|
|
 Re: إلي عزاز الشامي .. يجدها بخير (Re: esam gabralla)
|
الغالية عزوز يجدها بخير و شكرا لساعي البريد
الف مليون حمدلله علي سلامة الوالدة و قولي ليها مبروك وحمدلله علي السلامة عجبتيني و سريتي بالي انك إستخدمتي المولنيكس كما يجب و عجبنا و سر بالنا ايما سرارة تطبيعك مع المصاروة تطبيع الشجعان , و طمنيها عليك ياخ و خليها تتأكد انك كويسة و مبسوطة معاها و انك بدونها ما بتسوي , انا عارف انو القصة دي صعبة لكن انت إتحرفني غايتو . هجرة السجم دي يا صديقتي ما عارفين والله آخرها وين , خسيمك النبي قولي للوالدة طارق لي اسه قلبو بنقبض لمن التلفون يضرب و انو امو حردت الاتصال بيهو لانو بتخلع و انو بقت دمعتو قريبة مع انو جعلي (تجميع الخرطوم ) و انو تاريخو مع الموت سيئ. انا عمري ما حضرت موت عزيز وده المخوفني اكتر, اعزائي كتار يا عزوز. خليها تدعي لي (امك دي بتكون دعوتها فاتحة علي السماء) اني ما افقد عزيز و انا بعيد.
ضربت لي ابوي قلت ليهو نجحت يا ابوي و جبت ليك شهادة جديدة , قال لي ما عاوزها عاوزك انت , قلت ليهو اجيك بكرة قال لي لا تعال في العيد و جيب لي معاك اولاد الكــلب, ولو تعرفي انا بحب الراجل ده كيف تتحيري انو صبرنا علي الـ 13 سنة كيف ؟ قررت انو امشي اعيد معاهو و رئيستي المباشرة تضرب راسها في الحيط , عندها عدد واحد ميديكال ريبورت مكرب يتيح لي الخرطوم ببراح.
ما قاعد اغني اليومين ديل , بنوم و بصحي و بكتب في سودانيزاونلاين , بعيد عنك في الغربة دي الايميل و سودانيزاونلاين دي بسدوا لينا خانة زيارة الرحم , و انت عارفة زيارة الارحام فيها مُتعة و فيها مغسة و الواحد بهبش كايس الاجر.
والله يا عزاز مشتهي ونستك لكن مستعجل شوية باكر داخل رمضان و رمضان هنا بعيد عند بنصحي من النوم و نصوم لحدي ما اليوم ينتهي الساعة 6 نرجع البيت نقعد نرجي في الاذان بتاع الكمبيوتر داك لحدي الساعة 9 و نص بعد داك نفطر, فكرت كتير جدا انو ادي الكمبيوتر بيانات اي مدينة بتصلي المغرب الساعة 5 بتوقيت هولندا و ابحث عن مُفتي للقصة دي (لو جنبك مُفتي مستنير شوفيهو لي بلاهي)
علي سيرة الدوامات ويأفوخك العنيد, لا استطيع ان افتي لكني اوافق بلا شروط علي خياراتك , البني ادم مننا يا صديقة معجون طاقة و مزاج فأهنائي براحة البال و لا تحرمي ارحامك هنا من حلو الطلات. هذا و رمضانك و الوالدة الكريمة كريم
|
|
 
|
|
|
|
|
| العنوان |
الكاتب |
Date |
| إلي عزاز الشامي .. يجدها بخير | خدر | 08-10-10, 11:35 AM |
| Re: إلي عزاز الشامي .. يجدها بخير | Hussein Mallasi | 08-10-10, 11:40 AM |
| Re: إلي عزاز الشامي .. يجدها بخير | GamarBoBa | 08-10-10, 11:40 AM |
| Re: إلي عزاز الشامي .. يجدها بخير | معاوية عبيد الصائم | 08-10-10, 11:41 AM |
| Re: إلي عزاز الشامي .. يجدها بخير | خضر حسين خليل | 08-10-10, 11:47 AM |
| Re: إلي عزاز الشامي .. يجدها بخير | محمد صباحى | 08-10-10, 11:46 AM |
 Re: إلي عزاز الشامي .. يجدها بخير | محمد عبد الماجد الصايم | 08-10-10, 11:54 AM |
 Re: إلي عزاز الشامي .. يجدها بخير | Yassir Tayfour | 08-10-10, 12:05 PM |
| Re: إلي عزاز الشامي .. يجدها بخير | هواري نمر | 08-10-10, 12:10 PM |
| Re: إلي عزاز الشامي .. يجدها بخير | Amira Elsheikh | 08-10-10, 12:14 PM |
| Re: إلي عزاز الشامي .. يجدها بخير | خدر | 08-10-10, 01:58 PM |
| Re: إلي عزاز الشامي .. يجدها بخير | عزاز شامي | 08-10-10, 02:47 PM |
| Re: إلي عزاز الشامي .. يجدها بخير | عزام حسن فرح | 08-10-10, 02:58 PM |
| Re: إلي عزاز الشامي .. يجدها بخير | محمد عبدالرحمن | 08-10-10, 03:07 PM |
| Re: إلي عزاز الشامي .. يجدها بخير | esam gabralla | 08-10-10, 03:46 PM |
| Re: إلي عزاز الشامي .. يجدها بخير | خدر | 08-10-10, 06:42 PM |
| Re: إلي عزاز الشامي .. يجدها بخير | عمر عبد الله فضل المولى | 08-10-10, 08:38 PM |
 Re: إلي عزاز الشامي .. يجدها بخير | مرتضى احمد عبد القادر | 08-11-10, 00:02 AM |
| Re: إلي عزاز الشامي .. يجدها بخير | صديق الموج | 08-11-10, 00:33 AM |
| Re: إلي عزاز الشامي .. يجدها بخير | ALZOLZATOO | 08-11-10, 00:49 AM |
| Re: إلي عزاز الشامي .. يجدها بخير | أحمد الصديق | 08-11-10, 01:13 AM |
| Re: إلي عزاز الشامي .. يجدها بخير | ALZOLZATOO | 08-12-10, 00:13 AM |
| Re: إلي عزاز الشامي .. يجدها بخير | محمد المرتضى حامد | 08-13-10, 11:16 AM |
| Re: إلي عزاز الشامي .. يجدها بخير | عبد الرحيم محمد عبد الرحيم | 08-13-10, 12:16 PM |
| Re: إلي عزاز الشامي .. يجدها بخير | كمال سالم | 08-13-10, 12:27 PM |
| Re: إلي عزاز الشامي .. يجدها بخير | khaleel | 08-13-10, 01:17 PM |
| Re: إلي عزاز الشامي .. يجدها بخير | Kostawi | 08-13-10, 06:04 PM |
| Re: إلي عزاز الشامي .. يجدها بخير | اسماء الجنيد | 08-13-10, 06:35 PM |
| Re: إلي عزاز الشامي .. يجدها بخير | تبارك شيخ الدين جبريل | 08-30-10, 04:54 AM |
|
| |
خدر
فيس بوك
تويتر
انستقرام
يوتيوب
بنتيريست