|
|
 كيزان المنبر هل تبع وأضينات ؟؟ ورونا منو البطل فى "الجماعة" قبل ما يلحق أمات طه لو سمحتم !!!
|
قبل ما يموت واحد فى طياره ولا سياره ولا ركشه ويمنعنا الخلق السودانى القويم الذى تربينا عليه قبل ظهور زمن "اللا - أخلاق" الغير حضارى من التشفى ونبش القصص والحكاوى ونكتفى بالدعاء للميت بالرحمة والمغفرة .. والغصة تطعن فى الحلق .. ورونا منو البطل من الجماعة الرفض فى قوة وثبات اعدام أنبل الرجال فى نهار رمضان وقبل العيد بأم معدودة وبينهم من كان جريحا ينزف دمه ؟؟
أو حتى ورونا منو الرفض اعدام البعض ( جهرا أو بصوت خافت) وطالب بالأكتفاء بأعدام القادة المخططين لذلك الأنقلاب كما جرت العادة والأخلاق والأعراف السودانيه وشرف العسكريه فى التعامل مع الأنقلابيين على مر العصور والأزمان ؟؟
متى أعدم جميع المشاركين فى انقلاب عسكرى من أكبر رتبة لأصغر رتبة (بدون فرز)؟؟
ورونا منو الرفض فى رجاله وشهامه أعدام الشاب مجدى محمد أحمد وجرجس بسبب دولار، والدولار كان عند التجار قبل ما يكون عند مجدى وجرجس والتجار معروفين منو؟؟
ورونا منو البطل القال بصوت عالى ان الأنقاذ حاربت بيوت الدعاره والخمارات فى العلن لكنها كانت السبب فى تفشى الدعاره والفساد بسبب تجويع البطون وتشريد الشرفاء وقطع ارزاقهم، حتى اصبح أكل الحرة من ثديها مشروع ومباح ؟؟
ورونا منو البطل القال انه بيوت الدعارة الكانت مفتوحه علنا وتم اغلاقها تحولت الى داخل بيوت الأسر وعلى مسمع ومرأى الأطفال الصغار بسبب الحاجه والفقر؟؟
ورونا منو البطل الرفض احتكار العمل التجارى للأقارب وأهل الثقة وكل من اظهر تدينا زائفا؟؟
متين نرى المحاكم تحاسب من أعدم ومن شرد ومن عذب ومن سرق ومن نهب قبل ان يذهب الى ربه ونجد انفسنا لا نملك له غير المغفرة والدعاء ؟؟
هل الدين والشريعه "هى لله .. هى لله" .. وبث ؟؟؟
ورونا منو الكان زاهد وورع وتقى وخايف ربو قبل ما يموت ويمنعنا الأدب والعرف السودانى من المغالطه والمماحكه؟؟
ولا انتو أضينات وتبع بتدافعوا عن ناس ما بتعرفوهم ولا بعرفوكم .. ولا مغشوشين زى الغبش الحبهم للدين مخليهم راضين بأى سلوك حتى لو كان مخالف للدين؟؟
مخارجه اولى:-
معاكم حق والبلد فيها 500 حزب اتحادى و300 حزب أمة .. وشيوعيين فى محلهم .. وشيوعيين بقوا حق .. وحق الشعب ضائع .. واللبراليين ما عندهم شغله غير الشيوعيين والحركة الشعبية مرة حليفة للكيزان ومرة همهما انسان الجنوب وما هاميها اى زول فى الشمال .. وناس دارفور كم حركة فى دارفور أنا واثق انهم فى انفسهم لا يعرفون عدد حركاتهم.. والتجمع الوطنى الديمقراطى يشارك فى مجلس غير ديمقراطى وقائد الجيش السابق يرضى بوزارة هلاميه تحت قيادة ضابط صغير من ضباطه سرق السلطه بكذبه باسم القيادة الشرعية!!!
ورئيس الوزراء الديمقراطى المنتخب من قبل الشعب يمنح شرعية لنظام غير شرعى، يفاوض ويوقع وفى النهاية يصبح أكبر خاسر.
مخارجه ثانية:-
معقول زول سودانى اصيل يدافع عن الكيزان دوغرى أو باللف والدوران؟؟
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست