|
أول جواب ريدة..
|
الحبيبين كيفنكم.. انا في المتوسطة يا الحبيبين شوفتها في درس العصر والناريي دي انطلقت فيني.. العيون غٌلاااااااااد وليهن رموش واقفات فوقن علي السلك الشايك في كتيبة الجيش.. والشلاليف وحات نضري التقول حلاوة لكوم.. الضفيري خاتاهاقدامها فوق صدرها تطلع وتقوم مع نفس الصدر علي بساتم العربية.. ويا حلات الفستان وهو ملصق فيها.. يمين وكتين يصل حتة الخصر دي تقرب تعوعي.. اها بقيت كل يوم وكتين اشوفها اغمض في العيون وافتحن علي الصايداهو أم فريحانة.. وفي الطريق ونحن راجعين أصلو ابقى زي العوير والعوقة أشوف فيها وأصنقع في السماء.. وطارق صحبي قدر ما يتونس معاي وانا شابكو: آآآآآي قلت شنو.. تميت شهر في جنس الحال دة وخلاص غلبني وبقيت افكر في الطريقي الاقولها شي إن شاء الله حتى أقولها «كيفنك».. تسوي شنو يا ود جبرين.. تسوي شنو... بس... جاتني.. تنقصى في الواطة وتكتبلها جواب وتديهو ليها في يدها.. أصلو ما لقيتلي حل غير الجواب دة.. جيت من المدرسة يا الحبيبين اشتريتلي فلسكاب.. ومشيت علي دولاب اختي الكبيرة وسرقتلي منها ريحي.. وتش تش اديت الفلسكاب رشة وجيت قعدت في صالونا.. ختيت الفلسكاب دة في كراس الجغرافية وبقيت افكر: يا ربي الخرابة دي يكتبولها شنو.. قدر ما حكيت راسي دة من كلام الانشاء داك والكلمات الغُلاد غُلاد ديك.. أصلو أبت تجيني.. وقلت كدي بسم الله وكتبتلا:
الى اجمل انسانه رأيتها فى حياتى الى حبيبتي «وجدان» مرت الثواني والساعات والشهور وقلبي يحترق (أماني جنس فسو).. كنت أشوفك من بعيد كما القمر.. لا انت هلال كما هلال الصوم.. انتى مثل النجم المشع جماله يفوق الحدود.. كنت احسب النجوم واكلم القمر.. (أصلو فسو السواد).. لا أنام الليل وصورتك تظهر لي في الظلام.. كتمت حبك في قلبي حتى لا يعرفه أصحابي في الحلة.. لقد تعبت مشاعري كثيرا وكنت أراك في المرآة.. فهل هذه الحروف سوف تعبرعما بداخلى .. لان ما بداخلى نار لا يقدر احد بوصفها لك.. أنا اعيش فى حبك وجمالك الذى سحرانى.. افكر فيك بين الحصص وأنا في ميدان الكورة.. يا اجمل واحدة فى الكون فانتى من العطر النابع من جوة الزهور حبيبتي «وجدان» إن قلبي يتعذب في بعدك عني.. إني أحبك.. أحبك.. أحبك.. المعذب طارق..
قفلت الجواب في الظرف ويديني ديل يرجفن علي بندول ساعة الحيطة.. وبقيت افكر كيف اديهو الخرابة دي وانا قلبي يضرب.. وخايف من البُطان المعاي واحد يختف البت مني ولا كمان يشوف الجواب.. بقيت كل يوم اساسق من الدرس وامشي وراهم والجواب في جيبي.. اصلي ما لقيتلي فرصة اديهو ليها.. ربكم رب الخير طارق ود حومد حسين تجيهو ملاريا واليوم داك كانت ماشة معاها «انتصار» بس.. بس خليتهم مشوا قدامي كدة لامن بقينا في الفسحة ومافي زول شايفني وقلت كدي مشيت عليهن.. خبيت لامن وصلتهن وبقيت ارجف زي الجرو الماسكه السَعَر.. وايديني ديل ماتن ضومة ضومة.. وركبيني ينطاقشن في بعضن متل العجلة وكتين اللستك يكون فيهو كركاسة كبيري.. سلم عليهن بي صوت مبحوح وقلتلا: «وجدان» دقيقة بس.. وغمت ليها الجواب في يدها وتاني غلبني النضم ضومة ضومة.. وقع مني قلم الرصاص ودنقرت رفعته.. وعلي العلي كان قلم الرصاص مبري إبرة بس وقع مني.. بعد أديتها الجواب من الكبكبة العلي دخلت قلم الرصاص بين