|
Re: الهلال يشكو المريخ لهيئة علماء السودان السلفية!! (Re: هشام هباني)
|
الهلال والمريخ قصة عجيبة بكرهو بعض وبيريدو بعض في ذات الوقت ، الهلال والمريخ جابو لينا المحترفين وأنصاف المحترفين وحالنا يا هو نفس الحال ، الهلال والمريخ سبب تأخر الكرة السودانية ، الهلال والمريخ أهم من السياسة الخارجية ومشاكل السودان الداخلية ، الهلال والمريخ فيهما المتنفس الوحيد لكافة مشاكل الغبش والبسطاء الذين يزحفون إلى المعلب منذ الظهيرة متزودين بتسالي وشئ من قصب سكر وبعض التمباك لزوم الكيف . الهلال والمريخ وجاهة إجتماعيه لرئيس النادي وسكرتير النادي ومدرب النادي. المريخ يتغلب من أم الطيور ما عندو مانع بشرط ما ينغلب من الهلال ، والهلال يتعادل مع ناس شلعوها الخوالدة بشرط يفوز على المريخ أو يتعادل معاهو في اسوأ الأحوال ، التحكيم فاشل في نظر جماهير الفريق المهزوم كان هلالاب وكان مريخاب. الكورة الأخيرة فاز المريخ على الهلال وبجدارة وشال كأس السودان وقبلها فاز الهلال ببطولة الدوري وبجدارة أها الحمبكة والبكا في شنو . وزمان أب عاج زاتو لمن حمبك قالو قلبها جماهيرية ، وجماعتنا الحاكمين الآن يمكن يقلبوها شعبية دفاعية يعني لو جبت قون واحد تكون هداف الدوري والكاس. الغريبة لو ما في هلال ما حا يكون في منافس للمريخ وبرضو لو ما في مريخ ما حا يكون في منافس للهلال والفريق القومي أغلب لاعبيه من الهلال والمريخ وناس البيت تلقي نصهم هلالاب والنص التاني مريخاب وحتي لعيبة الأندية الأخرى بتلقي عندوهم ميول للهلال والمريخ وحتى ناس الأقاليم سموا أنديتهم بأسماء الهلال والمريخ فأصبح هلال البيض ومريخ كوستي وهلال رفاعة ومريخ بورتسودان وهلال نيالا ومريخ جوبا إلي آخر القائمة ، ولمن قلت لي واحد عامل بيفهم في الكورة ليه ما يكون في أسماء تانيه قال لي يا أخي الإنجليز العملو الكورة هم بعملوا كده ، ما شفت مانشستر يونايتد ومانشستر سيتي مثلا ، قلت ليهو يعني هسع ليدز يونايتد ممكن يكون بشبه مانشستر يونايتد ، قال لي لا يا وهم يونايتد دي ما الموضوع الموضوع في مانشستر ، قلت ليهو طيب ناس مانشستر كورتهم بتشبه كورتنا قال لي إشتراك في الإيه آر تي وإتفرج . المهم يا عالم لازم تكون عندكم روح رياضيه ولازم تقولو مبروك للمريخاب ومن حقهم أن يحتفلوا ويفرحوا بفوزهم عليكم أيها الهلالاب فقد ملأتم سماوات أمدرمان في أسابيع قد خلت أنوارا وألعاباً نارية وأحتفلتم على طريقتكم الخاصة بفوزكم ببطولة الدوري وحق على المريخاب أن يحتفلوا ويملؤ سماوات العرضة وما جاورها صخباً وضجيجاً وألعاباً نارية حمراء وصفراء لا مريخ بلا هلال ولا هلال بلا مريخ مبروك أخي ودهباني وقبيلة المريخاب قاطبة فوز فريقكم المستحق وهاردلك أو قل حظ أوفر – حتى لا أرمي بالفسوق والكفر لتشدقي ونطقي كلمة غير عربية كافرة – لناس الهلال والهلالاب. بالمناسبة حكاية الأهلة المرفوعة في مآذن المساجد ما هي إلا وهمه كبيرة وليست من الدين في شئ حسب رأي حبوبتنا بت حاج علي عليها رحمة الله حيث تري في هذه الأهلة ضرب من ضروب الإستعمار التركي والدولة العثمانية وقياساً على هذه الفتوى لم يزين الهلال مسجد نادي المريخ بأمدرمان والصلاة في الجامع أب هلال والجامع أب نجمه واحد. من أطرف ما تفعله العصبية والحمية أن أحد أبناء الموردة الأصيلين وفي يوم زفافه وضع في منديل الجرتق في جبينه هلب بدلا عن هلال فحل بعض من المشكلة وبقي النصف الآخر بلا حل ، حيث أن الأغنية تقول وفي جبينه أو جبينها هلال فما هو رأيكم دام فضلكم.
|
|
|
|
|
|
|
العنوان |
الكاتب |
Date |
الهلال يشكو المريخ لهيئة علماء السودان السلفية!! | هشام هباني | 12-18-06, 07:06 PM |
Re: الهلال يشكو المريخ لهيئة علماء السودان السلفية!! | saif massad ali | 12-18-06, 07:13 PM |
Re: الهلال يشكو المريخ لهيئة علماء السودان السلفية!! | هشام هباني | 12-19-06, 07:20 AM |
Re: الهلال يشكو المريخ لهيئة علماء السودان السلفية!! | خالد عبد الله محمود | 12-19-06, 07:29 AM |
Re: الهلال يشكو المريخ لهيئة علماء السودان السلفية!! | اسامه هاشم | 12-19-06, 08:01 AM |
Re: الهلال يشكو المريخ لهيئة علماء السودان السلفية!! | abuguta | 12-19-06, 08:00 AM |
Re: الهلال يشكو المريخ لهيئة علماء السودان السلفية!! | keiga2000 | 12-19-06, 08:05 AM |
Re: الهلال يشكو المريخ لهيئة علماء السودان السلفية!! | almulaomar | 12-19-06, 10:40 AM |
Re: الهلال يشكو المريخ لهيئة علماء السودان السلفية!! | حسين يوسف احمد | 12-19-06, 05:19 PM |
Re: الهلال يشكو المريخ لهيئة علماء السودان السلفية!! | ABDELMAGID ABDELMAGID | 12-19-06, 05:57 PM |
Re: الهلال يشكو المريخ لهيئة علماء السودان السلفية!! | حسين يوسف احمد | 12-19-06, 07:04 PM |
Re: الهلال يشكو المريخ لهيئة علماء السودان السلفية!! | هشام هباني | 12-19-06, 10:16 PM |
Re: الهلال يشكو المريخ لهيئة علماء السودان السلفية!! | ABDELMAGID ABDELMAGID | 12-20-06, 05:28 AM |
Re: الهلال يشكو المريخ لهيئة علماء السودان السلفية!! | ABDELMAGID ABDELMAGID | 12-20-06, 05:43 AM |
Re: الهلال يشكو المريخ لهيئة علماء السودان السلفية!! | abas | 12-20-06, 05:43 AM |
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|