|
Re: فرط الجرعة : تؤدي إلى احتشاء عضلة القلب (Re: عمران حسن صالح)
|
Quote: عاتبني كما تريد فالأمر أثار عواصف وأشجان فبكيت حرقة .. وشوق ونضمي |
وعاتبنى برضو زى عمران اخوى ده ياعماد واعفى لينا....... ماقدرت وهاجت شجونى وانا محتاجة لا بوى اكتر من اى زمن فات... ومشيت جبت كرت والدنيا برد يثير حمى الحنين ويصحيها.. سمعت صوت ابوى... واهن كان... كلمة وكلمتين وانفجر بالضحك وادانى الحبة المنومة { عافى وراضى عليك دينا وآخرة يا شروقة} سانام بهدوء... طالما عفوه وعفو امى الصامت يغطيانى....
Quote: اليوم لن اكتب سواك يا ابى....
كيف حالك يابا والعام رمادة وبالروح باقى صهيل... كيف حالك يا ابوى... وكيف حال عينيك... { ليه بنهرب من مصيرنا... نقضى ايامنا فى عذاب ليه.. ليه تقول لى نحنا انتهينا... ونحنا فى عز...ال... عز الحريق يا ابوي.. صورتك وانا طفلة وشعرك الشاقيهو ابراهيم عوض ووجهك البهى الوسيم... ونبضك الدافق على ضفة قلبى الصغير,,, كبيرتك... وسميتنى اشراقه... هل ترانى اشرقت فيك؟ اليوم.. الثامن والعشرين من تموز الفجيعة.. صحوت وصداع الغنا النصفى يفتك برأسى... واغنية المصير ..... { ولما اغرق فى دموعى بتبكى من قلبك معاى...} والله حاسة يا ابوى وعارفة كيف انت حاضن فى عمرك شقاي صحيت على صوتك... وعلى ضحكتك... وحبك للحياة... من يومى سمونى بت ابوها... بحب الدنيا زيك... وبضحك عليها... هديتنى كتبك واشجان عمرك.... كان عمرك يومها ثمنتاشر اغنية ربيع وامى اربعتاشر كراسة وقلم كتبتها فى قلبك ذات عصير... وفى داك الليل هطلت النجمات من قلبك وقلب امى وكنت انا ابنة النجمات والمطر... والحزن المبين.. اعرف كم احببتنى... الآن اعرف يا ابى... منذ ذاك التاريخ فى تموز... تماما مثل هذا الوقت كان فى عينيك بقايا دموع... يأأأأأأأه يا ابوى.... كبدتك رطبة رجفت فى جوفى... وانت تشمخ بالانين... انت المؤمن... الا تؤمن باقدار القلوب حين تنشق فى لحظة شجن الى نهرين انه القدر... وطريقين... وبلوماتنا يقوقيان حزنا بلا ذنب.. غير اننا فى الانا غارقين... يا ابوى... ماعارفة مر كيف يوم داك... والكل فاغرا فاه... مالك يا امرأة... لا دموع لا نشيج لا ..... الحمامة طليقة المدى... وأى مدى يا ابتى... قلبك عطن حزنى فى بحره على ضفته جلست عشتار تبكى.... كما بكينا يوم الانتصار العظيم... ما انتظرت طقوس الفرح تكمل... وهب جلالك وكل القوم يعصر جمرة فى قلبه.... هربت يا ابى من عينيك فى بدء الغنا وفى منتصف الخلاص عانقت فيك شقى السنين... تعانقنا يا ابوى... وحكت ليك نبضاتى الكتير... عن فرحتى بيك.. عن زعلى وانا صغيرة وقلبك عشق ورده غير امى... حسيت بيك بعيد منى... وفقدت وقفتك ايام نجاحاتى,,, ومرت سنين يا ابوى.... وحكيتنى يوم داك... وغسلتنا دموعنا من كل الغضب..