|
Re: تعليقات الصحف المصرية الرسمية عن مباراة الهلال (Re: عاطف محمد أحمد زكريا)
|
درجت مجلة ويك اند الاسبوعية على عمل مناظرة طريفة بين طرفى قطبى الكرة المصرية الاهلى والزمالك تحت عنوان (اهلاوى جدا ، وزملكاوى جدا) يسخر فيها الجانبين من بعضهما البعض فى شكل رسالة موجهة الى الفريق الاخر وقد تناولت مناظرة الزمالك هذا الاسبوع هزيمة الاهلى من الهلال على النحو التالى انا النهارده مش ح ارد على صديقى الاهلاوى لانى واثق تماما انه خارج نطاق الخدمة وذلك لرحلته فى الادغال لاستطلاع الهلال.... فى طلبه الغريب انى ارد عليه ح اقول كلمتين ان دى اكبر نتيجة اتغلب بيها فريق مصرى من نادى افريقى ..شكرا نادى القرن ...شكرا نادى اللعبة الحلوة...شكرا للنادى المشرفنا. فبعد ان أدب (بتشديد الدال) نادى الهلال السودانى فريق الاهلى واكرم ضيافته بثلاثة اهداف نظيفة فى مباراة فضيحة جديدة للنادى الاهلى .اقول ايه وارد على ايه؟ فالهلال الذى هزمه الزمالك من قبل على ارضه ووسط جماهيره . هزم مين معشوق الملايين الاهلى الجبار وطبعا انتو كجماهير اهلاوى كنتوا مستنين تصويبة طائشة كالعادة من ابو تريكة او غيره لعلها تنقذ ماء الوجه ولكن مفيش فايدة عشان ده مستواكم الحقيقى. كلمة اخيرة... الف سلامة على ابو تريكة..الف سلامة عليك يا اهلى..انشالله تفوق من الخضة قريب جدا . انا سمعت ان الاهلاوية صايمين النهاردة..بعد ما شافوا الهلال يوم الاحد، وطبعا عارفين اغنية رمضان الجديدة اللى هيغنيها سعد الصغير ( الاهلى فى كل حتة عمال يشيل اجوان ...شال واحد فى تونس وتلاتة فى السودان) وكل خضة وانت طيب يا اهلى.
|
|
|
|
|
|