|
|
 Re: فضلات إنسانية في غداء السيد الرئيس !!!! (Re: Amjad ibrahim)
|
العزيز عماد عبد الله
كيفك و كيف ايامك
تعرف يا عمدة لمن اشوف كتابتك دي بتذكر دايما ناس بيت المال و ابروف المقرمين، و كيف لا و زي ما قال البروفسر علي المك في لقاء مع "الديم حي تائه من احياء امدرمان.. في "
شايفك حسدت القارديا على حريتها في التنقل دون جواز سفر من قطاطي السكن العشوائي لقباب السلطان و دي حسادة محمودة على اية حال،
والدي ابراهيم سلمان رجل ساخر للغاية في اول ايام وجوده معنا هنا في هولندا مررنا بالسيارة في حقول خضراء يمرح فيها بقر فريزياني ماكن الضرع، فقال و الله تعرف "... بقرة في هولندا و لا انسان في السودان" البقر هنا بعلفوه و بحلبوه الزول في السودان بحلبوه بدون علف...
أما عن القارديا و اخواتها فحدث و لا حرج... حاولت القيام مرة بتجميع عينات من الموية من عدة احياء من العاصمة عشان أوديها لمعمل يشوف دي موية و لا حاجة تانية و الحايم فيها شنو... قتل الله الزمن السارق، و تخيل جبت معاي الانابيب لكن لا زم طبعا تلمها في آخر يوم عشان تشوف ليك معمل ود ناس يفحصها ليك خارج السودان و دي مسألة بتتطلب شوية حرفنة ووقت، لكنني ساعملها انشاء الله و لعل ذكرها في هذا الموقع يلهم شخص آخر ان يقوم بهذه العملية و يقيني سنذهل جميعا من النتائج...
مولانا محمد علي
مرحبا بك في هذا البوست المليء بالقارديا
نحاول جميعا ان نخرج الحقائق و صياغتها بطريقة سهلة تجعلها تصل الى الجميع بلغة مباشرة في العام الماضي كتبت مقال مشابه كان بطله الوزير عوض الجاز و عاد علي ببعض التعليقات الغير لطيفة لبعض من أخطاءوا قرائة المقال بفهم انني كنت افول على الوزير الهمام
و اعيد نشره هنا حتى تكتمل صورة الوضع الصحي المتأزم في السودان
تحياتي للاسرة الكريمة
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست