عادل عبدالعاطي : نيو لوك الحكمة و الرَتَيان

Quote: يا ربي , النشوف آخرتا في الزول الشايل راس سمح و متعافي .. و مركب وش بعاتي ده ..

وطبعا يا عادل رغم اني ما عملته ربع الانت عملته هنا
الا اني مجربة من قبل مسح عماد عبد الله بي بالارض
وكل ذني انه ما هبهته له وكل كتاباته الطاعمه دي ما لقيت لها وقت.

ومزعلني انه رافض يوظف لينا قلم الطاعم ده في سواطة الحلة الابت تنضج دي.

اها يازول وحاتك مش وراني وش البعاتي..وراني لك حركات كثيرة نص كم وما سمحة,
الا اني حفصت له بمزاج..لان عارفة معدنه كويس.

اها يا عماد
اطلع من الانت فيه ده ومنتظرنك تحكي لينا عن الحصل بعيونك
لانك كتبت انك كنت في الخرطوم وقت العكة,ورغم انه الديم بعيد من ام دمان
الا اننا نحتاج ان نسمع منك ما حدث.


نرجع لعادل.....

عادل خلي العاطفيه...اذكر يوم انك كتبت انك رجعت لنصرة نجاة محمود
وقلنا ياهو ابو الحقانيه جانا..بشوفك بتطنش في لحظات كثيرة ودي بتفقدك من رصيدك
وبشوفك تقوم الدنيا ولا تقعدها في امور لها علاقة بصداقاتك الشخصيه.

بالله انت ما خجلان...انه اليومن الفاتت ابيي بتحترق وانا مولع المنبر لاجل عزاز الشامي؟؟!!

واياك ان تعتبر باني ضد عزاز...اولا كان للشكل آمونه اتشاكلت قبلها مع عضوة الليبرالي
تيسير عووضة,وما شفناك قلبت الدنيا قدر ما قلبتها في عزاز!!

ثانيا:
التوقيت...انشغالك بامر مثل هذا في وقت صوتك ضروري كسياسي واعد بالكثير نلقاك
متشبك في حتت زي دي؟؟زبرضو مقبول ..لو ادرت المعركتين بتوزان اي كتاباتك في امر مذابح محزنة وفظيعه وشكل المنابر..لكن ان يستغرقك هذا...كان ملفت للنظر ومشكك في مدى مقدراتك للتفريق بين العاطفي و العقلاني.....صدقاتك لا تهمنا كمسؤل في الليبرالي هنا بقدر انفعالكم بكل الشأن العام.

موقفكم من الحركه الشعبيه يفترض الا يختلط بالجانب الانساني.


لا وما براك
لا ثروت ظهر
لا فاضلابي
لا زهرة (وان كانت الوحيدة المعذورة لاني اعرف انشغالها بامور داخلية متقدة في السودان)
لا طبعا رئيستكم الهمام!!
لا طبعا متوكل..كله طاشي في حوارت صفويه غريبه وابيي تحترق!!