نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 كركار خدوم..
|
- نفيسي: دحين يا خدوم (خادم الله) بيتك دة عدمان الكركار والحجار
- خدوم: كيفن يا نفيسي
- نفيسي: نان شقوق كرعيك اليدخلن العقرب ديل ماكي شايفاهن
- خدوم: من الشقاوة يا حبيبة قساي وحش البرسيم
- نفيسي: نان نحن مالنا مانا قاعدين نحش البرسيم ونحلب النعاج
ما يييديل كرعينا مملسات وليلنا ونهارنا ندخن وبرطمان الدلكي في المُعلاق وفتيل الخومري تحت السرير
- خدوم: أنا شن عرفني
- نفيسي: هو ذاتو حسن دة العاجبو فيكي شنو..
كرعينك مكلوجة وسَفَتك علي «لبقة» حوض البرسيم..
يا خرابة ما تشوفيلك حجرا تحكي شقوق كرعيك ديل..
يمين يضرسن عاملات علي الحلفا..
- خدوم: نان انا حسن قلتلو عرسني... ما تراهو جاء لي ابوي وقال دايرني..
وبقينا نرمي في الشفع علي رمييي اللقيمات..
- نفيسي: أصلكن بسم الله آآبتقوولوها.. قبلكن وحدكن..
الحالة كرعينك ملياني شقوق وراسك منكوش علي اللاشميق..
- خدوم: (ختتلها سفي): ههههههه نان انت مقصري ما يييدا مليتي الدنيي بُطان..
عاملي جضومك الناشفات ديل علي السعن اليابس..
- نفيسي: (ولعتلها سجارة ألت برنجي) ههههههههههه.. عاد فراغك..
يمين وكتين امشط مسايري واتمسح بالكركار وآكبلي خومري تحت إضنيني وألبس الكلوش..
وحات نضري ود الطيب دة ان كان ليهو ينهق كلو كلو..
- خدوم: انت عاد بتتقدري.. ماكي قاهري من يومك..
وحات ود الكرسني ود الطيب وكتين يجي يطالع لااااافوق يكابس في الحيط لامن يصل لي بيتو.. الراجل رقدتيهو كاويق.
- نفيسي: هههههههههه.. ايه من يومه راقد كاويق.. الشي دة وين قاعد يكتلو زول..
- خدوم: عاد لا يقَعْلِك متل سِري حسنة.. كتلتلها تلاتة رجال..
- نفيسي: قبلها وحدها مالها قاعدي تسويلم شنو..
- خدوم: الواحد فيهم ليله ونهاره يقرع ويحش في القش للنعاج..
ووكتين تمغرب يجي جاري علي البيت.. الصلاة ما يصليها في الخلوة..
- نفيسي: عفيت منها قصيبة التقنت.. هههههههه.. باقلي طلحها ليله ونهاره موووقد..
- خدوم: وحاتك يا نفيسي بس تمغرب يطفوا فوانيسهم.. بس سنة سنتين تجي تصحي الراجل فشان يمشي لي قراعتو.. ان كان تلقاهو ميت...
- نفيسي: ود الهرمة.. هههههههههه
- خدوم: هسي قالوا تفتشلها في واحدا رابع..
- نفيسي: خلاص عرسيلا حسن دة.. انت اصلك غير سف الصعوط ماكي نافعي شي..
خدوم: بري بري مالي بديها راجلي تكتلو علي.. نان كوم البُطان دة الداير يربيهو لي منو..
- نفيسي: ههههههههه الله يقلعك يا خرابة تورتي علي صدري..
- خدوم: اريتها خوتك خوة التاباني.. دايري تقلعي مني الراجل تديهو للقاهر دي..
وحات نضري من يوم الليلي كركاري ما ينزل من المعلاق..
وبرطمان الدلكي ياني الداساهو تحت العنقريب اللااااااجوة..
وإن كان للشقوق إن شاء الله بالمنجل علي أحتهن...
- نفيسي: ههههههههههههههههههههههه.. بت الغلفا..
- خدوم: هوي يا نفيسي الدنيي مغربت خليني اللمشي اتشوبح في حفرتي ألت الدخان..
