|
Re: ده منو الزول ده يا جماعة واناشايفو وين!! (Re: هشام هباني)
|
هشام هباني ..
أقرا الكلام الجميل دا من صاحب الصورة لي الطاهر ساتي شخصياً ..
Quote: الطاهر ساتي ساتي
ابوه ساتي ساتي .. من النوبيين الذين التحقو بفرق الهجانة بالجيش المصري.. عاد بعد حرب اسرائيل فاستقر في اقاصي الشمال عند اهله.. كان اكثر اهل الحي ودا واريحية ولازال.. واكثرهم على الاطلاق صلة للرحم والدم.. بسيطا هينا باشاً . دوما يلتحف شالا على راسة كعادة اهل الشمال.. وكعادة النوبيين في الكلاكلات والحاج يوسف ..في كل بيت يقطنونه لابد من شتلة نخلةٍ وشتلة ليمون.. ولايكاد يخلو بيت نوبي من الشجرتين.. كان يردد ايامها في الكلاكلة ..البيت المافيهو نخلة زي الخلا.. ويستعيذ بالله من شرِ بيتٍ بلا نخل..
جده لابيه الفقير اسماعيل.. كان - رحمه الله - رجل واسع التقوى .. ذوكرامات.. معروف عند اهل قرى شمال دنقلا في الشمال بي الفقير اسماعيل(الولي) .. بيت الفقير الان تهدم وبقيت اطلاله.. ولكن يمكنك ان تترك مقتنياتك اسابيع عددا بين تلك الاطلال لاتخشى عليها من سطوة شي.. يقول الاباء ان من اخذ شيئا ليس له من دار الفقير اسماعيل فانه لاينام ابدا.. فكان كل من لم يجد مكانا آمنا والى يوم الناس هذا يترك مقتـنياته بتلك الدار.. (فقير اسماعيل كانجرو) حمى بيت الفقير اسماعيل
الطاهر ساتي امه شريفة بت احمد تور.. احمد تور كان رجلا ذا سطوة وصاحب مكرمات وهيبة في عموم قرى شمال دنقلا .. من شجاعته اخذ لقب تور ..
ورثت شريفة عن ابيها بلاغةالحديث وقوته.. إمراة بتلاتين رجلاً.. ذات هيبة واسم.. واضحةالملامح واضحةالراي والقسمات .. تنبيك بما فيك من سلامك الاول ومشيتك الاولى .. وبتختها ليك عديل إن كان في عموم احوالك تقصير.. اورثتها نشاتها في بيت عز ابيهااحمد تور شجاعة وحسن تقدير للامور وللاحوال وقراءة الحياة.. فكانت تدير جميع مناسبات الاهل بحسن تصرفها.. فاذا ماكانت شريفة اطمان الاهل الى كل شي ..
الطاهر
نشأمثقفا يحب الاطلاع .. كوز ..ام مؤتمرجي ام حزب امة ام زول ساي ام هندي احمر.. ذلك لا يُهم.. فانا ادافع عن حريته كونه ادمي ولدته شريفة بت احمد تور حرا بلا اي قيد.. وكان في قريتنا حرا وبلا قيد وحق له ان يكون في الخرطوم حرا وبلا قيد .. فالمذنبون في الخرطوم على قفا من يشيل.. واللصوص في الخرطوم ضاقت بهم احاديث الصوالين... ومنتهكي الدستور في الخرطوم ينتهكون كل شي بلا احمٍ ولا دستور.. والرصاص في الخرطوم علا شانه وتجلت حكمته.. والرزق في الخرطوم ضاق فماتجلى شيُ ُ بعده ولا قبل.. وفي الخرطوم تعجز بوردابية عن بلوغ الكلاكلة لختم القران في بيت غادة نوري والعودة الى دارها بعد الخامسة مساءا.. معللة ذلك بالكركبة.. وفي الخرطوم اربعين جهةٍ مسلحة ..كل يوم جهةُ ُ منها في شأن.. وفي الخرطوم يؤخذ المرء من بيت ابيه وامه فُيذبح في خلا قريب.. وفي الخرطوم ُقتل 5 من العسس المسلحين فقط لان السلاح بيد كل من قويت شوكته.. وفي الخرطوم يكتب الطاهر ساتي عن الفساد في الجامعات فؤخذ الى الزنزانة..
