طلبة الدراسات العليا والباحثين - تبادل خبرات ونصائح

Quote: رحاب الخليفة دي ما بتحب يقولوا ليها دكتوره... لكن يا اخواني رحوبة دي ممكن تشرف علينا كلنا كده بي ربطة المعلّم... بناءاً عليه انا حأبدأ أراجع كلامي من الان فصاعداً عشان ما تجينا المشرفة تقول لينا "أعد".... انا مشرفي زول مجتهد جداً والنوع البسكك داك... والنصيحة ليك يا الله انا ما النوع البحتاج يسكوهو بالشغل، لكن عندي طفلين يفلقو الحجر بالنقّة ويطلعوا الزول من اي مزاج قراية عندو زاتو... اول ما بديت مع مشرفي، قلت ليه انا زوله بحب اشتغل بي الdeadlines... يعني لو خليتني كده على امل اني اشتغل خلال الاربعة سنين بتاعت الدكتوراه، بزنق ليك الشغل كله في آخر تلاته شهور... قمنا اتقفنا اننا نكون active في النشر.. من اول سنة وانا شغاله اكتب اوراق وانشرها في مؤتمرات. Mariam