|
Re: ** أكتبـ ليكـ رسالة طويلة يا أمي ** (Re: Tabaldina)
|
.. . عارف يا ديكو..يا عشا البايتات انا حبيت أهدى القصيدة لوالدتكـ وخالتى أنيسة وبلسانها اليكـَ الدنيا عيد أم ( عليكـ الله اتمعن فى كلماتهابس ما تبكي)
النبي الرسولـ اليقطعك اليكسركـ حته حته كن ما جيت وجبرت خاطرى وقلت لى شـكراً
عافي منك و راضيه عنك سو رضايا ما بيخيب الرضا والدتو يا جنايا إنت من يا دوب صغير من زمان دايماً معايا إنت ديما أمامي ساير ما بخليك بي قفايا ما بتغيب من عيني لحظه ولا حصل سبتك ورايا لامن الله يشيل أمانتو أنا ببقي خاصاك بالرعايه +++ ليّ يرعاك البيرعي ليّ بيك يبرد حشايا أصلك إنت هديه منو والله بيك أجزل عطايا جيتني واحد مالو تاني رحمه في آخر صبايا قبل ما أفقد قدرتي و قبل ما تنهار قوايا جيتني زي بدراً منور و فجأه طليت في سمايا +++ أسا لما خلاص كبرت دار تسيبني أعيش برايا دار تفارقني و تهاجر و الحزن يصبح جزايا كيف يهونلك تحزن أُمك شان تحقق ليك غايه كان مهاجر شان علاجي بلقي في شوفتك دوايا كان عشان تسقينا مالك نحن بي حنك روايا كان عشان كرعينا راحل نحن بي بعدك حفايا كان مسافر شان تعرس خير أبوك مالي التكايا خيرو وافر أبوك يحمدو مراحو مليان بالسعايه و بالقروش الجيب مجكن و لسه برضو الجايه جايا +++ برضي منك ما بقصر بحفر أديك المعايا كان ده كلو شوي بتلقي في دهبي الكفايا أصلي من سويتو ناذرا يبقى لي أيام قسايا داخره للزمن البعاند و لي سعادتك يا عشايا إنت من شبيت سغير راسي ما بتحتاج وصايا ماحصل خيبت ظني ولا فشل فيك زين غنايا لا تسيب أُمك تهاجر يمه محتاجه الحمايه +++ لا تسيبني وراك ترحل إنت ياك ضلي و ضرايا إنت فوق الحوبة مقنع إنت للمكشوف غتايا دايره منك تبقي جمبي جمبي في فرحي و بلايا دايره كان قحيت أتبنك أرفع أقسملك غتايا إنت ساعت تبقي جمبي بتبقي ضلي وتوب قفايا و ما بخاف ظلم الليالي و إنت ياك عكاز عمايا +++ دايره أقضي عميري جمبك أصلو قارب للنهايه خايفه كان سافرت ترجع تلقي فاضي البيت بلايا حينا ما بتنفع قروشك و ما بتجيبلك أُم سوايا ماني عارفه سبب رحيلك يا وليدي شنو الحكايه إلا تبقي براك شايف في فراق الوالده غايه ما بعاتبك و ما بلومك لو رحلت و بلقي في الامثال عزايا علي حجر دايماً قليبك و قلبي كلو عليك جنايا +++ عافي منك و راضيه عنك سو رضايا و ما بيخيب الرضا والدتو يا جنايا
__________ وانا كمان عافي منك يا جنا
Quote: ما بعاتبك و ما بلومك لو (زعلت) و بلقي في الاخوان عزايا |
يا خى الدنيا فانية واخرها كوم تراب بس كلامكـ شين وما بنسكت عليهو بس اعمل شنو لازم اخدك على قدر عقلك ما اخوى الصغير ..
_____________ وووب على من تروتسكي شايفو اونلاين حسع يقول لي رقدت واطه كدى النمشي ننبطح
___________ هل تصدق انا بكتب الكلام دا 3 مرات الكهرباء بتقطع .. الظاهر هديتى لا تليق انا رديت ليكـ ( فى الخور) قبل ما ربنا يهد سري وتجينى حالة صحوة (معذرة) ___________ التبلدي فى مزاج رايق وصدقنى انا فى عرسكـ من غزال الكدور كن ما جيت وهزيت نصي ( هزت قاشي لغياب النص) وملت وقمت وحركت اصابعى فى الهواء ( ورمز للجبجبة) اكون اتلومت ..
