيذي للحزب الليبرالي السوداني

Quote: عزيزي ثروت ياخي ما كان تصبر لي شوية، أنا كنت جاييك،أقول ليك سر في أضانك بس كنت ماري بأيام صعبة وكئيبة شوية بعدين يا ثروت أبقى على ناس اللبرالي ديل عشرة، زي ما عايزنهم يبقوا عليك عشرة على كل حال، نحن بانتقال ثروت دا، من الهلال إلى المريخ أصبحنا مشرّكين هنا وهناك، تجلّي دي تضرب التانية، وعندنا كمان أشراك أخرى. السودان دا زي ما قال الكوماندر الظريف جيمس واني إيقا"تقيل شديد زي الفيل، ما بنشال لزول واحد، ولا كمان ناس شوية، عايز ناس القرية كله إجي".. ومتين يا اللبرالي تكبر تشيل حملي؟؟ بعدين يا ناس اللبرالي اصبروا شوية، نحن حا نستبدل ثروت باتنين تلاتة منكم، زي العميد السر العطا وزهرة حيدر، مثلا. أصلو الفكي بتاعنا باتع، بختفي فترة لكن لما إظهر بكون قلع بجماعته لسه الميس بعيدة وعايزة نفس طويل كدي خلونا النشوف السيد الصادق دا حايودي الإنقاذ لي وين، ولا الإنقاذ حا توديه لي وين نحن، عارفين؟ عندنا طابور خامس في حزب الأمة ده!! السيد الصادق كان قبل كدي جرى كتير على ناس الإنقاذ لكن حلفانا في حزب الأمة، "جماهير حزب الأمة" وشبابه، دائما بقرعوه. المرة دي كان ما قدروا قرعوه، خلاص بكون فات الفوات، فيهم وفيه بس بردوا نفسكم شوية على الإمام علشان أصحابنا ناس لنا ويعقوب وخالد عويس ما يزعلوا وتطفشوهم مننا، ووين كمان ناس صديق بولاد و صلاح جلال وزميلنا الحارث إدريس وآخرين كثر؟ سلام،سلام، وأكيد حا نتلاقى لي قدام يا ثروت والأخوة في اللبرالي