ما فعلته الشرطة السودانية لعارضين الازياء السودانيين غير مقبول وغير مبرر

Quote: فكره عمل عروض الازياء في حد زاتها مافيها شي وده فن وتجاره وبتحتاج للترويج والاعلان عنها بي الطرق المناسبه وانسب طريقه هي عرض الازياء يمكن غريبه علينا الفكره لكن موجوده وفي السودان وبتتمثل في لبس المزيعات للتياب من بعض الشركات لترويج البضاعه يمكن تكون الفكره ما انفزت بالطريقه المتناسبه مع المجتمع السوداني (مع انه زي ما هو واضح المجتمع السوداني ماعارفه البتناسب معاه شنو ) لانه لو طلعت الشارع السوداني اسي يمكن تلقي اشياء ومناظر لي شباب وشابات اسواء بكتير في لبسهم من الصور..... الجبتوها دي والمعروف عن عروض الازياء بتضاف ليها بعض الرتوش والمبالغه في طريقه العرض كنوع من اضفاء جانب من التشويق والميك اب ده نوع من الاقنعه لي اظهار العارض بي صوره معينه تتناسب مع اللبس المعروض بعدين ياخ الكحل ده اصلا ماحرام للراجل والعرب اسي بتكحلو والصحابه كمان يعني الميك اب ده زيو زي البتعمل للمثلين لانه العارضين هنا ممثلين ما اكتر يعني دي مابتكون طبيعتهم كده... وبالمناسبه معروف عن اختيار عارضي الازياء بره لازم يتمتعوا بي مظهرغايه الرجوله والعارضه بمظهر غايه الانوثه حتي تظهر الملابس في اجمل هيئتها (يعني عارفين مساله الرك علي الشماعه) ممكن ننتقد الطريقه ويكون نقد هادف للتجويد ووتحسين العمل بما يتناسب مع بيئتنا لكن مش ترهيب وتخويف وحكم باالاعدام لفكره ممكن تكون مورد وداعم لي اهم صناعه ممكن تزدهر في السودان وتبقي شي عالمي لانه بالجد في مواهب في السودان في التصميم والابتكار ممكن زي العروض دي لو اتطورت وبقت علي مستوي عالمي زي ماحصل مع السوريين ويبقي عندهم سوق عالمي لكن نقول شنو بننظر بي زاويه دايما ضيقه للامور زاويه الاخلاق والمجتمع اللهو زاتو لو عاينته للشارع ما تعرف هويتو شنو يمكن لو دعمنا العروض دي واضفنا فيها الطابع السوداني نقدر نحافظ علي الهويه السودانيه ونطورها بالمناسبه العروض دي ما بتتعمل للافراد ولا عشان الناس تبقي شيك عرض الازياء عاده معروف بعملو المصممين للمحلات والمعارض عشان تتبني التصمايم وتنتجه بي صوره تجاريه العروض البتتعمل للافراد دي عروض نادره جدا وبتكون في اطار ضيق جدا الفكره فكره عالميه وبيها اتطورت تاني اهم صناعات وهي صناعه الملابس طيب ياجماعه قبل كده اتعمل عرض كبير جدا في السودان عن مصممين للبس الاسلامي وانا حضرته منه جزو رايكم شنو وكان عرض جميل وادي مهمته وبرضو مره شفت عرض حق ملابس رجاليه وجلاليب سودانيه وتياب لي مصممين وبرضوا ادي الفكره وفي محلات اتبنت التصاميم وانتجتها بي صوره تجاريه ودلوقتي بتتباع التياب دي بالملايين مع انها تصاميم سودانيه وضربت المستورد لدرجه هنا في الخليج بقو يجيبو التياب من السودان بدل ماكان العكس المساله ترويج المصممين لي تصاميم وفن شايفين انه مكن يستثمر اسي الود ده متشبه بي النساء في شنو ماتره بي دقنه وهدومو هدوم رجال وبعدين اسي حواجبه دي تسوي ليها باروكه من غزارتن؟؟!! بعدين كان الكحل قلنا ماحرام وبعدين واضح انه بعمل في فازلين في خشمه ماروج ولا حاجه اسي الناس دي كلها مابتتمسح بالفازلين والجلسرين والزيت كمان البناين اول ما ينتهو بقولو ليك ادينا زيت ولا فازلين ده معناتو مايعيين؟؟!! والله الود يمكن مهندم زياده شويه بس الزمن ده اي عريس يوم عرسه بتهندم بالشكل ده بحلق ويعمل ساونا وكمان امهاته بكحلو و بحننو ويمسحوا وكمان وده يوم عرسه اما حكايه التشبيه بالنساء انا ماشايفه انه متشبه الولد شكله ولد وماعليه اي غبار كان الله خلقه سمح عاد دي خلقه ربنا عرض الازياء ممكن يكون وسيله فعاله جدا في مجال الازياء وفي تجارب ناجحه حتي في تجربه عروض الازياء بالنسبه للزي الاسلامي كانت تجربه ناجحه جدا دعمت الزي الاسلامي ورغبت فيه ناس كتيرين وخلت مصممين يعملو زي جميل ينافسو بيه الازياء الغربيه حتي في تجربه هنا في الخليج لي عروض ازياء ساتره وازياء اسلاميه الطابع اثرت حتي في الموضه العالميه نحنا في اطار تحديات غربيه مفترض نتصدي بيها بثقافتنا وهويتنا ونوجهها مش ناخد موقف سلبي وننتقد نقد هدام لايخدم هويتنا لايدافع عنننا ممكن تنتقدوا الازياء وتتنتقدوا طريقه العرض لكن عروض الازياء دي وسيله اعلاميه وفعاله جدا بعدين لو جينا تحسب الدين والمافيهو ممكن تطلع كل البنعمل فيهو ده بره الدين التلفزيون الكوره الفضائيات البنشتريها بمئات الدولارات الاسراف في الاكل والرفاهيه التطاول في البنيان الاسراف في العفش وتزين المنازل عمل المراءه الدين يسر والبفتي في الدين شيوخ متخصصين زوي علم وفقه هم البفتو وبحرموا لكن القانون والدستور ما اظن فيه نص بمنع الترويج لصناعه مفيده وماكل شرطي بعرف القانون او بوعاهوا الشرطي في بلادنا بعتقل الصحفي البقول رايو ويعزبو(ابو زر الامين مثال) وبعتقل الدكتور البطالب بي حقوقه وحقوق الرعايه الصحيه(الابوابي) وبعتقل الشيخ البفتي فتوه ما علي هوي السلطه الوطن العربي الشرطه فيه تفتقر للنزاهه واقرب مثال مقتل الشاب المصري خالد سعيد علي يد ملازم شرطه والاتضح انه مروج مخدرات يعني حاميها ممكن جدا يكون ماحاميها