|
Re: (مُلاح شرموط + لُـقمّة) داخل جهاز شؤون المغتربين!!!! (Re: walid taha)
|
من هو اول وغدٍ اشار بتنظيم شؤننا ؟؟ ومن قال لهم اني احتاج لمن يننظم شؤني؟؟
اصلا اين هذه الشؤن ؟؟
ليس في استطاعتي أن ادعوهم فاقول لهم : تعالوا نظمو شؤننا في مكاتب العمل في عواصم العالم؟؟ او تعالوا نظمو شؤن ابنائنا في جامعاتكم؟؟ او تعالوا نظمو شؤننا عند الخروج من مطارتكم وفي مطارات الدنيا ؟؟ ليس في استطاعتي لاني اعلم انه لم تعد لدينا شؤن منذ سنين خلت ..
الآن تغير كل شي.. فلا عمل لدينا لينظمه مكتب العمل .. ولا ابناء للجامعات لاننا توقفنا عن التناسل ...ولا مطارات نمر عبرها فنحن لا نمر أصلا وقد كفينا شركم بالخروج إلى أن يفتح الله علينا بزلزال يجعل اعلى الجهاز سافله ...
انتم تنظمون شؤنكم لو تعلمون ... تملاوون جهازكم بالحريم المكبرتات البفطروا في ستين دقيقة كاملة .. ومحلات تصوير باسعار غريبة جدا جدا ومبالغة جدا جدا ومقاولات لشركات مريبة وموظفين مستفزين بطبعهم (بفتح الفاء) اخلاقم زبالة و حديثهم اعوج ...
يتناسلون كل عام ..
يتناسلون فيذيدون كل عام ..
هكذا وهم يعلمون ..
يتنسالون منا دون أن يدروا انهم منا يتناسلون .
تجي تتفاهم مع اوضعهم مكانة مايعجبو تبريرك فتنفعل ..يقوم يقول ليك : يا زول امشي خلاص شيل جوازك ما بشتغلو ليك ذاتو....
ويرميهو ليك فوق الصبة بتاعة الكاونتر..
كيف يتجرا على أن يعيد لي جوازي بهذ الطريقة؟؟ كيف يتجرا أن يقول لي ما بخلص ليك جوازك؟؟ ارميه بالجواز في وشو غاضبا ُمستفزا قائلا : ياخي أنحنا الجبناك هنا؟؟ انحنا قنا ليك تعال هاك ده جوازنا سوي لينا فيهو إجراءات تأشيرة الخروج؟؟
ما انتو القلتو المغترب ما عندو خيار تاشيرة السفر إلا من خلال قنصليتكم جنوب الخرطوم دي!! منكم الخطيئة ومنكم الغفران.. منكم القتل ومنكم الرحمة .. منكم الجواز واليكم الجواز ..
من اولاد وين انتا يا معفن عشان تقول لي ما بشتغل ليك جوازك ؟؟
الم ُيخبره من اتى به إلى مكانه البارد هذا ان جلوسه في هذا المكان من اجلي؟؟
الم يخبره الذي اتى به أن اصل هذا المكان لخدمتي لا لبقائه باردا ؟
من يخبره عني أن ما يدخله في بطن زوجته هو من عرقي انا في شتات الارض ؟؟
ومن يخبرها عني بان ثمن هذه الحناء التي تظهر بها على زوجها ليلا من عرقِ راع ٍ في سهوبِ نجد..
منو البتجلى لي في الصالة دي ويشرح لي ياتو كيمياء في الدنيا بتحول ريحة عرق الرعاة في الخليج لى ريحة حنة في غرفة نوم باردة ???
ـــــــ
وليد..
رمضان كريم وكل سنة وانتا واسرتك بخير.. ورمضان الجاي فارش صينبتك قدام بيت ناس نارية..
|
|
|
|
|
|
|
العنوان |
الكاتب |
Date |
(مُلاح شرموط + لُـقمّة) داخل جهاز شؤون المغتربين!!!! | walid taha | 08-24-07, 03:06 PM |
Re: (مُلاح شرموط + لُـقمّة) داخل جهاز شؤون المغتربين!!!! | عباس محمود | 08-24-07, 03:46 PM |
Re: (مُلاح شرموط + لُـقمّة) داخل جهاز شؤون المغتربين!!!! | walid taha | 09-10-07, 08:12 AM |
Re: (مُلاح شرموط + لُـقمّة) داخل جهاز شؤون المغتربين!!!! | ولياب | 09-10-07, 08:36 AM |
Re: (مُلاح شرموط + لُـقمّة) داخل جهاز شؤون المغتربين!!!! | walid taha | 09-11-07, 09:03 AM |
Re: (مُلاح شرموط + لُـقمّة) داخل جهاز شؤون المغتربين!!!! | ابو جهينة | 09-11-07, 09:26 AM |
Re: (مُلاح شرموط + لُـقمّة) داخل جهاز شؤون المغتربين!!!! | walid taha | 09-12-07, 11:43 AM |
Re: (مُلاح شرموط + لُـقمّة) داخل جهاز شؤون المغتربين!!!! | انعام عبد الحفيظ | 09-13-07, 09:26 AM |
Re: (مُلاح شرموط + لُـقمّة) داخل جهاز شؤون المغتربين!!!! | walid taha | 09-13-07, 12:12 PM |
Re: (مُلاح شرموط + لُـقمّة) داخل جهاز شؤون المغتربين!!!! | Nasr | 09-12-07, 07:35 PM |
Re: (مُلاح شرموط + لُـقمّة) داخل جهاز شؤون المغتربين!!!! | walid taha | 09-15-07, 08:28 AM |
Re: (مُلاح شرموط + لُـقمّة) داخل جهاز شؤون المغتربين!!!! | DKEEN | 09-13-07, 03:18 PM |
Re: (مُلاح شرموط + لُـقمّة) داخل جهاز شؤون المغتربين!!!! | Nasr | 09-13-07, 11:42 PM |
Re: (مُلاح شرموط + لُـقمّة) داخل جهاز شؤون المغتربين!!!! | DKEEN | 09-14-07, 09:03 AM |
Re: (مُلاح شرموط + لُـقمّة) داخل جهاز شؤون المغتربين!!!! | walid taha | 09-18-07, 08:58 AM |
Re: (مُلاح شرموط + لُـقمّة) داخل جهاز شؤون المغتربين!!!! | Nasr | 09-14-07, 03:53 PM |
|
|
|