رشـا عـوض بين المناظرين .. لا خـوف على تيار الوحـدة مـن الإنفصـاليين

Quote: معقول هي كنت من أمس الحلقة ... يعني الانا حضرتها دي اعادة ولا ده Time Zone عموما يا ياسر احكي ليك قصتي مع الحلقة دي .. بعد نهاية الدوام الاول رجعت البيت ومرهق لي درجة الموت لانو مساهر في البورد لي اربعة صباحا ... عندي ساعتين مفروض اعمل فيها مل شيئ اضافة الي النوم .. لقيت برنامج للنساء فقط مستضيفين فيهو بتنا رشا قلت الليلة الا اشوف البت السودانية دي بتقول شنو مع الاخوات ( الفطاحلة ديل ) .. طبعا قاعد ومتظر ومغيوظ جدا من مقدمة البرنامج ... البتحاول بي طريقة ( الاتجاه المعاكس ) تلفيق التحليل والمعرفة .. واثبات التهمة ... عموما وانا بين نايم وصاحي ومنتظر بتنا ... والدعايات تعجبك لحدي ما بديت افكر في نظرية الموامرة ضدي ... يا زول صمدت ليهو شديد لمن بدات تتكلم وانا متابعها ليك بالحرف الواحد لحدي ما اتوترت في البداية كلامها ... واستمر معاي التوتر كانو انا قاعد قدام الكاميرا ... واللحظة الوحيدة الاستعدت فيها ثقتي في بتنا لما وجهوا ليها السؤال التاني ... ( لا دخان من غير نار هل تظنين ان المؤامرة الامريكية جاءت من فراغ ) ... مما بدت اول كلمتين .... مشيت قفلته التلفزيون وقلت .. عليك الله ناس الجزيرة ديل حقو يعملو بتنا دي مقدمة البرنامج ويودوا المذيعة السودان ( الدفاع الشعبي ) ... عشان تفهم ويجيبوها تاني .. وما كان عندي حيل اكتر من كدة .. حقيقي يا اوتكاست الكان موترني هو كما ذكرت عدم القدرة علي ابراز مقدرة مثل هذه .. وعدم طاطاة الرأس ... وانا جايي وفي راسي الموضوع ده لكن قلته اكيد في زول حاضرة والاهم من كدة عايز اعرف البت دي معانا في البورد ولا مافي .. ولو مافي يا ياسر وصية تجيبها ... معقولة تكون مافي .. معليش كتبت كتير وكلام ( سامت ) بس منفعل بيها لحدي الان