حفلة شاي وسمر .. لزهرة حيدر !

Quote: الاعزاء في الليبرالي بالرغم من انا المرسلات المرفقة كانت في اطار علاقة الصداقة التي تربطني بنور الدين ... الا انني اعتقد انه من الاهمية والتي انا اكيدة بانها لن تسئ لاحد ولن يعترض عليها نورالدين ارفقها لمعرفة خلفية تلقي لمعلومة مساعي الوحدة بين المؤتمر والتحالف هدف تاني وهو ترسيخ الشفافية في حزبنا وحتى لا تكون هناك مستقبلا اوراق تحت الطاولة ... ولافتح الباب للجميع لتصويبي ان اخطئت(( وكنت قد ناقشت عادل وللصدفة حول هذا الامر)) ربما قد يرى البعض ان السير في ملف الوحدة يتطلب حيادية اكثر والتزام اكثر منا تجاه بعض تحفظات التنظيم الامر بين ايديكم --------------------------------------------- نور الدين ازيك سبعين بالمئة من سبب طلوعي من التحالف شخصي وذاتي ... وعارفة الاجابة دي حتحبطك لكن بافترض اني اكون معاك امينة في الاجابة في اشكالات اكيد عويصة في التحالف في الوقت داك منقسمة بالتساوي بين تنظيمية . وسياسية.. تنظيمية : لانو الوضع كان بيطلب تجاوز محنة الانقسام بتاع ناس تيسير والعودة الجبرية للداخل للمقاتلين ..باكمال بناءنا التنظيمي وانتخاب قيادة جديدة بالطرق المؤسسية المعروفة ... الكلام ده فضل كلام وحسب علمي حتى الان هو كلام .. تاني لانو عبدالعزيز خالد كان كان عندو رؤية لطريقة العمل بيفترض انها الاسلم وللاسف شرع في تنفيذها مباشرة دون تفعيل الاطر المرسسية واللي بتطرح لاصحاب الراي الاخر انو يكونو في الصورة او على الاقل يشتغلو بوعي للبعملو فيهو النضح التنظيمي عموما جوه التنظيم كان ضعيف بحكم ظروف العمل الميداني ... ولمن اقول التنظيمي باتكلم عن تنظيم مدني يعني بعد مرحلة العمل العسكري... بس للاسف كان ضعيف حتى عند القياده سياسي للمواقف الكان ماشي فيها التحالف بتاعت الالتزام باتفاق القاهرة ومشاركته في السلطة مع بقية ناس التجمع ... كان وجهة نظري وجهة نظر ناس كتار لسة موجودين في التحالف انو التجمع انتهى وانو كان مفروض نرفض ده كلو ونطرح شكل جديد للمعارضة بيشبه المرحلة بتاعت ما بعد اتفاقية السلام فكريا ما في حاجة ... وصدقني يانور مافي اي اختلاف فكري بين المؤتمر والتحالف والليبرالي ... بقول ليك الكلام ده وانا بافتكر انتقالي بيناتهم هو انتقال في الوسائل ما الفكرة ... العضم واحد وان كان يبدو غير ذلك احيانا عموما كلا الاتنين التنظيمي و السياسي كان مقدور عليهوم... وانا بافتكر انو كان ممكن اشارك في حل كثير من الاشكالات الخاصة في الاتنين ... يعني الاتنين ما كان ممكن يكونو سبب خروج لي من التحالف لو ما الجانب الشخصي واليي زي ما قلت ليك هو سبعين بالمائة نور حقيقي حاكذب عليك لو قلت ليك غير كدا يمكن في الوقت داك كنت باماسك الشخصي بالتلتين بالمائة التانية .. لكن كنت وبافتكر انو لسة الاشكالات دي ممكن تتحل لو كنت معاهم ... انا طبعا مقتنعة بانتمائي الحالي وبافتكر هو الطريق المفروض امشيهو صاح ... وبانظر للتحالف بعين امل انو تنحل الاشكالات ويحصل تلاقي بيننا كقوى ..وبس ممكن بعد ده اعرف ليه السؤال ؟

(عدل بواسطة زهرة حيدر ادريس on 05-24-2009, 01:51 PM)