|
|
 يا الهلال مسّخت علينا الدوري الممتاز
|
حالة من الإحباط من المباريات المحلية أصبحت تلازم جمهور الهلال الذي عوّد نفسه على المباريات الكبييييرة والفرق العريقة ..
جمهور الهلال من ما بدت 2007 دي وهو بيجيب في الفرق العملاقة عشان تلعب في حي العرب محل الزحمة وسوق العيش وريحة الشطة والغبار ..
جمهور الهلال من ما بدت 2007 شي زمالك وشي اهلي وشي ترجي وشي اسيك وشي بي الشي وعند الله ما بيروح شي..
مباريات الدوري الممتاز زمان كانت تلب جمهور متعصب تلقاهو متنشن ولو كنا لاعبين ضد جزيرة الفيل أو المريخ أو حتى الخرطوم 3 ..
بالله العظيم أسة جمهور الهلال بيدخل مباريات الهلال في الدوري الممتاز وبطنو طاااااااااامة وما عندو خلف ولا نفس يشوف الكورة بس اللهم يتواضعو للفريق التاني عشان بس يلقى ليهو قروش من الدخل لكن سبب واحد يخلينا ندخل ماف..
جمهور الهلال الكتم نفسو يوم كورة اسيك وهو متقدم بهدف لم يكتف انفاسه وهو متعادل مع الموردة والجمهور ينطط ويرقص ويتونس ده ياكل في التسالي وده في الداردمة وده في القهوة وده في التبش وماااااااااا جايبين خبر..
الجمهور الكان بينطط لي هدف قودوين في الترجي لمن قودوين جاب قونو في الموردة التقول جابو في تقسيمة بين الازرق والابيض انا قلت لي الجمبي هي قون وقودوين زااااااااتو غايتو قام جاري لزوم بس بقت عادة وكده ...
غايتو يا هلال الملايين شكيتك على الله بيخت لينا الكورة المحلية ومرقتها من نفسنا..
البيشوف جماعتنا لمن إيداهو جاب القون في جزيرة الفيل تحلف تقول حابو في جزيرة مالطة في نهائي كاس القارات والدول المجاورة ..
والبيشوف جماعتنا لمن اليجا تانا جاب قون في كورة ودية تحلف تقول جابو في كاس العالم للكرة الشاطئية ضد البرازيل..
الهلال ده بعد كده مفروض بس يلعب دولي ويعتزل اللعب المحلي يعني بس يلعب بطولات خارجية كأس افريقيا كأس الأندية العربية كأس العالم للأندية وبي المييييت كدهولو اتواصعنا نلعب كأس الليبرتادوس (والله عاجبني سااااااااي الاسم ده ) أو البوندس ليجا أو البريمر ليقا أو السيريا ون (والله جنس أسامي ) ..
لكن تاني بري بري بري من الممتاز المحلي ..
وبري بري بري من كأس السودان..
وكر علي يا يمة من درع الإنقاذ ..
وعوووووووووووووووووع من مباريات دعم السلام ..
|
|
 
|
|
|
|
عمر الفاروق
فيس بوك
تويتر
انستقرام
يوتيوب
بنتيريست