الشيخ أبوزيد محمد حمزة يفتخر بهدم القبب في السودان(يوجد فيديو)

Quote: قالوا المزيكة حرام السينما حرام المسرح حرام وطلع شيخهم من مؤسسي قصر الشباب والأطفال .. عندهم شيخ كبير برضو اسمو (أبو زيد) اصبح وزير لي وزارة الشباب والرياضة (تشتمل على الموسيقى والمسرح) ووزارة السياحة (المعابد الأثرية وغيرها) مع العلم انهم طالبوا في مساجدهم قبال كده بتحطيم المعابد الأثرية مثل معبد البركل وغيرها . اي زول ما معاهم بيعتبروا انو منهجو منحرف وعقيدتو ضالة ، مع العلم انو الإسلام لا داير ليهو تجمعات لا حاجة ممكن الزول يكون فرد مسلم والسلام .! بيهاجموا الصوفية بأسلوب جارح كلو استهزاء ######رية وعندك شيخهم (محمد مصطفى عبدالقادر) ، اسمع واحكم بي نفسك وحجتهم في الأسلوب البغيض ده (محاربة الإنحراف في العقيدة) مع العلم انو هم نفسهم عندهم انحرافات عقدية وأديك مثال : واحد قبال كده شايل ليهو كتاب مطبوع في السعودية وبيناقش فيني بإني مفترض اقتنع انو ربنا عز وجل عندو (عَينين اثنتين حقيقيتين) .. والله يا جماعة قلت ليهو مافي زول بينكر صفات ربنا لكن (اثنتين) دي جبتوها من وين ؟؟ ولغاية اللحظة دي ما وصلنا لي حاجة .. طبعاً هو شايف انو عقيدتي منحرفة لأني رفضت اقتنع بقصة (اثنتين) دي فالناس ديل ما عايزين منهم شئ غير انو (يقعدوا في الواطة) زيهم وزي باقي الناس ويخلوا الناس في حاله