|
اياك ..تبيع ارضك ..دى عرضك
|
اياك تبيع عرضك دى ارضك واياك تبيع شرفك وعرضك واياك تفرط فيها دى الارض الرواها اجدادنا بالدم والدموع ما الارض زى امك وابوك سلسبيل الجنة جارى على رباها لمتين خنوعك للجبابرة المابهمهم غير انهم يعرضوك بى جرس الدلالة ويقبضوا التمن الرخيص واياك من التمن الرخيص لمتين سكوتك وانت اكتوبر سيوفك وكان حروفك لتكتب المجد التليد ماكل تاريخك مجرتق بالشهادة ودم الشهيد ما الارض امك او هى ابنك اياك تبيع شرفك وعرضك اياك تبيع عرضك وشرفك خليك تهراقا وبعانخى ود المهدى ود حبوبة على عبد اللطيف اجدادك العلموا الوطن الجسارة اياك يغشوك المرابين الضلالة واياك تسمح للدخيل القبيل ابعتوا بالخيل والبسالة يرجع يبيعك انت فى سوق النخاسة اياك تبيع شرفك وعرضك واياك تفرط فيها دى الارض الرواها اجدادنا بالدم والدموع جدودنا زمان جدودنا مان وصونا على الوطن على التراب الغالى المالى تمن وكيفن يبيعوا بلا تمن ماكنت دايما مابتلين لى كل اعداء الوطن احميهوا من غدر الزمن ده التراب الغالى المابى تمن
|
|
|
|
|
|