|
Re: The Entry HAS NOT BEEN SELECTED (Re: tmbis)
|
الأخ تبلدينا سلامات تجربتك ما فريدة وغالبية الناس الدخلوا أمريكا ما دخلوها باللوترى يا يعنى ما بالحظ... قلع يد... زيهم وزى ناس الدول الماعندهم لوترى.. أول ما تخرجنا من الجامعة كان همنا نمشى أمريكا ... فى ناس مننا حاولوا الشورت كت وفى ناس كان محاولاتهم مؤسسة... اللوترى شغل بتاع حظ وحقو الزول المصمم أمشى أمريكا ما يعول عليه.. حاولوا الوسائل المشروعة التانية زى بقية خلق الله.. وعشان أديك مثال مشجع نحن من فصلى فى الجامعة فى حوالى سبعة فى منطقة واشنطون براها فيهم أتنين بس جوا لوترى... قيس بنفس النسبة على الفصول التانية فى نفس الكلية والكليات الأخرى والجامعات الأخرى... أمكن دا عشان الناس الجو فى زمننا كانوا معصوريين أكتر... هسة العصرة شكلها خفت وفى نفس الوكت حتى الناس البقدموا للوترى بقدموا بى كسل لامن يحيروك خصوصا الأجيال الجديدة.. يعنى أنا مثلا أولادنا وبناتنا الصغار عايزين يمشوا أمريكا وفى نفس الوقت ما بعملوا البتقولوه ليهم... ياخى أنا بعرف شباب أقرباهم دفعوا ليهم عشان يحسنوا أنجليزتهم وينجحوا فى التوفل أمكن يلقوا بيهو قبول. زاغوا.. زى ديل أنت تسألهم يقولوا ليك ياخى أحسن لينا اللوترى.. ولمن زمن اللوترى يجى تسكهم سك عشان يرسلو الصور والمعلومات الصحيحة.. والله لا وراك التعب البتعبوه ليك لمن يصلوا هنا.. ياخى نحن ثقافة الهجرة لى أمريكا حقتنا مثالية وما عندها أى علاقة بالواقع..
نحن فى زمننا، أول حاجة عملناها أنو أمتحنا التوفل.. حتى عندى صاحبى وهو عضو بالبورد دا أمتحن كمان الجى آرإى ولقى منحة فى واحدة من أرقى الجامعات هنا.. وإنشاء الله يقرأ كلامى دا ويدلى بدلوه... كلامى الكتير دا كلو قصدى أنو الناس المصممة تهاجر تعمل أكتر من الأعتماد على الحظ...
ناس المكسيك والناس البجو عبرها بدفعوا الآلاف عشان يهربوهم عبر السلك الشائك ووبموتوا بالعشرات فى الصحراء والبرجعوه بحاول تانى...
الصيينيين بدفعوا الالاف برضو عشان يهربوهم فى الحاويات عبر الموانى.. والماعندو قروش بيشتغل سنين عشان يسدد حق تهريبو..
نحن قدامنا طرق مشروعة كتيرة والمجتهد بلقى طريقة... أخوى تبلدينا .. أتمنى ليك التوفيق ومستعد أوفر ليك أى معلومة للطرق البديلة ودى بتعتمد على أنك مغروض فى الهجرة قدر شنو.. بالمناسبة ويشهد الله ولمدة طويلة أنا كنت فاكرك قاعد فى أمريكا.. تحياتى سيف
|
|
|
|
|
|
|
العنوان |
الكاتب |
Date |
The Entry HAS NOT BEEN SELECTED | Tabaldina | 07-05-09, 01:02 PM |
Re: The Entry HAS NOT BEEN SELECTED | omer osman | 07-05-09, 01:17 PM |
Re: The Entry HAS NOT BEEN SELECTED | فيصل نوبي | 07-05-09, 01:28 PM |
Re: The Entry HAS NOT BEEN SELECTED | Tabaldina | 07-07-09, 08:01 AM |
Re: The Entry HAS NOT BEEN SELECTED | Tabaldina | 07-05-09, 04:49 PM |
Re: The Entry HAS NOT BEEN SELECTED | عبد الرازق سعيد | 07-05-09, 01:26 PM |
Re: The Entry HAS NOT BEEN SELECTED | حيدر حسن ميرغني | 07-05-09, 01:34 PM |
Re: The Entry HAS NOT BEEN SELECTED | Tabaldina | 07-08-09, 08:21 AM |
Re: The Entry HAS NOT BEEN SELECTED | tmbis | 07-05-09, 02:17 PM |
Re: The Entry HAS NOT BEEN SELECTED | SAIF MUstafa | 07-05-09, 03:16 PM |
Re: The Entry HAS NOT BEEN SELECTED | محمد يوسف الزين | 07-05-09, 03:38 PM |
Re: The Entry HAS NOT BEEN SELECTED | Deng | 07-05-09, 05:00 PM |
Re: The Entry HAS NOT BEEN SELECTED | Tabaldina | 07-05-09, 05:26 PM |
Re: The Entry HAS NOT BEEN SELECTED | Deng | 07-05-09, 07:26 PM |
Re: The Entry HAS NOT BEEN SELECTED | Tabaldina | 07-05-09, 08:32 PM |
Re: The Entry HAS NOT BEEN SELECTED | Tabaldina | 08-02-09, 09:17 AM |
Re: The Entry HAS NOT BEEN SELECTED | Tabaldina | 07-08-09, 10:00 AM |
Re: The Entry HAS NOT BEEN SELECTED | Tabaldina | 07-07-09, 04:31 PM |
Re: The Entry HAS NOT BEEN SELECTED | Tabaldina | 08-02-09, 09:41 AM |
Re: The Entry HAS NOT BEEN SELECTED | Tabaldina | 08-09-09, 11:58 AM |
Re: The Entry HAS NOT BEEN SELECTED | ممدوح أبارو | 08-09-09, 12:47 PM |
Re: The Entry HAS NOT BEEN SELECTED | ممدوح أبارو | 08-09-09, 12:52 PM |
|
|
|