لاعبون كانوا نجوماً في كرة القدم السودانية فودعوا النجومية لإسباب مختلفة

Quote: سلاااام تاني يا هيثم وهاااك ديل كمان حسن عبد الوهاب لاعب صغير سجله الهلال ثم تم شطبه سريعا عبد الباقي الطاهر تم تسجيله مع انس النور من هلال الابيض وفي فترة وجيزة اصبح لاعب وسط الهلال الاول الى ان شطب عصام علي الريح من اولاد ماسا لا اذكر سبب شطبه. من طرائف لعيبة الكرة حكي لنا يوم محمد ادم(الموردة) بأنهم في احدى رحلات الفريق القومي الى اثيوبيا جاءت المضيفة بالطعام وسألت احد زملاءه عما يريد ان يأكل chicken or fish فعرف صاحبنا الدجاج والسمك ولكن اراد ان يجرب الثالثة فرد بكل ثقة OR . وحكى هشام الطيب حارس الهلال بان جاره لم يكن يفقه في الكرة شئ وكان دائما ما يرى هشام ذاهب الى التمرين وراجع من التمرين وماشي كورة وراجع من كوره فساله هذا الجار يوما انت الكوره دي المتعباك دي فايدته شنو فرد عليهو هشام بانو بلعب في فريق الهلال فقال ليهو يعني بتعمل شنو هناك رد هشام ياخي انا حارس مرمي الهلااااااااال فيادوبك استدرك صاحبنا بالله !!! هو انت يور البقولوه الناااس. ولي قدااااااام

العزيز mohmed khalail

مشكوور على هذه الإضافات .. نعم سمعت باللاعب حسن عبدالوهاب و كان ذلك في الفترة الأولى للمدرب أنور جسام لكن لم يعطيه الفرصة كاملة و لذلك لم يكن محظوظ و تم شطبه ... أما عصام على الريح فكان قد أصيب في ركبته و لذلك تم شطبه و هاجر للإمارات... أما قصة هشام دي زي قصة الولد الرايح الإسموا هيثم و ما تنقطع يا حبيب....