|
Re: ركاب السودانية احتجوا على سوء معاملة شركتهم (Re: اسعد الريفى)
|
الاخ الرشيد شلال حبابك عشره تحية وتقدير.. والف شكر ليك لتناولك الموضوع الحساس ده فعلا مهزلة وتلاعب بالواضح الما فاضح بزمن وراحة السودانيين فى اى مكان لكن ياها حال سودانير بكل اسف ما حصل اوفت بى وعودها على الاطلاق بحكم شغلى فى المجال ده تمنيت من جوة قلبى ان لا تأتى سودانير هذا العام لانه حقيقى شىء مخجل لينا كشعب فى كل مكان السنوات المضت كنت بعانى الامرين مع سودانير لانه كنا فعلا بنحاول نساعدنجرى معاهم ونشجع المسافرين على الناقل الوطنى نحن كموظفات سودانيات فى هذا المجال انا والاخت بدور ركابى كان وجود الاخ عادل نمر والاخ وديديى الله يطراهم بالخير وطبعا كانوا بعانوا اكتر مننا .. لانه المعلومه بتجيهم مغلوطه من الخرطوم اذكر فى مره من المرات مكتبنا بالتعاون مع سودانير حققنا مبيعات كتيرةجدا والرحلات فى البداية كانت لا بأس بها اما التاخير ووجع القلب والمعاناه الملونه بالاضطهاد وعدم المسؤوليه بدت من الخرطوم فى رحلات العوده اتفننوا فيهم زى ما دايرين فى ناس عندهم تذاكر قاطعين ماشى وجاى والحجز مؤكد حضرت واحد جاء يأكد حجزوا فى مطار الخرطوم الموظف قال ليه قدامى تذكرتك دى يا خوى بلها واشرب مويتها كمان فى فصاحة وعدم احترام وكتيرين اتأذوا منهم..ونحن كموظفين بنتاذى مرتين احكى ليك الموقف التانى ده زوجى مره لاقاه سودانى فى سوبرماركيت ولا بعرفوا بس سمع ليك طرف الجنيدمن واحد صاحبوا بسلم عليه طوالى السودانى التانى اتوجه عليه وسأله قال ليه بتعرف اسماء الجنيد رد زوجى ايوه اسماء زوجتى طوااااااااااااااااالى صاحبنا قبل عليه قال ليه ياخ مرتك تمقلبنا فى الرجعه من الخرطوم ليه ؟؟ قال ليه فى شنو حجزك مامؤكد ولا شنو ؟ قال لى لا .. لا ما مسألة حجز لكن ياخ نمشى المطار والطياره تتأخر قال لى دى ياتوا طيارة.. قال لى السودانية .. عاين ليه بى استغراب وقال لى هى ذنبها شنو؟؟؟ ... قال لى زوجى عاينت ليه ومشيت خليتوا .. لانه حرام زاتو الزول يناقشوا تخيلوا نوعية زى دى تتفاهم معاها كيف؟؟ لحظتها قررت انه لو جانى مسافر داير سودانير .. اطلب منه يتوجه للمكتب الرئيسى ويتحمل مسؤليته وفعلا ده الحصل معاى الموسم ده لكن مسكينه بدور هى الاتكوت بى نارهم وندمانه جداا وحاتوب زى الموسم الجاى لو ربنا حيانا تخريمه انا مع اخونا ايمن اى واحد مشا طوعا وعارف مسبقا تصرفات سودانير يتحمل وجعوا براه شكرا اخى الرشيد شلال وشكرا لكل المشاركين فى هذا البوست الذى بتمنى يكون رسالة وصرخة قويةللمختصين فى السودان تحياتى .. اسماء الجنيد / مسقط
|
|
|
|
|
|
|
العنوان |
الكاتب |
Date |
سودانير تتلاعب بمغتربى مسقط | الرشيد شلال | 07-08-07, 08:55 PM |
Re: سودانير تتلاعب بمغتربى مسقط | الرشيد شلال | 07-09-07, 04:39 PM |
Re: سودانير تتلاعب بمغتربى مسقط | Rakoba | 07-09-07, 04:45 PM |
Re: سودانير تتلاعب بمغتربى مسقط | أيمن الطيب | 07-09-07, 05:36 PM |
Re: سودانير تتلاعب بمغتربى مسقط | الرشيد شلال | 07-10-07, 09:51 PM |
Re: سودانير تتلاعب بمغتربى مسقط | Dr. Ahmed Amin | 07-11-07, 04:10 AM |
Re: سودانير تتلاعب بمغتربى مسقط | عمار يس النور | 07-11-07, 07:44 AM |
ركاب السودانية احتجوا على سوء معاملة شركتهم | اسعد الريفى | 07-11-07, 11:10 AM |
Re: ركاب السودانية احتجوا على سوء معاملة شركتهم | soma | 07-11-07, 01:13 PM |
Re: ركاب السودانية احتجوا على سوء معاملة شركتهم | الرشيد شلال | 07-12-07, 04:49 PM |
Re: ركاب السودانية احتجوا على سوء معاملة شركتهم | هاشم أحمد خلف الله | 07-12-07, 05:00 PM |
Re: ركاب السودانية احتجوا على سوء معاملة شركتهم | الرشيد شلال | 07-13-07, 04:57 PM |
Re: سودانير تتلاعب بمغتربى مسقط | abubakr | 07-13-07, 09:25 PM |
Re: سودانير تتلاعب بمغتربى مسقط | الرشيد شلال | 07-14-07, 07:04 PM |
Re: سودانير تتلاعب بمغتربى مسقط | abubakr | 07-14-07, 07:27 PM |
Re: سودانير تتلاعب بمغتربى مسقط | عبده عبدا لحميد جاد الله | 07-14-07, 07:45 PM |
Re: سودانير تتلاعب بمغتربى مسقط | Kamal Karrar | 07-14-07, 07:48 PM |
Re: سودانير تتلاعب بمغتربى مسقط | الرشيد شلال | 07-15-07, 08:45 PM |
Re: سودانير تتلاعب بمغتربى مسقط | الرشيد شلال | 07-15-07, 08:53 PM |
Re: سودانير تتلاعب بمغتربى مسقط | الرشيد شلال | 07-16-07, 08:48 PM |
Re: سودانير تتلاعب بمغتربى مسقط | الرشيد شلال | 07-21-07, 09:54 PM |
Re: سودانير تتلاعب بمغتربى مسقط | الرشيد شلال | 07-24-07, 09:49 PM |
|
|
|