بعد افول الهلال الجالية السودانية بالمغرب تنام مغبونة

Quote: ما كنت عايز انزل للمستوى دا لكن اعمل شنو حرقني غلب الهلال انا المريخابي طلعتوني طابور خامس

خامس ) كنت قاصد فقط أدخل الرقم ( 5 ) عشان تفرحوا زيادة بدون ما يجي في بالي مدلول الكلمة .. يعني الحكاية كلها مزاح في مزاح ..
وبعدين عاوزاقول ليك حاجة ( بديهية ) جدا ...شفت الهلال ده لو اتغلب من الرجاء 92/ صفر وسافر لنيجيريا انهزم 117/صفر ورجع الخرطوم ب6 طائرات خاصة محملة بالأهداف فقط ( عشان يفرح راكوبة )حيرجع الخرطوم ويلقى عشاقو الـ 80 في المية من الشعب السوداني ملتفين حولو .. مش لأنهم متعودين على الهزائم زي ما بتقولوا .. بالعكس عودنا الهلال على الانتصارات دائما - ولكن لانو الحكاية بالنسبة لينا مش كورة بس " وإلا لاكتفينا بمشاهدة الدوري الإسباني " .. الهلال يا طارق بيمثل قيم جمال .. رمز انتماء .. شلالات فرح .. وحاجات كتيرة الواحد ما بيقدر يشرحها وبتفضل في حيز الاحساس ..
وبالمناسبة بالأمس ايضا ، ورغم مرارة الهزيمة ، توجهت مباشرة بعد نهاية دوام العمل صوب محطة القطار ، فاتني قطار الرابعة لأنني تأخرت دقيقة واحدة فقط ( عقبال قطاراتنا ) فامتطيت قطار الرابعة والنصف ووصلت لكازابلانكا مع صافرة النهاية لمباراة إعدادية للزعيم مع فريق من المحمدية ، لعنت حظي ، فقد كنت أمني النفس اللحاق بالشوط الثاني .. بقيت مع أعضاء الوفد الهلالي حتى الحادية عشر ليلا ، ضحكنا كثيرا على تعليقات المريخاب التي ورت في سودانيز اون لاين بعد ان نقلت لهم ما اسعفتني بهم الذاكرة ( اخوك في جهاز امن الهلال ) ..وصدقا لو وجدت عطلة اسبوع واحد فقط لكنت معهم الآن في الطائرة التي أقلعت قبل قليل مصحوبة بدعواتنا ...أرأيت كيف يكون العشق ..
ومع ذلك .. ولو داير تحصر الحكاية في الكورة بس اقول ليك ..شفت قارة افريقيا دي .. من الاسكندرية لغاية راس الرجـــاء الصالح .. والوطن العربي من المحيط الأطلسي إلى الخليج العربي .. لما يفكــروا يعملوا دوري للأبطــال - حصرا - دائما بيلقوا " الهلال " هو ممثل المليون ميل مربع ..اذن فهو مصنف مع " الكبار " ... انت ما سألت نفسك ليه المريخ ما بيقابل الأندية الكبيرة دي ..وبيتلاقى مع اندية بطولات بلادها ما قادرة تشيلها .. ومع ذلك بيتلطش


[B]الأخ تيتاوي .. تحياتي
صراحة أكثرنا ( عقلانية) في مداخلاتك ..سلم يراعك ( كيبوردك ) يا أخي

.