في أصل الشُلّة التيسيرية ومآلاتها !

Quote: العزيزة د. تحياتي طبعاً بتكوني سمعتي عن قصة المؤامرة، لكن ما عندك تفاصيل، على العموم الراوية أبتدت من اليوم إتحركت من كسلا شهر مايو 1999م وحسب التخطيط كان من المفروض يحضر شخص لترتيب دخولي إلى إرتريان وقد تأخر هذا الشخص وقد أثار هذا الموضوع شكوكي، لكن في تلك الفترة لم أكن أستطيع أن أرى الأشياء بوضوح. بعد وصولي إلى معسكرات التدريب وبعد فترة عرفت إنهم كان من المفروض يقولو لي أرجع السودان للعمل من الداخل، لكن ما منعهم هو أن ناس بكري الجاك كان عملوا معاي لقاء في الإذاعة، مما يعني من ناحية أمنية من المستحيل أن أعواد إلى السودان. بدأت أحس من خلال عملي بالمواقع المختلفة من البحر الأحمر وحتى الحدود الأثيوبية وكأنما هناك أشخاص في داخل التنظيم لهم اليد العليا وآخرين ليسو إلا مجرد أدوات، بعنيي بالعربي ناس كل حاجة وناس ولا حاجة وبدأت أكتشف بعض العناصر بذات التوجهات اليسارية والقومية العربية مسيطرة على مفاصل التنظيم. وكانت هناك كراهية غريبة للكوارد الجاية من المؤتمر. كنت بفتكر المسألة في البداية مسألة عادية لكن مع مرور الزمن وضحت لي حاجات كتيرة بيجي الوقت حأتكلم ليك فيها بتفصيل، وكلها حاجات مسجلة عندي في الكمبيوتر. المهم قبل وأثناء وبعد المؤتمر دخلت في صراع أولاً ضد البعثيين والكانوا في الوقت ماسكين القيادة العسكرية الميدانية(عصام مصطفىـضابط سابق ـ عبدالمنعم كمير قائد القاطاع الأوسط، وواحد أسمه أمي ـ ضابط سابق ـ وعدد من المقاتلين الماسكين مواقع بالقيادة العسكرية، ومن حظهم العاثر إنهم أخطأوا أخطاء ميدانية كانت سبب في أنو الرأي العام وسط المقاتلين ضدهم، إضافة إلى كتير من التجاوزات المالية. المهم معظ هؤلاء الناس وبعد المؤتمر خرجوا من التنظيم، كمير وعصام والفاتح مشوا القاهرة ، بعض المقاتلين المعاهم تم القبض عليهم ومحاكمتهم وأخدوا فترات حبس مختلفة ورجعوا للعمل تاني. النتيجة أنها كانت تصفية البعثيين من داخل التحالف. فضل الأخوة الماركسيين، وهؤلاء خففوا من حركتهم في ذلك الحين، لكن في الفترة الأخيرة إبتدو يظهرو. في شهر 12 السنة الفاتت، كنت مشيت لقرورة عشان أعمل تدريب لبعض المقاتلين في العمل السياسي والجماهيري. (رسلت ليك صورة من هناك باللإيميل لو بتذكري)، المهم لما وضلت هناك حسيت أنو الوضع ما يعجب من خلال مناقشات تمت بيني وبين المسئول من شعبة التنظيم والتوجيه السياسي بقطاع البحر الأحمر، وإسمه الكودي أزهري أبونضارات، وهو من أولاد البراري، أسمه الحقيق إسامة. المهم كان قائد القطاع بالإنابة في الفترة ديك واحد إسمه محمد الفاتح(قرنق). والأخير كان بيناقشني حول أوضاع لتنظيم الصبعة وأنو هو (قرنق) ضحى كتير، وفي ناس التنظيم بيساعدهم عشان هم أولاد الوسط بينما أولاد الغرب ما بيلقوا إي إهتمام. عموماً الكلام كان ما عاجبني. بعد رجوعي لأسمرا بديت أسمع همهمة غريبة عن وجود مؤامرة عنصرية بقادة التجاني الحاج الغرض منها عمل تنظيم داخل تنظيم التحالف!!!! إتخيلي. تحقيقات تمت مع المقاتلين وكان بيشرف عليها أبوخالد شخصياً عن طريق واحد أسمه حسن أبوعلي(حسام النميري من أولاد كسلا) أستوجبوا حوالي العشرين مقاتل. كان الكلام الضدي هو كلام قرنق، بينما كل المقاتلين كانوا بيقولوا أنو أنا ماحصل قلت ليهم أو دعيتهم لتنظيم أولاد غرب ولا نوبة. بعني كلامهم عني كان إيجابي. حتى اللحظة دي، ما في أي زول بما فيهم أبوخالد قدر يتكلم معاي أو يناقشني أو يستجوبني عن موضوع المؤامؤة المزعومة. في إجتماع المكتب التنفيذي الأخير أبوخالد عرض المسألة قدام