ما فعلته الشرطة السودانية لعارضين الازياء السودانيين غير مقبول وغير مبرر

Quote: استغرب فعلا في الناس البيقولو ليك نحن السودانيين ماكده ونحن مجتمعنا ماكده .. والناس ديل مابيمثلونا ولا بيمثلو مجتمعنا طيب ياخوانا الشباب ديل ذاتهم ماسودانيين زينا كده ... سودانيين بي اب سوداني وام سودانية وعندهم حقوق سودانية ... سودانيين بالميلاد زيي زيك كده !! اشمعنى يعني اعتبرت طوالي انو سلوكياتهم دي غير سودانية والمفترض يتم اجتثاثهم من المجتمع الرجولي جدا حقنا ده لانهم مابيشبهوهو ؟ متين نحن حانتعلم تقبل الراي الاخر بدون اقصائية ؟ متين حانتعلم تقبل انو في مزاجات تانية وافكار تانية غير حقتنا دي ونتعامل معاها بما تستحق من احترام او علي الاقل مانقصيها ياخي نعارضها بس مانقصيها !! تصرف الشرطة غريب جدا !! اسي انا نفسي اعرف التهم الاتوجهت ليهم شنو ؟؟ او هم خالفو ياتو قانون ؟ ماممكن تكون حتي الاجهزة الرسمية بتاعتنا بتتعامل بالانطباع مامعقول اصلو بتاعين الشرطة يقبضو زول عشان استايلو ماعاجبهم او لبستو ناعمة اكثر من اللزوم او حتي عامل روج في شلوفتو !! انا ما اظن حتي قانون النظام العام سيء الذكر بتكون فيهو مواد ممكن تدين الشباب ديل رغم انو اصلا قانون غير عادل لكن برضو ماممكن يكون ظالم للدرجة دي ؟ كدي ياناس القانون ورونا المواد الخالفوها الشباب ديل شنو في القانون ؟ المفترض في حدود بينك وبين الآخرين لازم تحترمها لا انت حاتتقبل زول يتعدى علي حدودك ولا في زول حايتقبل تتعدى علي حدودو .. سلوكيات الناس وتصرفاتها وكل البيندرج تحت حرية شخصية ده حاجة المفترض الناس تحترمها في بعض وفي حالة اي احتكاك مع حريات الاخرين بيناتكم القانون وده برضو عندو اسس بيخضع ليها ... ل ازم الناس تتعلم تقبل الثقافات التانية ولازم تتعلم كيف تحترم حدود الناس التانية ولازم الناس تبطل اسلوب الوصاية الغريب ده ادناه مقال للاستاذة سناء جعفر ورغم ان المقال اتكتب قبل القضية دي بوقت طويل الا انو بيصب في صميمها وبيعلمنا بحق احترام وجود الآخرين في محيطنا من هم الآخرون ؟! ... ولماذا تكون نظرتنا إليهم أحياناً مليئة بالرفض ؟! ... أنا كفرد ..أنت بالنسبة لي آخر .. نحن كمجموعة .. هم بالنسبة لنا آخرون ... ... إذن ببساطة ... الآخرون هم كل من ليس ( أنا ) أو ( نحن ) ... هذا التقسيم يجعل قائمة الآخرين تتسع وتشمل أبوك، وأمك ، وأخوك ، وابنك، وزوجك ، وابنتك، وابن قبيلتك ، وجارك ، وابن بلدك ... الخ.. كيف ومتى نشأ مفهوم رفض الآخر ؟! ... في بدء التكوين .. خلق الحق سبحانه وتعالى آدم من طين .. وخلق ابليس من نار ... وعندما امر ابليس بالسجود لآدم .. رفض بزعم انه لن يسجد لمن هو اقل منه ... ويقال ان هذه كانت البذرة الأولى لرفض الآخر الذي يختلف عنا ... وبعد هبوط العدوين اللدودين الى الارض تناسلت ذرية آدم وحواء فظهرت الاختلافات في الاشكال والالوان والاعراق والاديان والافكار والمعتقدات ... واصبح الكون يضمنا نحن .. والاخرون ... بشر مختلفون عن بعضهم البعض لكنهم مجبرون على التعايش في حيز محدود .. مجبرون على تقبل اختلافاتهم والتعامل معها .. واحترامها ... لكن تلك البذرة اللعينة ظلت كامنة داخل كل منا .. وما ان تجد الفرصة