|
Re: الوصيـــــــــة (Re: مجدي عبدالرحيم فضل)
|
الأخ العزيز / عمــــده
يازول خير .. شفقتنـــا .. يظهر عليك من النوع الكبكابة .. المابتحمل فراق العيال ..
الوصـــــــــية : شي مهم جداً .. تصدق أنا لي قرابة 14 سنة كاتب وصيتي وخاتيها في المحفظة .. وكل مرة بجدده حسب المستجدات .. وأهم شي في الوصية أنوا العفو والعافية .. وحل الديون إن وجدت .. وإتباع السنة في الدفن والمأتم وعدم النواح .. أما الصغار فلهم رب لن يضيعهم .. ياعزيزي الدنيا لاتسوى عند الله جناح باعوضـة .. أهم شئ تقوى الله .. وحسن الخاتمة .. وصدق رسول الله صلى الله عليه وسلم .. أحفظ الله يحفظك .. أحفظ الله تجده تجهاك.. وأهم شئ إحسان الظن بالله عز وجل .. شكراً على إثارتك هذا الموضوع المهم .. رخم خوف الكثيرون منه .. فنحن قوم نحب الحياة ونكره سيرة الموت .. هل تصدق أنني أسكن في حي يفصله من الموت شارع .. فإذا خرجت من منزلي رأيت الموت .. وإذا دخلت منزلي رأيت الموت ويكاد لايمر يوم إلا وأجد جنازة تحمل على الأعناق فأتبعها وأصلى عليها .. فكل يوم أجي البيت مغبر .. لأنني ببساطة أسكن مقابل مقبرة .. خارج النص : ياجماعة أي واحد بيعرف ليهو واحد داير يموت .. نحنا جاهزين .. قبر ناصية .. تاني ناصية .. فاتح على شارع الزلط .. كله موجود .. ماعليك سوى التنسيق قبل فترة كافية
ربنا يديك الصحة والعافية .. وتشوف جنى جنــــاك .. وتشوف جنى الجداد زاتوا ياخي وتاني مافي زول يجيب لينا سيرت البحر ..
أخوك/ الأرباب
|
|
|
|
|
|
|
العنوان |
الكاتب |
Date |
الوصيـــــــــة | عماد محمود علي | 08-11-07, 11:50 AM |
Re: الوصيـــــــــة | مجدي عبدالرحيم فضل | 08-11-07, 12:00 PM |
Re: الوصيـــــــــة | sudania2000 | 08-12-07, 08:23 AM |
Re: الوصيـــــــــة | حمزاوي | 08-12-07, 08:27 AM |
Re: الوصيـــــــــة | عماد محمود علي | 08-12-07, 09:39 AM |
Re: الوصيـــــــــة | Haytham Abdulaziz | 08-15-07, 01:22 AM |
Re: الوصيـــــــــة | عماد محمود علي | 08-18-07, 07:04 PM |
Re: الوصيـــــــــة | مجدي عبدالرحيم فضل | 08-19-07, 05:49 AM |
Re: الوصيـــــــــة | Khalid Saeed | 08-19-07, 11:19 AM |
Re: الوصيـــــــــة | ismeil abbas | 08-19-07, 12:32 PM |
|
|
|