مأساه عميقة ..

Quote: الاستاذة آمنه انا سعيد ان هناك من تبرع (بكلمة عبى الأقل) لذلك فهذه الرسالة موجهة اليك وحدك يا آمنة بالأمس فوجئنا انو المرض بدأ ينتشر وسط ناس معتصمين وسط الخرطوم وأمام حديقة (الخواجات والناس المرتاحين) صارت رائحة المكان تتغير دون ان تتأثر بالعطور (الباريسية) قلنا نحاول نقلل من امكانية نشوء وانتشار المرض بينهم سألناهم اذا كان فيهم زول عيان طلعوا لينا عشرة و(توارى) عنا ما لا يقل عن ثمانية (لأنهم خايفين) ولسة شاكين فينا (تصدقي يشكون في انسانيتنا وفي كرمنا وفي حسن تقديرنا للأمور) لم توافق أية مستشفى على تقديم العلاج بالمجان ويعلم الله نحن كنا بنجمع ثمن البنزين الـ بنمشي بيه ليهم (لقطنا) بعض القروش عبد المنعم قال للدكتور (أها نحن متبرعين بنص القروش وانت شخصيا كإنسان حتتبرع بالباقي لانو دخلك أكبر من دخلنا) الدكتور صمت ونظر الينا (مسسسسسسسافة) ثم تبرع المهم اشترينا شوية أدوية كانت النتيجة (اثنين مرضى ويحتاجون للعلاج) والبقية تنهار بسبب الجـــــــــوع) نبهني أحد اصحاب (الحس الأمنى أن هناك عربة بتتابع عربيتي طول الوقت) فضحكنا على (حسه الأمنى) اقترحنا يا آمنة أن نشتري فول لميتين زول اتصلنا بسيد (الدكان) الـ في الحلة وقالوناه على القدرة وطلع المبلغ أكبر من قروشنا طلال لم تعجبه الفكرة لأنو الفول عايز عيش وملح وزيت وصحان (قصة يعني) ثم اقترح ان نشترى بما معنا (عدس) و(نشدو) في أي بيت وبالفعل اشترى هو العدس ووداه لواحدة (من عنديهم.... بلديات يعني) نجلاء عثمان التوم (الشاعرة الجميلة) كان عندها قراية في مركز عبد المجيد امام ببحري قررت أن لا تذهب لأنها صاحبت (المظ) البنت الاثيوبية الصغيرة (الحامل في اربعة اشهر) ولأنها خايفة عليها وبتحاول تقنعها انها تمشي معاها البيت لأن الطبيب قال أن هذا الاعتصام خطر على الجنين لاحظت نجلاء الحيرة والخوف في وجه المظ التي تحب طفلها القادم حتما لكنها تخاف من أمر آخر لا يسمح لها بطلب نجلاء قمنا باقناع نجلاء بالذهاب لقراءة الشعر رغم اعتقادنا ان الوقت هو المعايشة لا وقت الكتابة والقراءة هناك في المركز الثقافي (وجدنا شباب زي الورد) في انتظار نجلاء واشعارها هناك بكت نجلاء ولم تستطع القراءة وتكلمت كلاما أجمل من الشعر ناداني شاب صغير السن (جدا) قال لي أنا عندي ستين بطانية وشوية ملايات متوفرين هنا في المركز اديكم ليها هسة شعرنا بالامتنان للشاب وللمركز ولكلمات نجلاء انطلقنا الي (المرمين في العراء) والساعة تتجاوز منتصف الليل بسرعة سلمناهم البطاطين واستلموها بفرح أكبر من فرحة الجائين بالطعام (الدنيا برد شيد ياخ) يا آمنة ونحن بنعمل في دا اتصل طلال وقال (العدس جاهز وأنا في الطريق) قابلناه أمام واحد من أفخم مطاعم البيتزا الايطالية في السودان استلمنا الجرادل الفاضية وذهبنا الى حيث العدس جردل العدس معه كميات من كوبايات الورق الرخيص الناس العندهم خبرة قالوا العدس بيدفي و(بيطمن)؟؟؟ ذهبنا الي البيوت بعد وجبة فول في أم در اليوم الصباح تبرعت لنا سيدة فاضلة سأنشر اسمها فيما بعد ان وافقت بمبلغ خمسمائة الف جنية ونحن طلبنا منها اننا نجيب ليها قوائم طلبات وهي تشتريها وتلمها لينا في كراتين بس عشان نكبر كوم الناس البتجري في الموضوع وتمنح وقتها الى جانب مالها ووافقت نجلاء خرجت من عملها على غير العادة حتى نقوم بجرد الاحتياجات العاجلة آمنة أنا تعبت من الكتابة حارجع ليك تاني دعمك دا بيمثل حتى الآن أكثر من اربعمائة دعم موجود هنا (ومشغول جدا