المكتب، وكان م حاضر الإجتماع، وكان رد كل أعضاء المكتب أنوا دا كلام فارغ لكن أبوخالد كان مصر على انو الكلام صحيح، ولما غلبوا يثبت قدام المكتب أنو في مؤامرة قال أنا أسأت ليه ولعدد من القيادات بالميدان!!!!! عموماً ناس المكتب التنفيذي وحفظاً لماء وجهه كقائد تنظيم وافقوا على قيام لجنة تقصي حقائق حول الموضوع، وطلبوا مني (م وأبوالمعالي) أن أوافق عليها لأنها لجنة تقصى حقائق ترفع نتائجها لأستاذ أنور بصفتو المستشار القانوي. ووافقت على هذا الأساس. بعد ما إنتهى إجتماع المكتب أبوخالد حاول يلعب باللجنة وجاب خطاب من علي يس بيقول أنهم في الميدان ما راضين عن اللجنة ومفروض التجاني يتحاكم في الميدان. تيسير وقف ألف أحمر في الموضوع في النهاية حددو لجنة زي ما بتكوني عارفة. بالرغم من دا وبدل ما أبوخالد يأخد عبرة من الموضوع مشى قرورة وقاعد بتكلم مع المقاتلين عن مؤامرة عنصرية(يعني تحريض للمقاتلين ضدي وضد الدائرة السياسية وتيسير) ودلوقت ماشي القطاع الأوسط عشان يقول نفس الكلام. على كل حال، نحن عملنا كل الإحتياطات، وتكلمنا مع ناس الجبهة الشعبية هنا، وكان رأيهم مطابق لتقديرنا وبيفتكرو أن أبوخالد أصبح ما زول سودان جديد، وربما يكون كمان أقرب للحكومة. وهم (ناس الجبهة الشعبية هنا في أرتريا) أجتمعوا مع أبوخالد وكلموه بشكل رسمي عن رأي الجبهة الشعبية والحكومة الأرترية في الحاصل في التحالف، ونصحوه بأن يرتيب أوضاعوا. وأبغلوه أنهم مستاءين جداً من مسألة المؤامرة العنصرية دي(يعني ما مقتنعين بالموضوع وبيعتقدوا أنو أبوخالد بيعمل كدا عشان ما يتم موضوع الوحدة مع الحركة لأسباب هم ما دايرين يتكلموا فيها). عموماً الوضع الأن مكانك سر واللجنة كان إنعقدت ولا ما إنعقدت ما حيعملوا حاجة، وهي مجرد إخذ أقوال مني، وبعدين نشوف رأي أنور شنو في الموضوع. بعني هم ما عندهم فيها أي قرار. على كل، أنا في تقديري أنو أبوخالد ما عاد الزول النافع للمشروع، والكلام كان قلتوا ل ز. ح قبل أكتر من سنة وأعتبرتني مجرد زول متعصب. لكن أنا ما كنت قاصد أننا نضرب الزول دا أو كدا بقدرما كنت أتمنى أنو يشوف مصالح التحالف والإتجاهات ويكون يحق زعيم لكن يبدو المسألة فيها أشياء أنا ماعارفة، وأبوخالد مصر يحمي ناس منتهين وإنتهازيين ومتامرين زي سعد نصر الدين، بابكر، فتحي وغيرهم. والملاحظة أنهم نفس الناس الكانوا سبب وراء خروج بكري، فايز، عبدالباري وعبدالمنعم الحاج وكتيرين. عموماً أطئمنى نحن مرتبين الموضوع كويس جداً مع ناس الشعبية والأمريكان وغيرهم. وعندنا فكرة لسة بينا(تيسير، الصادق، عيسي وناس الجبهة الشعبية) للدعوة لمؤتمر طارئ عشان نحسم مسألة الحركة نهائياً ونشوف بعد دا أبوخالد بيمشي وين. الموضوع المهم "ز"، لأنها ما فاهمة الموضوع بتفاصيل، وبتفتكر أنو نحن مجرد ناس متعصبين وحننسف المشروع بالطريقة دي، وهي ماعارفة أنو أبوخالد بيستغل فيها، وعاملة معاه خط إتصال مباشر عبر الإيميل وكل يوم ترسل ليه صباح الخير با عمو وصباح الزفت يا دين. بالله حاولي تفهميها الموضوع كويس عشان ما تكون حصان طروادة للزول دا، وأحسن تقطع أي إتصال بيه لأنها بالطريقة دي بتعوقنا وبعرف معلومات. نحن عارفين أنو الزول دا بيعمل في تنظيم تاني بالداخل عن طريق واحد كان معانا هنا أسنه ع ع (أخو م ع ) وشغال في الداخل بيقول للناس أنتو مع تيسير ولا أبوخالد. وع كادر حزب شيوعي ومازال بيفتخر بالموضوع دا. المهم ضروري ز تفهم اللعبة كويس. ختاماً سلامي ليك ول غ وعليك الله ما تخليني براي، رسلي لي طوالي، حتلقي صورة من إحتفالات أسمرا بيوم الشهداء هدية مني ليك أنتي وغ . تجاني