والشجن و ال..... حكيت ليك كتير... حتى المابتقال قلتو ليك... ما انت دنيتى وكل صحابى... والصراحة البينا دفتر الفاتحة للشموس يا ابوى.... فى شوارع المنفى مشيتك معاى... قلت لى البلد جميلة ومدهشة... ولغتك المشذبة يا ابوى زى زهور فيينا الصاحية تمسح منى كل ماعلق... من زيفى... وكل كلمة كضب... قلت ليك.... اغفر لى يا ابوى... مرة حلفتك بيك.. وبامى وعيالى... بس من طرف لسانى... ومابقدر اغفر لنفسى... لانو حياتك اغلى... اغلى كتير من خفقان قلبى... حكيت ليك.... عن داك الريف... عن الشجرة الفى منتصف الطريق... حفظت خطاوينى... فى داك العام كانت محنوفة زى وشى... وبكت معاى يا ابوى حكيت ليها الماقدرت اقولو ليك... لانو الشجر يا ابوى بيدفن طوالى فى الارض... قلت ليها ادفنى ومعاك الدعد... مايطلع تانى يوم مهما كان السبب.... وماتسألنى عن قصة الارض والعطش والهزيمة... احكى لى انت عن اكتوبر.. وعن وقفتك فى ميدان الحرية تهدر للجموع.... كنت بشيل صورك للبنات... بقول ليهم ده خطيبى... ماشكلك كان صغير... ووسيم... وحلم كل البنات والشجر... حكيت ليك يوم قلبى عشق... علمتنا الصراحة... وكان موقفك من جز النبق موقف غضب... وتآمرن الحبوبات... وهدرت.. وكان العقاب... فى نهاية العام المنصرم... شهرين يا ابوى وحكينا... ليل ونهار... وضحكنا... لمن كلب جارتنا الخواجة نط... عجبتك البلد... ومسكة الايادى... قلت لى .. شوف بالله ... لمن يعجزوا بحبو بعض... يا ابوى هنا مافى عساكر وجبخانة... هنا غير... بس كان احسن من سيرة الدعد... قلت لى كان تجيبينى قبال عشرين سنة... واكملت ليك الغنوة... وتعرس حاجة كريستينا... ويكون اخونا اسمهم ميشايل وانجى واحمدين.... وضحكنا... والشارع ضحك... كنا قريبين شديد يا ابوى من بعض... وقريت كم من كتب... جنك قراية... يا ابوى... يافهم.. وحكيت لى كتير... وعرفت يا ابوى كيف بتحب الحياة... وبتقرأ التاريخ والشعر... وملحمتى كانت عينيك اللى اتملت دموع وانت شامخ فى ديك الصاله تستلم عنى شهادة من دمى.. تاريخى.. احزانى... ورجل كان حبيبى... فيها حكايتى والحب البينى وبين تلك النخلة فى داك الريف... يوم رحلت عرفت بان جزور قلبى فيهو انقطعت... عرفت... والله عرفت... كانت حبيبتى وامى... وكان حبيبى وابى... عرفت يا ابوى.. انك ماسعدت يوم... مع وردتيك... وغفرت يا ابوى... فى داك اليوم الكان فيهو اشجان الحكى... بس انت اغفر لى... اغفر لى... يا نونو عينيايا... يا ابوى....
الحمامة طليقة... والمدى ملغوم... لن افتى ولن اقول... لا... بعد عام... نبت من قلبك فى الحمامة بعض ريش... وهفت جنحاتها... بس لسه مابتقدر تطير... عضمها لين... والعشب طرى... ولن نعيد التاريخ...
الحمامة يا ابتى طليقة... وعشتار تغنى فى تموز الفجيعة وتموز,,, اله الخصب... رمى بزرته فى ارضى... خصوبة الارض... نبت العشب.. نمى... وفى القلب بقايا صهيل...
