|
|
 وحشتينا
|
كل يوم بيمر ، وإنتي يا سعاد بتضحكي أكتر ، وبتسكني قلبي أكتر ، وكأنك لسه
عايشه وبتتنططي وترقصي زي زمان ..
ولسه يا سوسو إبتسامتك ماليه عليَ الدنيا وعيونك منورين الكون ..
ما زلت أحبك وأحلم بك ، ولا أعرف إلى متى ؟
صوتك العامل زي السحابه بيخطفني ، وياخدني لأحلى دنيا ..
وضحكتك بتملا عليَ الفضا ..
أنام وأنا أحلم بك ، وبفساتينك الملونه ولمعة عيونك المحزونه المسكونه بالوحده ..
يا ترى إنتي عامله إيه يا سندريلا ؟
والموت عمل فيكي إيه ؟ أكيد بيحبك زي ما انا بحبك ..
عارفه .. ؟
بمشي في الشوارع وعيوني كلها أمل أشوف وحده شبهك ..
وحده فيها حته منك ومن عبيرك يا سعاد ..
مرات بسأل نفسي ، ليه ربنا ما خلقش كل البنات على شاكلتك يا سعاد .. ؟
بس أرجع وأقول ، لو كان كده ، كان الدنيا سخسخت من الغُنا والرقص ..
وكان الحال هيتبدل .. فالعاشقين كان هيبقوا كتير ، أكتر من صبر الدنيا على التنهيد ..
لكن ، لم تخبريني .. إيه سر الحلاوة والطعامة دي كلها ؟
وليه تغيبي ، بعد كده ، وتدوبي أحزاننا وراكي ؟
مش هنا في قلب برضو يا سوسو ، وبيحبك موت ؟
من يوم ما مشيتي ، وسبتيني في الدنيا دي ، حافي القلب ، مكسور جناح الروح ، وأنا بأبحث
بكل العزم عن صوت يرطب على قلبي خشونة الأيام ويملكني للفرح مفتاح ..
يا ترى يا سوسو ، فساتينك راحت فين ؟
وإيشارباتك الحلوه الكنتي بتلبسيها في السينما ؟
قمصان نومك ؟
وفين يا ترى راحت نظرة العشق التي كان بيبصها كل ممثل وقف قدام عيونك الحلوه ؟
مش قادر أنسى منظر إيديكي الصغيره ، العامله زي يدين طفله .. ولا عمري هأنسى يا حبيبتي
ملامحك الصبيه في فيلم " صغيره على الحب " ، ولا صدرك البديع الإنيق في " الإختيار " ، أو
حتى صرختك الولهانة في " المشبوه " ..
أنام وأصحو يا سعاد على دمعتك في " الزوجه الثانيه " ..
وأبكي ، كلما تذكرت أني لم ألتقيك ..
كان بودي أن أأتي إليك ..
أقول لك : بحبك .
وأن أصافحك ، وأستنشق عطرك عن قرب .
أنا يا سعاد ، لم أحبب في الدنيا بنت مثلك ، ولم تأخذني بسحرها إمرأة مثلك .
سكنتِ يا سعاد شهواتي ، وسرقتي أحلامي الشابه ، ثم تركتيني ، على باب الله ،
مذهولاً ..
أنا يا سعاد عارف ، أن العمر هو العمر ، وأن الحياة عند الله إحتمال تكون أجمل ..
لكني كنت عشمان فيكي ، وفي إن الدنيا تمد في أيامك ..
بس إنتي إخترتي الموت ..
إخترتي النزوح والغياب ..
إخترتي إنك تخطفي عصفور الغرام من قلبي وتسرحي بيه ..
وأنا ، هنا ، عاشق متيم ، يأكل عمري الحنين يا بنت الحلال .
وحشتيني يا سوسو ..
...
طلال
|
|
 
|
|
|
|
|
| العنوان |
الكاتب |
Date |
| وحشتينا | طلال عفيفي | 12-04-05, 07:39 AM |
| Re: وحشتينا | NAZIM IBRAHIM ALI | 12-04-05, 12:38 PM |
| Re: وحشتينا | طلال عفيفي | 12-04-05, 02:26 PM |
| Re: وحشتينا | ناصر محمد خليل | 12-04-05, 01:16 PM |
| Re: وحشتينا | طلال عفيفي | 12-05-05, 07:32 AM |
| Re: وحشتينا | Dia eldin khalil | 12-04-05, 10:28 PM |
| Re: وحشتينا | Hussein Mallasi | 12-05-05, 05:18 AM |
| Re: وحشتينا | طلال عفيفي | 12-08-05, 12:31 PM |
| Re: وحشتينا | Dia eldin khalil | 12-05-05, 01:21 PM |
| Re: وحشتينا | Dia eldin khalil | 12-05-05, 01:29 PM |
| Re: وحشتينا | محمد الامين محمد | 12-05-05, 02:01 PM |
| Re: وحشتينا | محمد الامين محمد | 12-05-05, 02:06 PM |
| Re: وحشتينا | Hussein Mallasi | 12-06-05, 02:09 AM |
| Re: وحشتينا | ابوحراز | 12-10-05, 02:00 AM |
|
| |
طلال عفيفي
فيس بوك
تويتر
انستقرام
يوتيوب
بنتيريست