اخر من يفكر في العنف من اولادالحلة كان الطاهر ساتي.. اكتر زول كان في حالو الطاهر ساتي.. اخذ يصعد كصحفي جيد لانه كان يكتب بصدق نيته..(بغض النظر عن اختلافنا مع شكلها)
ليس لي توجه سياسي محدد لاقول : رغم اختلافي السياسي والفكري مع الاخ الطاهر ساتي فان الموقف الاخلاقي والانساني يتطلب مني اعلان ...الخ
ولكن تضامني التام معه لحين اطلاق سراحة او توجيه اتهام وفق الضوابط المتعارف عليها ومن ثم النظر في امره في محكمة نزيهة..في زمان الناس غير النزيه هذا..
تبًا كيف يحيا الناس في بلادٍٍ لا تبرر السلطة فيها افعالها!! كيف تخلو الى نفسك في بلادٍ تأخذك ليلا من فراشك.. |
كدا كيف ؟!!
|
|
|
|
|
|
|
العنوان |
الكاتب |
Date |
ده منو الزول ده يا جماعة واناشايفو وين!! | هشام هباني | 02-17-07, 05:17 AM |
Re: ده منو الزول ده يا جماعة واناشايفو وين!! | معتصم مصطفي الجبلابي | 02-17-07, 05:23 AM |
Re: ده منو الزول ده يا جماعة واناشايفو وين!! | هشام هباني | 02-17-07, 05:31 AM |
Re: ده منو الزول ده يا جماعة واناشايفو وين!! | هشام هباني | 02-17-07, 05:35 AM |
Re: ده منو الزول ده يا جماعة واناشايفو وين!! | هشام هباني | 02-17-07, 05:40 AM |
Re: ده منو الزول ده يا جماعة واناشايفو وين!! | هشام هباني | 02-17-07, 05:46 AM |
Re: ده منو الزول ده يا جماعة واناشايفو وين!! | ناذر محمد الخليفة | 02-17-07, 06:17 AM |
Re: ده منو الزول ده يا جماعة واناشايفو وين!! | هشام هباني | 02-17-07, 08:08 AM |
Re: ده منو الزول ده يا جماعة واناشايفو وين!! | alsngaq | 02-17-07, 08:30 AM |
Re: ده منو الزول ده يا جماعة واناشايفو وين!! | هشام هباني | 02-17-07, 09:16 AM |
Re: ده منو الزول ده يا جماعة واناشايفو وين!! | هشام هباني | 02-17-07, 09:28 AM |
Re: ده منو الزول ده يا جماعة واناشايفو وين!! | abuguta | 02-17-07, 09:37 AM |
Re: ده منو الزول ده يا جماعة واناشايفو وين!! | الطاهر ساتي | 02-17-07, 01:08 PM |
Re: ده منو الزول ده يا جماعة واناشايفو وين!! | صلاح الدين عبدالله محمد | 02-17-07, 02:08 PM |
Re: ده منو الزول ده يا جماعة واناشايفو وين!! | هشام هباني | 02-17-07, 03:37 PM |
Re: ده منو الزول ده يا جماعة واناشايفو وين!! | ناذر محمد الخليفة | 02-17-07, 03:38 PM |
Re: ده منو الزول ده يا جماعة واناشايفو وين!! | هشام هباني | 02-17-07, 05:03 PM |
Re: ده منو الزول ده يا جماعة واناشايفو وين!! | ناذر محمد الخليفة | 02-18-07, 06:43 AM |
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|