نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 سابينا ...
|
سابينا ..
إزيك ..
معليش بكتب ليكي بالعربي ، ما بقيت أعرف أتكلم وأضحك بالألماني زي زمان ،
لكن لسه مليان بالطعم الجميل للأيام والسنين الخلت طفولتي تكون لوحة من الألوان
والحكايات ..
إنتي كمان وحده من الناس الذين لم يغادروا حياتي طوال الثلاثين سنة الماضية ،
دائماً ما تحضرين وأتذكرك بوجهك البديع وإبتسامتك وهدوئك وصبرك ، كنت بحبك
حب شديد ، وما زلت إلى الآن .. بل مرات أتخيل إنني لو كنت جيت للدنيا دي أبدر
شويه ، كنتي أكيد هتكوني أميرة أحلامي ، بس تقولي شنو على النصيب والتوقيت
الغلط !
بتذكر كتير لمن كنتي بتاخديني ونمشي المزرعة الصغيرة ونقعد نلقط الفراولة ونصفيها
من التراب وبعدين نغسلها بالمويه ، بتتذكري ؟
وكمان كان في نوع من الورود أخضر وعندو تلات صفقات ، كنتي بتقولي لي ، لو لقيت
وحده بصفقتين هتكون محظوظ وسعيد ، وأنا أقعد أبحث في غمار الحقل عن هذه الورده
النادرة فأتعثر في ألاف الأشياء الأخرى (حاجه زي حكاية ساحر الصحراء العرفتها بعد
كده بسنين طويلة) ..
كان عندك بولوفر صوف أحمر ، كنت بحبو عليكي ، ولمن أتذكرك بتذكرك بيهو ..
طعمك يا سابينا ساحر في هذا القلب ..
انا كبرت ، وعبرت بي الدنيا دروباً كثيرة .. إتعلمت حاجات ونسيت حاجات .. كبرت
في بلاد مختلفة ، كنت بشعر بالسكن مرات وبالغربة مرات تانية ، لكن حبيت ناس كتير ،
ناس كده بعدد الورد الفي الحقل الكنت بفتش فيهو الورده أم صفقتين ؛
بتذكر مدير السكن في بيتكم الكبير .. كان بيعاين من فوق للناس بالمنظار ، ولمن
يلقاني لوحدي كان بيصرخ فيني ، أفتكر إنو كان عندو عقده من اللون الأسمر ! عادي ،
لقيت بعد كده ناس عندهم نفس العقده من نفس اللون لكن ده ما بيمنع الواحد يستمتع
باللون العلى جسمو ..
حسه لمن أفكر فيكي بتجيني فكرة التصالح مع النفس ، أفتكر إنك كنتي متصالحة مع نفسك ،
وإلا ما كان هيكون على وجهك كل هذا البهاء ..
نفسي في شنو يا سابينا ، عارفه ؟ نفسي في التو واللحظة أدخل بين أحضانك وأقعد جمبك
وأحكي ليكي ملايين الحكاوي والقصص الأنا ذاتي محتاج أسمعا من نفسي تاني .. وعايز كمان
أشعر بالأمان القديم الكانت ضحكتك بتديني ليهو ..
لمن تجي سيرة المانيا ، بتذكر بيتنا القديم وحقول القمح المفروشة على المدى وراءه
وبتذكر الروضه والبت " تانيا" و "مارتن" بشعرو المفلفل الدهبي ، وبتذكر طعم الآيسكريم
بالفراوله ، وبتذكرك يا سابينا وبتذكر ريحة السجادة في ممر بيتكم الطويل ، العلى شمالو
كان المطبخ الفيهو معلق كيس العيش التركي المدوَر ..
مشتاق ليكي وأنا في محنةٍ من هذا العمر ..
مشتاق ليكي شديد يا سابينا ، ومشتاق لطفولتي وحكاويكي وعيونك اللبنية الحلوة وصوتك
وطعم الأيام معاكي ..
طلال
___________________
* تسريح / Hairdressing .
رسم ورصد وألوان بيكاسو .
رسمها ووقعها بألوان زيتيه
على قماش , في العام 1906 .
(من أعمال المرحلة الزرقاء)
|
|
 
|
|
|
|
|
| العنوان |
الكاتب |
Date |
| سابينا ... | طلال عفيفي | 06-03-07, 05:13 AM |
| Re: سابينا ... | طلال عفيفي | 06-03-07, 05:25 AM |
| Re: سابينا ... | Osman Musa | 06-03-07, 06:07 AM |
| Re: سابينا ... | طلال عفيفي | 06-03-07, 07:03 AM |
| Re: سابينا ... | samo | 06-03-07, 06:05 AM |
| Re: سابينا ... | طلال عفيفي | 06-03-07, 07:10 AM |
| Re: سابينا ... | abubakr | 06-03-07, 06:10 AM |
| Re: سابينا ... | ابو جهينة | 06-03-07, 06:50 AM |
| Re: سابينا ... | Ishraga Mustafa | 06-03-07, 06:56 AM |
 Re: سابينا ... | osama elkhawad | 06-03-07, 07:16 AM |
| Re: سابينا ... | طلال عفيفي | 06-04-07, 03:10 AM |
| Re: سابينا ... | طلال عفيفي | 06-03-07, 07:43 AM |
| Re: سابينا ... | طلال عفيفي | 06-03-07, 07:27 AM |
| Re: سابينا ... | طلال عفيفي | 06-03-07, 07:50 AM |
| Re: سابينا ... | abubakr | 06-04-07, 05:42 AM |
| Re: سابينا ... | abubakr | 06-04-07, 05:42 AM |
| Re: سابينا ... | abubakr | 06-03-07, 07:58 AM |
| Re: سابينا ... | osama elkhawad | 06-03-07, 08:20 AM |
| Re: سابينا ... | ريهان الريح الشاذلي | 06-03-07, 08:58 AM |
| Re: سابينا ... | طلال عفيفي | 06-04-07, 03:16 AM |
| Re: سابينا ... | محمد المختار الزيادى | 06-03-07, 09:16 AM |
| Re: سابينا ... | ibrahim kojan | 06-03-07, 10:52 AM |
| Re: سابينا ... | نهال الطيب | 06-03-07, 07:15 PM |
| Re: سابينا ... | طلال عفيفي | 06-04-07, 03:33 AM |
| Re: سابينا ... | طلال عفيفي | 06-04-07, 03:22 AM |
| Re: سابينا ... | طلال عفيفي | 06-04-07, 05:02 AM |
| Re: سابينا ... | إيمان أحمد | 06-03-07, 10:34 PM |
| Re: سابينا ... | abubakr | 06-04-07, 03:18 AM |
| Re: سابينا ... | abubakr | 06-04-07, 03:25 AM |
| Re: سابينا ... | طلال عفيفي | 06-04-07, 05:52 AM |
| Re: سابينا ... | ريهان الريح الشاذلي | 06-04-07, 07:37 AM |
| Re: سابينا ... | abubakr | 06-04-07, 08:31 AM |
| Re: سابينا ... | امل احمد عمر | 06-04-07, 08:45 AM |
| Re: سابينا ... | طلال عفيفي | 06-04-07, 09:46 AM |
|
| |
طلال عفيفي
فيس بوك
تويتر
انستقرام
يوتيوب
بنتيريست