البنطلون واللباس.. وبقى يطعن فيني ونحن ماشين وهي خجلانة ماسكي الجواب وترجف.. وانا مفشق علي ود الطهور من طعين قلم الرصاص.. لا عرفت أقولها شي لا قدرت أتكلم.. وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد.. وكل مرة أفشق زيادة لامن بقيت علي البرجل في شكل زاوية منفرجة.. ولابسلي تموت تخلي يشيل ويخم في التراب بس الكـــــــــــلب القام بال وبقى بي كرعينو يدفن في البول.. أصلي لامن وصلت البيت عضام ضهري كلهن يطقطقن من الفنسة.. وإن ما كضبت باقيلي قلم الرصاص قرب يفقشلو حاجة.. ......................................... الغريب بت الهرمة دي ما ردت علي لي يوم الليلة.. لا يبقى دة شاكوشي الأول وانا ماني عارف
تعالوا فتيهو هنا
|
|
|
|
|
|
|
العنوان |
الكاتب |
Date |
أول جواب ريدة.. | طارق جبريل | 01-22-13, 11:23 PM |
Re: أول جواب ريدة.. | الامين موسى البشاري | 01-22-13, 11:34 PM |
Re: أول جواب ريدة.. | طارق جبريل | 01-22-13, 11:41 PM |
Re: أول جواب ريدة.. | محمد عوض السيد | 01-22-13, 11:34 PM |
Re: أول جواب ريدة.. | طارق جبريل | 01-22-13, 11:47 PM |
Re: أول جواب ريدة.. | عادل الباهي عبدالرازق | 01-22-13, 11:49 PM |
Re: أول جواب ريدة.. | محمد عوض السيد | 01-22-13, 11:56 PM |
Re: أول جواب ريدة.. | عادل الباهي عبدالرازق | 01-23-13, 00:20 AM |
Re: أول جواب ريدة.. | ABUHUSSEIN | 01-23-13, 00:23 AM |
Re: أول جواب ريدة.. | Balla Musa | 01-23-13, 00:50 AM |
Re: أول جواب ريدة.. | طارق جبريل | 01-23-13, 10:40 AM |
Re: أول جواب ريدة.. | طارق جبريل | 01-23-13, 10:39 AM |
Re: أول جواب ريدة.. | طارق جبريل | 01-23-13, 10:36 AM |
Re: أول جواب ريدة.. | طارق جبريل | 01-23-13, 10:35 AM |
Re: أول جواب ريدة.. | محمد جبره | 01-23-13, 01:40 AM |
Re: أول جواب ريدة.. | عادل عبد الرحمن حسن | 01-23-13, 03:50 AM |
Re: أول جواب ريدة.. | Balla Musa | 01-23-13, 03:55 AM |
Re: أول جواب ريدة.. | Balla Musa | 01-23-13, 04:11 AM |
Re: أول جواب ريدة.. | طارق جبريل | 01-23-13, 10:43 AM |
Re: أول جواب ريدة.. | يحي قباني | 01-23-13, 04:12 AM |
Re: أول جواب ريدة.. | سليمان القرشي | 01-23-13, 05:33 AM |
Re: أول جواب ريدة.. | طارق جبريل | 01-23-13, 10:47 AM |
Re: أول جواب ريدة.. | الطيب عثمان يوسف | 01-23-13, 05:36 AM |
Re: أول جواب ريدة.. | omer osman | 01-23-13, 06:46 AM |
Re: أول جواب ريدة.. | عبيد الطيب | 01-23-13, 07:14 AM |
Re: أول جواب ريدة.. | طارق جبريل | 01-23-13, 10:50 AM |
Re: أول جواب ريدة.. | مجدي عبدالرحيم فضل | 01-23-13, 07:14 AM |
Re: أول جواب ريدة.. | سامى عبد المطلب | 01-23-13, 09:52 AM |
Re: أول جواب ريدة.. | طارق جبريل | 01-23-13, 10:53 AM |
Re: أول جواب ريدة.. | طارق جبريل | 01-23-13, 10:52 AM |
Re: أول جواب ريدة.. | طارق جبريل | 01-23-13, 10:49 AM |
Re: أول جواب ريدة.. | طارق جبريل | 01-23-13, 10:48 AM |
Re: أول جواب ريدة.. | طارق جبريل | 01-23-13, 10:45 AM |
Re: أول جواب ريدة.. | بله محمد الفاضل | 01-24-13, 11:12 AM |
Re: أول جواب ريدة.. | طارق جبريل | 01-24-13, 11:16 AM |
