|
Re: ده شـنو البحصـل ده يا نـاس الامة والاتحـــادي؟؟ (Re: Zoal Wahid)
|
الحبيب زول واح سلام
المنقة رايقة يا حبيب، ولو ما رايقة كان زمااان جانا ضغط.
Quote: نظافة الصادق دي ما فيها شك وكضاب السوداني البقول الصادق اكل حق الناس. |
دي نقطة هامة ولا ينصف أهل الحق إلا الحقانيين..
Quote: لكن لما ضربتو التفليسة رسل ولدو لحزب ديكتاتوري مناويء عشان يديهو مصاريف.......... دي تشرحها كيف. |
شفت يا حبيب فقرتك الأولى القائلة "نظافة الصادق دي ما فيها شك وكضاب السوداني البقول الصادق أكل حق الناس" بتنفي مباشرة تساؤلك الثاني.. وبعدين بالعقل والمنطق كده زول معارض يمشي يقول لخصمه أديني قروش والله الكيزان ديل لو وجدوا فرصة زي دي كان نشروها في كل زاوية.. يا أخي ديل بعض وزرائهم لما يتفرعنوا ويقلوا أدبهم إنت عارف يا حبيب بيعملوا ليهم شنو.. بيعطوا كل واحد فايله وبيقولوا ليهو أمشي أقرأ الملف ده وبعدين تعال لينا..
Quote: الكلام القالوا مبارك عن تمويل المؤتمر الوطني للصادق، ما في حد كذبو، |
أبداً الحزب نفى ذلك، وأقول ليك مبارك نفسه نفى الكلام ده بل طالب البعض بأن يعلن ذلك كتابة ولكنه يراوغ.. وبعدين يا أخي ليه كل اللفة دي المؤتمر الوطني عرض لحزب الأمة المشاركة في الحكومة ثلاث مرات وبالمناصفة.. الحزب رفض ذلك ودا السبب اللي خلى الكيزان يشقوا الحزب ببواسطة مبارك وبطانته.. يعني لو فعلاً الصادق كان محتاج لقروش الكيزان كان شارك بصورة واضحة وعلنية..
Quote: وحزب الامة مفلس مفلس مفلس. دي ما دايرة ليها نقاش. زميل دراسة يتولى منصبا هاما في الحزب يشكو من افتقار الحزب للتمويل. ما اسمعه من بعض اعضاء الحزب في المهجر ان النفير هو الاسلوب الغالب لديهم لدعم الحزب. |
مش مفلس بس... مفلس دي حاجة كويسة.. هل تعلم رئيس المكتب السياسي وأغلب قيادة الحزب يركبون المواصلات العامة... ولكنهم شرفاء ونظيفيين بسبب رفضهم لمشاركة هم في أمس الحاجة لها من الناحية الشخصية.. ولكن العام يغلب الخاص.. ودا سر تميز قيادة الحزب عن بقية الأحزاب، دكتور عمر الله يرحمه نال الدكتوراة في بداية الستينات وكان واحد من ثلاث سودانيين في هذا المجال توفى وليس له بيت ملك خاص به، وحتى بيت عائلته الآن كان شيرنق من أصحابه وأقاربه.. نعم الحزب يمول نشاطه من النفير وأرهقنا من المسألة دي... وما عايزين نمد يدنا لزول.. أنت عارف ليه.. علشان الواحد يكون رأسه مرفوع..
Quote: تحليلي للحاصل انو الحزب منذ فترة بعيدة يتجاهل احتياجات اعضائه، انا ما داير حزب الامة يبقي زي ناس الجبهة يسرق ليهم اموال الناس... عايزوا يبرمج مشاريع انتاجية |
دا كلام جميل جداً... في آخر لقاء حضرته للسيد الصادق وكان ذلك قبل شهرين ونصف سأله أحد الحضور لماذا نحن مفلسين وليه بقية الأحزاب عندها قروش، قال له إذا أردت لنا أكل الحرام ومال الشعب يمكننا حل المشكلة بالمشاركة، ولكننا فضلنا الإبتعاد عن ذلك.. اتفق معك لا بد من إيجاد حلول علمية وبصورة إستراتيجية، كل المهمشين والمغلوبين على أمرهم تتبع دوائرهم لحزب الأمة أنظر لدار فور وكردفان والنيل الأبيض ترى العجب..
Quote: حزب الامة قادر على ان يكون الحزب المارد .... ولكن |
والآن يجري نقاش حاد وحوار جاد حول هذه النقطة.. وفي تقديري الحل يمكن في إعطاء الفرصة لأصحاب العطاء من الدماء الشابة دون عزل أصحاب الكفاءات من أهل الخبرة.
|
|
|
|
|
|
|
العنوان |
الكاتب |
Date |
ده شـنو البحصـل ده يا نـاس الامة والاتحـــادي؟؟ | هشام هباني | 11-20-05, 00:17 AM |
Re: ده شـنو البحصـل ده يا نـاس الامة والاتحـــادي؟؟ | إسماعيل وراق | 11-20-05, 00:57 AM |
Re: ده شـنو البحصـل ده يا نـاس الامة والاتحـــادي؟؟ | عبدالرحمن الحلاوي | 11-20-05, 00:59 AM |
Re: ده شـنو البحصـل ده يا نـاس الامة والاتحـــادي؟؟ | هشام هباني | 11-20-05, 09:43 PM |
Re: ده شـنو البحصـل ده يا نـاس الامة والاتحـــادي؟؟ | ABDELMAGID ABDELMAGID | 11-20-05, 10:04 PM |
Re: ده شـنو البحصـل ده يا نـاس الامة والاتحـــادي؟؟ | Zoal Wahid | 11-20-05, 11:16 PM |
Re: ده شـنو البحصـل ده يا نـاس الامة والاتحـــادي؟؟ | إسماعيل وراق | 11-20-05, 11:29 PM |
Re: ده شـنو البحصـل ده يا نـاس الامة والاتحـــادي؟؟ | Zoal Wahid | 11-21-05, 01:35 AM |
Re: ده شـنو البحصـل ده يا نـاس الامة والاتحـــادي؟؟ | إسماعيل وراق | 11-21-05, 02:21 AM |
Re: ده شـنو البحصـل ده يا نـاس الامة والاتحـــادي؟؟ | Rin Andrew Luk | 11-21-05, 03:16 AM |
Re: ده شـنو البحصـل ده يا نـاس الامة والاتحـــادي؟؟ | إسماعيل وراق | 11-21-05, 03:59 AM |
Re: ده شـنو البحصـل ده يا نـاس الامة والاتحـــادي؟؟ | محمد حسن العمدة | 11-21-05, 04:32 AM |
Re: ده شـنو البحصـل ده يا نـاس الامة والاتحـــادي؟؟ | جمال هباني | 11-21-05, 02:14 PM |
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|