|
Re: الزومة يتغزل في موظفة مكتب (إهداء إلى جني) (Re: الزوول)
|
السلام عليكم أراد الزومة ( الشاعر ابراهيم الزومة وليس الصحفي صديق جني) أن يقضي مصلحة في كريمة ذهب إلى المكتب فقابله المدير ويبدو أنه سمع به فرحب به ترحيباً شديداً وكتكريم له أستدعى إحدى الموظفات وأمرها أن تساعده في إتمام إجراءاته ويبدو إنها كانت جميلة... أعجب بها الزومة إعجاباً شديداً ومن خلال الدردشة عرف إنها مخطوبة فارتجل هذه لقصيدة ويقول فيها الزومة اشعارك رتّبا *** وقول صلاة النبي فوق هبة ما كُتْ ترسّلها تتعبها *** وكُتْ بمشيلها أنا في مكتبها جات تتقسم قَلْبه قَلْبه *** وموج طَمح فوق قيفو كبا توبها طَرفو نسيمو هبا *** تسند فيهو يزيدها هيبة وقفت قائد فوق مسطبة *** والمديرذاتو غَلبو يخاطبها عودها إختارلو الموالى صَبة *** وقالبو في قارات أوروبا زي دي بيها الزول يتنبا *** وحديثها زي نضم الأطبا حَقو بالدولار راتبا *** ومديرها زاتو يكون نايبا مزروبة مابتقدر تَقربا *** والنفوس بيها معذبا خالقا الباري مرطِّبة *** والخلوق فوقها متكبكبا بس لو جايي من برة معلبة *** زي دي كان الزول يشربا ريش نعام ديسها مغلبا *** وزي سبيب الخيل مربا العيون نواتها كهربا *** وزي هلال الصوم حاجبا خيشيمها زي تمرة مرطّبا *** وتضوق طعم قولة مرحبا واسعادة القال خاطبا *** وفيها سعادة مسجد قبا نارها في جوفنا ملهلبة *** وذاتها فوق ذاتها هي معجبة ضميرها زي دبلة خاطبها *** وساقها تابر لى شبشبا باختصار ياخي مهذبة *** ومابتتعدى محاسن الصبا زي دي لو فشل الخاطبا *** مو شاكوش .. دي عديلي حربة
........................ وما الناس إلا هالك وأبن هالك *** وذو نسب في الهالكين عريق
|
|
|
|
|
|
|
العنوان |
الكاتب |
Date |
الزومة يتغزل في موظفة مكتب (إهداء إلى جني) | الزوول | 09-08-07, 11:07 AM |
Re: الزومة يتغزل في موظفة مكتب (إهداء إلى جني) | الزوول | 09-08-07, 11:10 AM |
Re: الزومة يتغزل في موظفة مكتب (إهداء إلى جني) | الزوول | 09-08-07, 11:15 AM |
Re: الزومة يتغزل في موظفة مكتب (إهداء إلى جني) | ملكة سبأ | 09-08-07, 11:35 AM |
Re: الزومة يتغزل في موظفة مكتب (إهداء إلى جني) | ابوحراز | 09-08-07, 12:05 PM |
Re: الزومة يتغزل في موظفة مكتب (إهداء إلى جني) | الزوول | 09-08-07, 03:56 PM |
Re: الزومة يتغزل في موظفة مكتب (إهداء إلى جني) | الزوول | 09-08-07, 03:50 PM |
Re: الزومة يتغزل في موظفة مكتب (إهداء إلى جني) | jini | 09-08-07, 05:42 PM |
Re: الزومة يتغزل في موظفة مكتب (إهداء إلى جني) | أحمد الشايقي | 09-08-07, 06:16 PM |
Re: الزومة يتغزل في موظفة مكتب (إهداء إلى جني) | نصار | 09-08-07, 09:12 PM |
|
|
|