تاكسى ممكن مشوار ,,
الاخ سودانى وكمان كاهلى يا سلام
اخر قادم من السودان,,,بحكى قصته بحرقة
شاب من شباب الوطن,,رجع السودان بعد 18 سنة,,رجع,, برا,,من الرياض الى جدة اخر متعة طرق وكبارى ومحطات خلوية ومطاعم على كيفك
رجع عشان يؤسس لاسرته التى مكثت فى الغربة30 عام,,عندهم قطعة ارض فى الدروشاب,,ماشى يقعد كم شهر ويشوف مقاول عشان يبنها
ويجى يلم فيها اخواته واخوانه الصغار,,عشان والده كبر واتقاعد,,وهو فى الثلاثين من عمره سيحمل الرايه بعده,,مكث فى السودان شهرا كاملا
ثم عاد,,قابلته ليلة امس ,,ياصديقى عودا حميدا مستطاب,,اها كيف السودان,,قال انا جيت راجع نهائى,,يازول قول راجع السودان نهائى,,قال لى لا
جيت نهائى,,,بعت قطعة الارض,,وجايى اسكن هنا ,,,يازول دى ما بلدك,,قال الوالد والوالدة,,ما بقى ليه عمر كتير,,وانا ظاتى بقى لى
30 سنة فقط,,خلينى اعيشها هنا,,,قلت ليه يارااااااااااجل,,,فهمنى القضية,,,قال لى, افهمك شنو,,انا ظاتى فاهم حاجة,,,,بس دا انطباعى
عن الرحلة التى اخذت من عمرى شهرا ,,وسلبت منى وطنا كنت احلم به حدادى مدادى,وافاخر به الاخرين
يازول صلى على النبى وتعال احكى لى تفاصيل الشهر,,قال لى ياولد,,افرض ان هنالك زر يثبت به تقدم الشعوب,,اضغط على زر المملكة 100 سنة بدون تقدم ولا عمران ولا صيانة لاى مرفق,,وخلى السودان متحرك,,,صدقنى لما تجى تقارن ستجد المملكة متقدمة على السودان,بعد 100 سنة من التوقف
بجد يا هشام خفت اساله تانى,,,ممكن يقول لى مافى ناس ظاتووووووو,,ممكن يقول دى بلد غير صالحة للحياة,,
يقوم يكتل احلامى وامجادى العراض,,بلد فيها النيل,,بلد فيها 14 نهر,,مشلخة زى وجوه اهلها تماما,,يجى درفون زى دا يكتل وطنيتى
معقولة بس,,خليه يمشى اها ياخوى مع السلامة بقابلك اخر الاسبوع ونشوف من الاخبار التانية,,والله خلانى مدبرس الليل كله,دا شاب فقده الوطن
كيف نرجعه ونبنى فيه ما خربه انطباع هذا الشهر,,
لو سمحت ياخ نزلنى هنا,,,حق مشوارك كم
(عدل بواسطة abuguta on 08-04-2009, 06:44 AM)
|
|
abuguta
فيس بوك
تويتر
انستقرام
يوتيوب
بنتيريست