حتى تطل براسها لتعلن عدم قبولنا لآخر يختلف عنا في قليل او كتير ... وأصبح الرفض إحساس انطباعي قد ينشأ من اللقاء الأول أو النظرة الأولى لمجرد أن لون الآخر لا يشبهنا .. او عرقه مختلف عنا .. او افكاره ضد افكارنا ... او دينه مغاير لديننا .. وحتى لو كنا ندين بنفس الديانة مع اختلاف المذاهب سيؤدي هذا إلى الرفض أيضا نرفض من يتكلم لغة غير لغتنا .. ويرتدي ملابس خارجة عن تصنيفنا للمقبول والمرفوض .. نرفض من ينتمي لحزب سياسي لا نواليه ... ومن يشجع فريق كرة القدم المنافس لفريقنا .. وهكذا أصبحت النتيجة متشابهة برغم اختلاف المسببات التي أدت إليها ... البعض يظن أن رفض الآخر هو وسيلته لحماية نفسه .. والحفاظ على كيانه من غزو الآخر بثقافته المختلفة .. وان أي بادرة قبول لهذا الآخر تعني الاقتناع بأفكاره وتبني معتقداته .. والسماح له باختراق خصوصيته .. وهم هنا يخلطون بين شيئين مختلفين .. . القبول والاقتناع ... فنحن لسنا مطالبين بالاقتناع بأفكار الآخر أو تبني ثقافته .. أو التحول إلى معتقده أو التماثل مع شكله .. لكننا مطالبين بقبول وجوده ككيان مختلف عنا .. وقبول حقوقه التي تحافظ على حريته وكرامته وحقه في الاختلاف .. قال الحق سبحانه وتعالى في محكم تنزيله " وجعلناكم شعوبا و قبائل لتعارفوا” ( الحجرات الآية 13) أي أننا خٌلقنا مختلفين .. والتعارف هو وسيلتنا لفهم اختلاف الأخر عنا ومحاولة استيعابه والتعايش معه .. واحترام ما يمثله حسب اعتباراتنا الفكرية والعقائدية والنفسية والاجتماعية وزرع ثقافة قبول الآخر يجب ان يبدأ منذ الصغر ... حتي ينشأ الطفل ولديه قبول لكل الاخرين المختلفين عنه في الشكل والجنس واللون والدين والمستوي الاجتماعي والثقافي و المادي فيتدرج في العمر وهو متشبع بهذه الثقافة ومؤمن بمبادئها ويطبقها بلا تفكير .. في المجتمعات المتعددة الثقافات والأعراق .. يجب أن تسود ثقافة قبول الآخر لان رفضه قد يدخلنا في متاهة صراع ربما أدى لفناء المجتمع نفسه في النهاية ... بينما يساعد القبول على نماء وازدهار المجتمعات .. ( أمريكا ) اكبر قوة عظمي في العالم دليل حي على أن قبول الآخر هو السلم الذي يقود الأمم إلى أعلى .. فبرغم الخليط الغريب المتنوع المتنافر المختلف في اللون والشكل والثقافة والعرق والاثنية الذي كوّن هذه الدولة .. إلا أن ثقافة قبول الآخر المنتشرة في عقول الأفراد هناك جعلتهم يتجاوزون كل هذه الاختلافات ويتعايشون ويتفاعلون ويتزاوجون ليشكلوا في النهاية اكبر تجمع سياسي اقتصادي اجتماعي يؤثر في كل العالم حوله ... دعونا نحارب المقولة الخاطئة التي أطلقها الفيلسوف والروائي الفرنسي جان بول سارتر بأن ( الآخرون هم الجحيم ) .. دعونا نكسر حاجز الخوف والجهل الذي يفصل بيننا وبين الآخر .. وننظر إلى أنفسنا بوصفنا آخر في عيون الآخرين وكيف نرغب في أن يرانا كما نراه .. فلنلتقي مع الآخر الذي لا يشبهنا في منتصف الطريق .. فلنجعل اختلافنا معه ايجابيا ويمنحنا مساحة نمارس فيها طقوس إنسانيتنا .. فلنشاركه افراحه واتراحه .. ناكل معه .. ونضحك معه .. ونبكي معه .. لان الوصول إلى هذه الدرجة من قبول الآخر من شانها ان تملا حياتنا بثراء لا مثيل له خالد عبد الوهاب - سوداني مقيم بالامارات