|
|
 Re: الشاعر الفاضـلابي؛ خيزران الفـرنجـة.. ابــداآآع بلا حــدووود. (Re: Elkhawad)
|
الطندية
محكومه بالاعدام شنق
قاضيها من نسج الخيال
شنّاقه ................ من ناقه وحصان
الطندبه الموزونه من قوس الفنون
الشاتيه صيف
الناصحه فى دعو النبات
رمق التوافيد البحد رص الدفين المنطلق
هيكل زمام السر تحدثبو المعابد والعيون
شرفة تلاوين الرسوم
للموضه والغصن المحّسن والبكاء
ما فيشه فى سقف البيوت
تلقاها فى
سقف القصايد....طندبه
اشكالها فى يوم القصاص:
لون الرصاص ما....
ذى تلاوين السنابل
والحبل... مبروم من اليافها الغزيره
وجمله من ناسها بتنق
سألونا: وين المحكمه؟
وشنو القضيه المولمه المرفوعه ضد المتهم؟
النيل رفض مرقت مياءهو على الارض
أبت السحابات النزول
نقصة فصول العام فصل
اتلمت الجهله وبكت عين البهايم وسرّبت فينا الحنين
جّلينا من حكماً قديم
ووقعنا فى حكماً اليم
اشمعنى ما بدت المداوس منم هنا ؟
اتلم فى اللون الغناء
وجواب دموع الغايبه بسأل عن ...
مزاد لوحه وطبق
ما....
كلنا الودران وواقف جوّه فيك
مستنى جيتك رسمى
شان
يتوزع............. السيف والدرق
لا اكلنا يوم
لا نمنا كوم
لا صحوه لا اتلمينا قوم
لا شفنا ضوء لا ضلمه شان نعرف نحوم
القاضى والجلاد
مكّتف فينا سرساراً يصوم من السكوت
من صباحاتنا البيض
الفاق كتل فينا النفس
الخايف المندس يحرّش فى الضياع
حاحا ويشّرك للضماير فى البيوت
ود ال............
حنود
ما أظن مظالمنا بتفوت
عن كل عقلاً جّل فى التفكير يسوط
وما أظن بكاء البنّوت
بيجرح فينا احساساً يموت
اتندل الهم فى الهموم
واتبشكر الليل السموم
واتلفّح الشارع الوجوم
نّبه النباه وضوء
ضوءت الشمس الهجوم
اتفتّحن بيبان محاكم الطندبه
وخّشت الناس النقاش
حّضروا الورق البدين القصه والنهج الغريب
حضّرنا نحنا عصينا ياخ
قنالا : عيب
جهّزوا القاضى البرتب للقصاص
جهّزنا حالنا
وشلنا فى جوانا ساس
قنالا: يا ام المحاكم كضبى
وسيبى الاصول فى حالها
ما تهبشيلنا زول
الطندبه المتهمه بى عدم التكاثر والشتول
قطعت لسانها الاغنيات
والمحكمه
اتهزّت تحوم جوانا ما لقت الثبات
الطندبه الزهد المخّمر من رحاب النافله
لى ارث التعادى على المعادى المحزنه
ماسوس خفوت الجدعه
يتلقّف تفاهات الشهاوى الواهنه فى عصمت خراب
نفس المحاصيل التنيص
لى كشة الندى واليباس
شن دلّ ديل ؟ قصبونا لى دّق النحاس
بندق على عكس الكلام
واللحن ساعة يبقى خاص
الطندبه الموعوده بى دعوة خلاص
ميدان بنات الحله فركه
وقطعه قبلانه الدواس
بندوس تحت ما يدوسوا فوق
المحكمه المصنوعه طوق للعامه فرّتاكا الدباس
جّل الكضب نهج الكضب
شيخ منصر الراكوبه
طّق من الزعل
فى المحكمه
اتطاير ورق
كل المعانى السمحه والوسخانه..طق طق طق طق طق طقطق سريرك يابلد
خّلى السبق
خير الدراويش اليفيض
مكتوب زياده على الصفق
والباقى من سعر الذوات
قّلايه فى فصل المحاور والجنين
انسانى ما دّمع براو
وحيات غناك فنان مجّرتق بى غناو
قدّامى ذى خلّاك وراو
ما سكتين,,
1- سكة مراسل وانتفاض
2- وسكة محاسنا العراض
غشّاشه يا نسل الجراد
كل الوفود
الشارده من سخن النزيف
تلقانا كيف؟
ما نحل رباط المشنقه
وقلبت بقت غنّايه
غنّت لينا غنيات الفكاك المطلقه
الطير عقد عزمو ورفس
معنى المناصب
طلّقه.....
قلع الهدوم الخدره جدّعها فى المسيد
يا سيدنا هوى؟
يا حى وحى
يا حى وسيد
قنالوا جّدعها فى الجريد
قال لينا خلوها بتبيض
الطندبه الزرع الخصيب
بت موعد الشهر البصارع للوساع
غنية انابيب الشعاع
ارتاحى
حرّقنا المكان
كسّرنا فيو المطرقه
دلّينا من سدرك..... سوأل الازمه شقّنا المروق
وحلينا حبل المشنقه
دّلينا من سدرك سوأل الازمه
شققنا المروق
وحلّينا
حبل المشنقه
مع شديد احترامى لكم
محمد
عبيد
الفاضلابى
6-7- 2004م
مشاركه للمهندس .. عثمان في الارشيف
|
|
 
|
|
|
|
|
| العنوان |
الكاتب |
Date |
 الشاعر الفاضـلابي؛ خيزران الفـرنجـة.. ابــداآآع بلا حــدووود. | عدلان أحمد عبدالعزيز | 06-21-06, 08:43 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Salwa Seyam | 06-21-06, 09:57 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Elkhawad | 06-21-06, 10:17 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | عدلان أحمد عبدالعزيز | 06-22-06, 08:31 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | محمد عبد الله شريف | 06-22-06, 11:58 PM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | محمد عبد الله شريف | 06-23-06, 02:19 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | noha_g | 06-23-06, 04:45 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Elkhawad | 06-23-06, 10:50 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | noha_g | 06-23-06, 11:32 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | سفيان بشير نابرى | 06-23-06, 10:04 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | fohamer | 06-23-06, 10:30 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Salwa Seyam | 06-23-06, 11:51 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Salwa Seyam | 06-23-06, 11:57 AM |
 Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | معتز تروتسكى | 06-23-06, 03:29 PM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Elkhawad | 06-24-06, 08:31 PM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | صلاح شعيب | 06-24-06, 09:09 PM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | عدلان أحمد عبدالعزيز | 06-26-06, 02:21 PM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Elkhawad | 07-12-06, 05:23 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | عدلان أحمد عبدالعزيز | 07-12-06, 01:32 PM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | سفيان بشير نابرى | 07-12-06, 02:54 PM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Ibrahim Adlan | 07-13-06, 05:51 PM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Faisal Salih | 07-14-06, 08:01 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Elkhawad | 07-14-06, 09:33 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Elkhawad | 07-14-06, 10:15 AM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | محمد عبيد الفاضلابى | 07-22-06, 03:22 PM |
| Re: الشاعر الفاضـلابي؛ خيزران الفـرنجـة.. ابــداآآع بلا حــدووود. | Elkhawad | 07-22-06, 09:34 PM |
|
| |
فيس بوك
تويتر
انستقرام
يوتيوب
بنتيريست