- نفيسي: يا خرابة لا تفضحينا في نصايص الليل.. باقي ستنور ان بقت سمعتك..
يمين علي تجي تفرشو في الدرب لااااااتحت..
- خدوم: هي كدي... في مان الله
- نفيسي: ههههههههههههههه صلحي شناط العنقريب المرخرخ داك لا تتقلمي يا خرابة..
- خدوم: هههههههههههههههههههههه
|
|
 
|
|
|
|
|
| العنوان |
الكاتب |
Date |
| كركار خدوم.. | طارق جبريل | 05-15-11, 12:02 PM |
| Re: كركار خدوم.. | عبد الدائم سيد أحمد | 05-15-11, 12:29 PM |
| Re: كركار خدوم.. | طارق جبريل | 05-15-11, 01:01 PM |
| Re: كركار خدوم.. | طارق جبريل | 05-15-11, 01:02 PM |
| Re: كركار خدوم.. | محمد أبوالعزائم أبوالريش | 05-15-11, 01:09 PM |
| Re: كركار خدوم.. | طارق جبريل | 05-15-11, 02:32 PM |
| Re: كركار خدوم.. | محمد صديق | 05-15-11, 01:09 PM |
| Re: كركار خدوم.. | Hatim Gubara | 05-15-11, 01:29 PM |
| Re: كركار خدوم.. | عمران حسن صالح | 05-15-11, 01:48 PM |
| Re: كركار خدوم.. | ميسرة سيد أحمد | 05-15-11, 02:02 PM |
| Re: كركار خدوم.. | saif massad ali | 05-15-11, 02:32 PM |
| Re: كركار خدوم.. | طارق جبريل | 05-15-11, 02:54 PM |
| Re: كركار خدوم.. | طارق جبريل | 05-15-11, 02:52 PM |
| Re: كركار خدوم.. | طارق جبريل | 05-15-11, 02:36 PM |
| Re: كركار خدوم.. | طارق جبريل | 05-15-11, 02:34 PM |
| Re: كركار خدوم.. | طارق جبريل | 05-15-11, 02:33 PM |
| Re: كركار خدوم.. | ندى صالح الطيب | 05-15-11, 06:01 PM |
| Re: كركار خدوم.. | Hayat Hussien | 05-15-11, 06:44 PM |
 Re: كركار خدوم.. | ناصر فراج | 05-15-11, 10:33 PM |
| Re: كركار خدوم.. | حبيب نورة | 05-16-11, 00:45 AM |
| Re: كركار خدوم.. | عرفة محمد سعيد | 05-16-11, 05:46 AM |
| Re: كركار خدوم.. | ياسر نجيلة | 05-16-11, 08:06 AM |
| Re: كركار خدوم.. | هاشم محمد الحسن عبدالله | 05-16-11, 09:29 AM |
| Re: كركار خدوم.. | ابو جهينة | 05-16-11, 09:43 AM |
| Re: كركار خدوم.. | موسي الراجل | 05-16-11, 11:09 AM |
| Re: كركار خدوم.. | طارق جبريل | 05-17-11, 10:28 AM |
| Re: كركار خدوم.. | طارق جبريل | 05-17-11, 10:27 AM |
| Re: كركار خدوم.. | طارق جبريل | 05-17-11, 10:21 AM |
| Re: كركار خدوم.. | طارق جبريل | 05-16-11, 12:17 PM |
| Re: كركار خدوم.. | طارق جبريل | 05-16-11, 12:16 PM |
| Re: كركار خدوم.. | طارق جبريل | 05-16-11, 12:15 PM |
| Re: كركار خدوم.. | طارق جبريل | 05-16-11, 12:14 PM |
| Re: كركار خدوم.. | طارق جبريل | 05-16-11, 12:13 PM |
| Re: كركار خدوم.. | طارق جبريل | 05-16-11, 12:11 PM |
| Re: كركار خدوم.. | ابو جهينة | 05-17-11, 01:20 PM |
| Re: كركار خدوم.. | طارق جبريل | 05-18-11, 09:28 AM |
| Re: كركار خدوم.. | هواري نمر | 05-18-11, 09:41 AM |
|
| |
طارق جبريل
فيس بوك
تويتر
انستقرام
يوتيوب
بنتيريست