يا اسماعيل التاج .. أحمد حنين سافر وشال جزء من قلبي

Quote: حنين زامر الحي الذي لا يطرب حنين ده عندنا هنا في الرياض ولا حاجة ،،، حتى فرصة في المايك ما بلاقيها ،،، الطالعين في الكفر هنا أولاد أحلى بكتير ،،، أولاد بتاعين شعر وغنا وموسيقى ، أولاد بتاعين قعدات وونسات وضحكات ،،، وحنين جنو يكلمك عن ساس يسوس ،،، عبير خيري الرياض بأهلها ،،، التأشيرة عند الخال ، والمقابلة في المطار على معتصم دفع الله ، ومحمد الشيخ ، وعشاء الاستقبال ينظمه تمبس ( بالرغم من إني الأيام دي مقاشرو ) ،،، وكل أهل الرياض مغنواتية وعازفين وبتاعين نكات ،،، بس أحمد حنين ولا حاجة من ديل ،،، يلاقيك وسط الفرح يقول ليك : شفت البشير قال شنو ؟ عبير ، لو أحمد حنين شال قطعة من قلبك ، والله قلبك ده كان قسموا بالملّي ما يحوق في جمال ناس الرياض ،،، يازولة كان جيتينا في الرياض بتشوفي براك ، وبتقولي حكاية أحمد حنين ده زي ( الطشاش في بلد العمى شوف ) ...

(عدل بواسطة almohndis on 08-11-2005, 00:49 AM)
(عدل بواسطة almohndis on 08-11-2005, 00:53 AM)