|
|
 اضرب واهرب
|
الاستاذ بكرى ابوبكر**غير اسم المنبر الحر الى المنبر العام
حتى يتمكن من قطع كل راس ما ركب فوق الراس والرجل كان فى البدايه يدعو للحريه والراى والراى الاخر حسى بقى ما بشهد الواحد طق طرق والشارع جاك زول وشويه شويه يا زول زمان كان توقيع بكرى اذا كان رب البيت للطبل ضارب فشيمة اهل البيت الرقص وشنو كدهوحاليا اصبح الرقص مختلط كمان ويا باشمهندس من اراد علو بنيانه فعليه بتوثيق اساسه وياخوف نفسى من لسانى ان يضرب عنقى
******************
المهندس الصادق كان الرجل الثانى فى المنبر حسى ما عارفو اصبح رقم كم حتى عمل ليه بيت براهو ونسى يعطينا العنوان الجديد كده ما كويس يا رجل÷÷÷÷÷
************
الاستاذ الدكتور ياسر الشريف
لو كان زواجك تم على يد شيخكم محمود محمد طه فزواجى تم على يد سيدى الصادق المهدى والعقد على يد شيخى الترابى انا بقول فخر المرء بفضله اولى من فخره بمن اقام مراسيم زواجه ولا مش كده يا دكتور؟؟؟ واظن الاخ جاد كان فعلا رجل جاد
******************
الدكتور سيجمان
ما قلت لى بتمشى بيت ناس سميرة لشنو كل يوم بتطلع ليك بمحنه جديده
وبتنفع تكون كاتب مسرحى لو اختنا تماضر اعطتك دفره انا معجب بيك شديد بس ما زى اعجابك بندى القلعه
*********************
الاستاذ هشام مدنى
انت فعلا رجل مهزب وجدير بالاحترام وكل يوم بكتشف فيك حاجه جميله
**************************
الاستاذ Abureesh
رجل متمكن شديد بس مرات بتخرج خارج النص وبتقول كلام ما بنهضم
**************************
الاستاذ تبلدينا
برضو رجل متمكن ومع الراى والراى الاخر وبجبرك انك تحترمه
**************************
الاستاذ اساسى
مافى اتنين منو وما بخاف فى حق لومة لائم وصاحب قلم نقى وحتى كمان كوز اسالونى منو....
*************************
الاستاذ هشام نوريت
لا فى العير ولا فى النفير الرجل الوحيد الما قدرت اصنفه يوم هنا ويوم هناك ؟؟؟؟
**********************
الطالب بقال
هو كان ببحث عن شنو وعشان شنو ولشنو؟؟؟؟؟؟؟؟؟؟؟؟
****************************
كمال عباس
قلم محترم وبعرف يدير الحوار ورجل صادق بيقبل الحق حتى لو كان عليه
***********************
السيد هوبفل
باب التوبه مفتوح وحصل نفسك يا رجل..............
**********************
الاستاذ الموصلى
اظن بعد كده حانت مواعيد قدومك للوطن فهو وفنه فى حوجه لى امثالك فلا تبخل عليه اكثر من كده..........
*****************
الاستاذة رودا
اذا ذهب الحياء حل البلاء شفتى كيف........
****************************
الاستاذ ابو قاسم
لايوجد اعمى راى نفسه ولامخطى عرف نفسه.............
*************************
والبقية تاتى
|
|
 
|
|
|
|
|
| العنوان |
الكاتب |
Date |
| اضرب واهرب | waleed500 | 05-17-05, 01:05 AM |
| Re: اضرب واهرب | waleed500 | 05-17-05, 01:24 AM |
| Re: اضرب واهرب | waleed500 | 05-17-05, 01:37 AM |
| Re: اضرب واهرب | هشام مدنى | 05-17-05, 01:32 AM |
| Re: اضرب واهرب | waleed500 | 05-17-05, 01:59 AM |
| Re: اضرب واهرب | waleed500 | 05-17-05, 02:27 AM |
 Re: اضرب واهرب | يازولyazoalيازول | 05-17-05, 02:34 AM |
| Re: اضرب واهرب | waleed500 | 05-18-05, 00:41 AM |
| Re: اضرب واهرب | waleed500 | 05-18-05, 01:53 AM |
| Re: اضرب واهرب | waleed500 | 05-18-05, 02:00 AM |
|
| |
waleed500
فيس بوك
تويتر
انستقرام
يوتيوب
بنتيريست