مجدداً التحية للوالدة فى عيدها وربنا يحفظها ويديها العافية
سلام الى حين؛
|
|
|
|
|
|
|
العنوان |
الكاتب |
Date |
** أكتبـ ليكـ رسالة طويلة يا أمي ** | Tabaldina | 03-20-06, 11:45 AM |
Re: ** أكتبـ ليكـ رسالة طويلة يا أمي ** | Tabaldina | 03-20-06, 11:51 AM |
Re: ** أكتبـ ليكـ رسالة طويلة يا أمي ** | AMNA MUKHTAR | 03-20-06, 12:39 PM |
Re: ** أكتبـ ليكـ رسالة طويلة يا أمي ** | Osman M Salih | 03-20-06, 01:04 PM |
Re: ** أكتبـ ليكـ رسالة طويلة يا أمي ** | Osman M Salih | 03-20-06, 01:13 PM |
Re: ** أكتبـ ليكـ رسالة طويلة يا أمي ** | لؤى | 03-20-06, 01:45 PM |
Re: ** أكتبـ ليكـ رسالة طويلة يا أمي ** | Muna Khugali | 03-20-06, 02:41 PM |
Re: ** أكتبـ ليكـ رسالة طويلة يا أمي ** | AMNA MUKHTAR | 03-20-06, 04:47 PM |
Re: ** أكتبـ ليكـ رسالة طويلة يا أمي ** | الحارث سرالختم عبد الله | 03-21-06, 00:38 AM |
Re: ** أكتبـ ليكـ رسالة طويلة يا أمي ** | Elmosley | 03-21-06, 01:52 PM |
Re: ** أكتبـ ليكـ رسالة طويلة يا أمي ** | Tabaldina | 03-21-06, 01:44 AM |
Re: ** أكتبـ ليكـ رسالة طويلة يا أمي ** | nashaat elemam | 03-21-06, 02:28 AM |
Re: ** أكتبـ ليكـ رسالة طويلة يا أمي ** | Tragie Mustafa | 03-21-06, 02:40 AM |
Re: ** أكتبـ ليكـ رسالة طويلة يا أمي ** | جبران | 03-21-06, 03:37 AM |
Re: ** أكتبـ ليكـ رسالة طويلة يا أمي ** | Tabaldina | 03-21-06, 05:21 AM |
Re: ** أكتبـ ليكـ رسالة طويلة يا أمي ** | keiga2000 | 03-21-06, 05:30 AM |
Re: ** أكتبـ ليكـ رسالة طويلة يا أمي ** | نجود حسن عبد الرحمن | 03-22-06, 06:00 AM |
Re: ** أكتبـ ليكـ رسالة طويلة يا أمي ** | قرشـــو | 03-21-06, 05:34 AM |
Re: ** أكتبـ ليكـ رسالة طويلة يا أمي ** | najma | 03-21-06, 06:10 AM |
Re: ** أكتبـ ليكـ رسالة طويلة يا أمي ** | Tabaldina | 03-21-06, 11:02 AM |
Re: ** أكتبـ ليكـ رسالة طويلة يا أمي ** | DKEEN | 03-22-06, 08:42 AM |
Re: ** أكتبـ ليكـ رسالة طويلة يا أمي ** | Tabaldina | 03-22-06, 08:54 AM |
Re: ** أكتبـ ليكـ رسالة طويلة يا أمي ** | Tabaldina | 03-22-06, 10:39 AM |
Re: ** أكتبـ ليكـ رسالة طويلة يا أمي ** | AMNA MUKHTAR | 03-22-06, 12:16 PM |
Re: ** أكتبـ ليكـ رسالة طويلة يا أمي ** | ود المايقوما | 03-22-06, 12:44 PM |
Re: ** أكتبـ ليكـ رسالة طويلة يا أمي ** | Tabaldina | 03-25-06, 09:16 AM |
Re: ** أكتبـ ليكـ رسالة طويلة يا أمي ** | Tabaldina | 03-26-06, 07:28 AM |
Re: ** أكتبـ ليكـ رسالة طويلة يا أمي ** | عبدالرحمن عزّاز | 03-26-06, 08:00 AM |
Re: ** أكتبـ ليكـ رسالة طويلة يا أمي ** | DKEEN | 03-26-06, 09:08 AM |
Re: ** أكتبـ ليكـ رسالة طويلة يا أمي ** | Tabaldina | 03-26-06, 09:55 AM |
|
|
|