Re: أول جواب ريدة.. | الجنيد حمد | 01-24-13, 11:42 AM |
Re: أول جواب ريدة.. | طارق جبريل | 01-24-13, 12:07 PM |
Re: أول جواب ريدة.. | وليد زمبركس | 01-26-13, 05:16 AM |
Re: أول جواب ريدة.. | طارق جبريل | 01-26-13, 01:18 PM |
Re: أول جواب ريدة.. | طارق جبريل | 01-23-13, 10:42 AM |
Re: أول جواب ريدة.. | طارق جبريل | 01-23-13, 10:37 AM |
Re: أول جواب ريدة.. | جمال عبد الناصر محمد | 01-23-13, 10:53 AM |
Re: أول جواب ريدة.. | طارق جبريل | 01-23-13, 10:55 AM |
Re: أول جواب ريدة.. | طارق عمر مكاوي | 01-23-13, 10:54 AM |
Re: أول جواب ريدة.. | طارق جبريل | 01-23-13, 10:56 AM |
Re: أول جواب ريدة.. | طارق عمر مكاوي | 01-23-13, 11:00 AM |
Re: أول جواب ريدة.. | إدريس محمد إبراهيم | 01-23-13, 11:16 AM |
Re: أول جواب ريدة.. | طارق جبريل | 01-23-13, 11:24 AM |
Re: أول جواب ريدة.. | وضاحة | 01-23-13, 11:10 AM |
Re: أول جواب ريدة.. | saidahmed shami | 01-23-13, 11:18 AM |
Re: أول جواب ريدة.. | طارق جبريل | 01-23-13, 11:26 AM |
Re: أول جواب ريدة.. | طارق جبريل | 01-23-13, 11:25 AM |
Re: أول جواب ريدة.. | علي محمد الفكي | 01-23-13, 11:36 AM |
Re: أول جواب ريدة.. | وليد محمد المبارك | 01-23-13, 12:41 PM |
Re: أول جواب ريدة.. | طارق جبريل | 01-23-13, 12:47 PM |
Re: أول جواب ريدة.. | طارق جبريل | 01-23-13, 12:47 PM |
Re: أول جواب ريدة.. | سارة كرودى | 01-23-13, 12:58 PM |
Re: أول جواب ريدة.. | طارق جبريل | 01-23-13, 01:06 PM |
Re: أول جواب ريدة.. | محمد عبد الله الامين | 01-23-13, 01:34 PM |
Re: أول جواب ريدة.. | طارق جبريل | 01-23-13, 06:15 PM |
Re: أول جواب ريدة.. | حمزه بابكر الكوبي | 01-23-13, 06:35 PM |
Re: أول جواب ريدة.. | هشام كمال عبادي | 01-23-13, 08:05 PM |
Re: أول جواب ريدة.. | طارق جبريل | 01-24-13, 10:28 AM |
Re: أول جواب ريدة.. | طارق جبريل | 01-24-13, 10:29 AM |
Re: أول جواب ريدة.. | طارق جبريل | 01-24-13, 10:31 AM |
Re: أول جواب ريدة.. | طارق جبريل | 01-24-13, 10:26 AM |
Re: أول جواب ريدة.. | وضاحة | 01-24-13, 12:25 PM |
Re: أول جواب ريدة.. | الزبير صالح الزبير | 01-24-13, 01:14 PM |
Re: أول جواب ريدة.. | وضاحة | 01-24-13, 01:21 PM |
Re: أول جواب ريدة.. | طارق جبريل | 01-24-13, 04:23 PM |
Re: أول جواب ريدة.. | طارق جبريل | 01-24-13, 04:24 PM |
Re: أول جواب ريدة.. | طارق جبريل | 01-25-13, 11:41 PM |
Re: أول جواب ريدة.. | الزبير بشير | 01-26-13, 02:12 PM |
Re: أول جواب ريدة.. | طارق جبريل | 01-27-13, 09:09 PM |
Re: أول جواب ريدة.. | showgi idriss | 01-27-13, 09:40 PM |
Re: أول جواب ريدة.. | طارق جبريل | 01-29-13, 05:10 PM |
Re: أول جواب ريدة.. | طارق جبريل | 01-29-13, 05:12 PM |
Re: أول جواب ريدة.. | مجاهد محمد الهادي | 01-29-13, 05:23 PM |
Re: أول جواب ريدة.. | طارق جبريل | 01-29-13, 11:08 PM |
Re: أول جواب ريدة.. | Raja | 01-29-13, 07:05 PM |
Re: أول جواب ريدة.. | عثمان الشريف اسحاق | 01-29-13, 07:38 PM |
Re: أول جواب ريدة.. | طارق جبريل | 01-29-13, 11:09 PM |
|
|
|