|
|
 Re: عاجل جدا من الخرطوم : عبد العزيز خالد في أجرأ حواربعد حريته!!! (Re: خضر عطا المنان)
|
سؤال : لكن خليني اكون معاك أكثر وضوحا : يعني كيف تقول أنك حتناضل وأنت تحت رقابة
وأعين النظام ؟؟ بمعنى انو ماهي الوسيلة للنضال وانت في هذا الوضع ؟؟.
(( معروف انو النضال مش ثابت على وسيلة واحدة .. للنضال أشكال متعددة وأسأليب كتيرة ..وأنما يعتمد على القدرة والابتداع والابتكار دا من ناحية ..
ومن ناحية أخرى انو المساحة المتاحة للحرية دي ما كانت منحة من النظام أبدا
والا كان منحها من زمان ..لكن دي مساحة منتزعة منو انتزاع .. واذا كان الان هناك
جزء من هذه المساحة معاشة حاليا قيبقى لازم النضال يستمر عشان بدل ما تكون جزء
من مساحة تكون مساحة كاملة .. ودا مابتم الا باسقاط النظام.. وبالتأكيد الوسائل
بتتغير .. طرقها وتكتيكها ....الخ .. عشان كدا نحن يجب أن نستغل المساحة المتاحة
دي ونسعى بالتالي لتوسيعها الى آخر مدى حتى ننتزع الباقي .. ودا الحاصل الليلة بالفعل .. العمل السري موجود والعمل الشعبي موجود .. أما حريات بالمعنى المعروف فأكيد مافي هذه االحريات في السودان الان )) .
كيف تنظر لمساعي السلام الجارية حالياعموما بين مختلف جماعات المعارضة والنظام؟؟
(( نحن الآن أمام مشوار انتظار حتى آخر شهر ديسمبر دا والتوقيع على سلام في نيفاشا
وطبعا اذا ماتم فأهم شي فيهو هو توفير الحريات .. واذا كان ما تم الغاء قانون الطوارئ واطلاق سراح المعتقلين السياسيين وحرية الرأي ......الخ فبتبقى دي مسؤوليتنا انو لازم نواصل النضال عشان تحقيق الأشياء دي كلها ..
بعدين أصلا كل ما جرى بالنسبة لي ـ وأنا هنا لا أشخصن الموضوع ـ ولكن أقول كان القصد الأكبر من النظام هو الحيلولة دون مد الحركة الكفاحية ووقطع الطريق عليها من المد الشعبي .. ودي بالذات النظام فشل فيها تماما .. بمعنى انو لو ممكن للتاريخ يعيد نفسو
للورا شوية يمكن كان النظام يقول رجعوه لابوظبي ومن هناك ما تجيبو .. او كان ممكن يقولو فكو من مطار ابوظبي .. فأنا أعتقدأنو النظام برتكب أخطاء فادحة بنفسو ..
واذا كان نحن أصلا بنيأس من مجرد اعتقال فرد او ما شابه او دا ممكن يقلل من مد الحركة
النضالية يبقى الحركة دي لا عندها برنامج ولا عندها قدرة على تغيير تكتيكها .. وبالتالي بتكون دي اشكالية حقيقية !!!!. وانا مامعتقل من الليلة ولا من امس أنا لي فترة في أسمرا .. في أبوظبي .. قبل الخرطوم .. وتنظيم التحالف كان مستمر في خطو النضالي خاصة داخل السودان .. لانو التنظيم البعتمد على فرد دا تنظيم فاشل . وأنا
جد بفتخر انو عمل التنظيم الليلة متصدين ليهو شباب سواء داخل السودان او خارجه.
وأؤكد لك بأن ابلغ رسالة والاكثروضوحا للنظام كانت اللقاء الجماهيري الحاشد والضخم
الجرى بعد اطلاق سراحي هنا في الحلفاية )) .
سؤال : الواقع عندي سؤال مهم جدا : انت بتفتكر منو بصراحة كدا كان وراء كل ماجرى ليك برمتو .. أقصد قصة اعتقالك منذ لحظة مغادرتك مطار القاهرة عصر الخميس 23/9/2004 وحتى وصولك الخرطوم معتقلا ثم اطلاق سراحك موخرا ؟؟؟.
(( طبعا دي قصة طويلة .. لكن الأهم فيها هو انو دا كلو كان شغل بتاع اجهزة أمنية .. ودا نفسو جزء من الصراع بيننا وبين النظام : سياسي واقتصادي واجتماعي .. ودا الجزء الأمني منو .. وبأعتقادي انو اي نظام لما يحول صراع سياسي مع خصومو الى صراع أمني بحت .. يبقى دي هزيمة شعبية واضحة لهذا النظام .. بمعنى سيطرة العقلية الأمنية هي التي كان تحرك النظام في الخرطوم : شل حركة شخصيات معارضة له .. فرض حالة طوارئ .....الخ .. وفجأة تتحول المسألة لحركة داخل المجتمع تنتج دعم شعبي وتفاعل جماهيري واسع .. قطعا دي شي كبير .. وأتجسد بالكامل ـ باعتقادي ـ في ماجرى هنا
من قبل أهلنا في الحلفاية كمثال حي لما أقوله .. خاصة كانت هناك شعارات جدا مهمة
وليهاأبعاد واضحة تم رفعها في التجمع دا زائدا اللافتات المنتشرة الليلة في كل مكان .. طبعا كان تجمع الحلفاية كبير وضخم : يعني الناس جات على ظهور الخيول ومشاة وسيارات وكارو والدلاليك والنحاس .. عشان كدا نحن نعتقد انو الحلفاية منطقة محررة تماما يعني .. وبالمناسبة لعلمك أنو هناك بعض صحف النظام نشرت صور للمناسبة دي )).
سؤال : طيب رأيك شنو في انو أنا كنت دائما اقول انو وراء ما جرى ـ أعني قضية
اعتقالك ـ مصالح اقتصادية لفئة نافذة من أهل النظام .. فضلا عن الصراع الأمني الأنا قلتو دا .. حتى انني عبرت عن ذلك صراحة في مقالي بصحيفة القدس العربي اللندنية
يوم 3/12/2004م بعنوان : ( مافيا المصالح والمنافع هي التي انتصرت !!!) الى اي حدهذاالكلام صحيح ؟؟
نتابع .......( 4 )
خضرعطاالمنان
|
|
 
|
|
|
|
|
| العنوان |
الكاتب |
Date |
| عاجل جدا من الخرطوم : عبد العزيز خالد في أجرأ حواربعد حريته!!! | خضر عطا المنان | 12-20-04, 12:23 PM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | Elmosley | 12-20-04, 01:21 PM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | Bashasha | 12-20-04, 01:29 PM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | خضر عطا المنان | 12-20-04, 02:39 PM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | خالد | 12-21-04, 02:03 AM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | خضر عطا المنان | 12-21-04, 03:44 AM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | خضر عطا المنان | 12-21-04, 06:16 AM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | ست البنات | 12-21-04, 08:55 AM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | خضر عطا المنان | 12-21-04, 12:50 PM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | على عمر على | 12-21-04, 06:29 PM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | NEWSUDANI | 12-21-04, 10:47 PM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | nazar hussien | 12-23-04, 01:43 AM |
| Re: عاجل جدا من الخرطوم : عبد العزيز خالد في أجرأ حواربعد حريته!!! | siddieg derar | 12-23-04, 04:32 PM |
|
| |
خضر عطا المنان
فيس بوك
تويتر
انستقرام
يوتيوب
بنتيريست