وبعدين يا ابوى... عاوزة اقول ليك... انت حبيبى الباقى لى ... انت حبيبى والباقى لى... حبيبى يا ابوى
ومساء الحمامات الطليقة... مساءات الغفران... |
فى تموز: عشرة قصاصات للعشب والمطر
|
|
|
|
|
|
|
العنوان |
الكاتب |
Date |
فرط الجرعة : تؤدي إلى احتشاء عضلة القلب | Emad Abdulla | 10-12-09, 03:39 PM |
Re: فرط الجرعة : تؤدي إلى احتشاء عضلة القلب | Emad Abdulla | 10-12-09, 03:53 PM |
Re: فرط الجرعة : تؤدي إلى احتشاء عضلة القلب | Emad Abdulla | 10-12-09, 04:01 PM |
Re: فرط الجرعة : تؤدي إلى احتشاء عضلة القلب | Ishraga Mustafa | 10-12-09, 04:05 PM |
Re: فرط الجرعة : تؤدي إلى احتشاء عضلة القلب | Emad Abdulla | 10-12-09, 04:13 PM |
Re: فرط الجرعة : تؤدي إلى احتشاء عضلة القلب | باسط المكي | 10-12-09, 04:28 PM |
Re: فرط الجرعة : تؤدي إلى احتشاء عضلة القلب | Osman Musa | 10-12-09, 05:06 PM |
Re: فرط الجرعة : تؤدي إلى احتشاء عضلة القلب | Emad Abdulla | 10-12-09, 06:27 PM |
Re: فرط الجرعة : تؤدي إلى احتشاء عضلة القلب | Emad Abdulla | 10-12-09, 06:22 PM |
Re: فرط الجرعة : تؤدي إلى احتشاء عضلة القلب | Adil Osman | 10-12-09, 05:15 PM |
Re: فرط الجرعة : تؤدي إلى احتشاء عضلة القلب | حيدر حسن ميرغني | 10-12-09, 05:56 PM |
Re: فرط الجرعة : تؤدي إلى احتشاء عضلة القلب | عمران حسن صالح | 10-12-09, 06:26 PM |
Re: فرط الجرعة : تؤدي إلى احتشاء عضلة القلب | عمران حسن صالح | 10-12-09, 06:41 PM |
Re: فرط الجرعة : تؤدي إلى احتشاء عضلة القلب | عمران حسن صالح | 10-12-09, 07:10 PM |
Re: فرط الجرعة : تؤدي إلى احتشاء عضلة القلب | Ishraga Mustafa | 10-12-09, 07:47 PM |
Re: فرط الجرعة : تؤدي إلى احتشاء عضلة القلب | Emad Abdulla | 10-13-09, 06:01 AM |
Re: فرط الجرعة : تؤدي إلى احتشاء عضلة القلب | عمران حسن صالح | 10-13-09, 12:21 PM |
Re: فرط الجرعة : تؤدي إلى احتشاء عضلة القلب | Emad Abdulla | 10-12-09, 08:45 PM |
Re: فرط الجرعة : تؤدي إلى احتشاء عضلة القلب | Emad Abdulla | 10-12-09, 06:48 PM |
Re: فرط الجرعة : تؤدي إلى احتشاء عضلة القلب | ابو جهينة | 10-12-09, 07:23 PM |
Re: فرط الجرعة : تؤدي إلى احتشاء عضلة القلب | Adil Al Badawi | 10-12-09, 08:46 PM |
Re: فرط الجرعة : تؤدي إلى احتشاء عضلة القلب | ibrahim kojan | 10-13-09, 08:03 AM |
Re: فرط الجرعة : تؤدي إلى احتشاء عضلة القلب | Ishraga Haimoura | 10-13-09, 09:09 AM |
Re: فرط الجرعة : تؤدي إلى احتشاء عضلة القلب | خدر | 10-13-09, 12:57 PM |
Re: فرط الجرعة : تؤدي إلى احتشاء عضلة القلب | Baha Elhadi | 10-13-09, 02:29 PM |
Re: فرط الجرعة : تؤدي إلى احتشاء عضلة القلب | rosemen osman | 10-13-09, 02:51 PM |
Re: فرط الجرعة : تؤدي إلى احتشاء عضلة القلب | Emad Abdulla | 10-25-09, 07:08 PM |
Re: فرط الجرعة : تؤدي إلى احتشاء عضلة القلب | haroon diyab | 10-25-09, 07:39 PM |
Re: فرط الجرعة : تؤدي إلى احتشاء عضلة القلب | Emad Abdulla | 11-25-09, 02:11 AM |
Re: فرط الجرعة : تؤدي إلى احتشاء عضلة القلب | ندى عثمان حسن | 11-25-09, 06:37 AM |
|
|
|