|
الراكوبة
|
.
دييييك يا الرملة القاعدة فيها أنا .. حمرا وسممممحة .. مرشوشة وريحتها السمحة تنعس
في عنقريب الحبل متكية ومتوسدة توبي وقبالي زيرا مويتو صااااااااقطة تبل الجوف وترد الروح وتروي البشربها .. مش موية الشي البغزوهو في الكوبسي .. الممحوكة .
وعدة قهوتي يا يما في ركن الراكوبة أقلي البن وأكشكشو لمان أجي أدقو وأخت
مويتو في الشرقرق ، واكبو في الجبنة أم عقال وتجيني حليمة بت مُحُمَد بيناتنا طاقة
ريحة جبنتك جابتني من بيتنا والضحكة ما تفارق اللحظة والنفوس صااااااافية وتقول لي :
النبي عاد كان ما كشكشتي الودع ده النشوف فيهو شنو .. وأقووووووول كدي أرمي ليها
أجبدي يا حليمة جاياك تياب السرور الفردة دهبية ومطرزة بي الاحمر وتقوووووول كدي
حليمة بي يديها الاتنين تجبد الفال .. والضحكة تملا الراكوبة .. لا سيرة فلانة لا علانة
إلا .. بدور أسعلكم .. الزمن ده الحصل فيهو شنو ..
النسوان بقو رجال والرجال بقو (................) الحمد لله على كل حال ..
والبنات .. بنات السجم المظلطات .. تلقى البت بي خمسين لون .. لا تعرفا بيضا .. لا تعرفا زرقا لا تعرفها حمرا ، قالو لي دي واحدة بسموها ديانا ، ديانا يا يمة شكيتها على الله البهدلت بناتنا .
والبنات يا يمة قليلات الحيا .. يسكن في الاولاد .. الزمن انعكس الله يستر ولايانا
والأولاد .. عاد شوف عيني يتمسحو ويتلمعو ويشيلو وشوشهم بالخيت .. الخيت يا يمة أنا
ما شفتو إلا كان في عرسي .. أريتها خيابة التاباني والياباني ..
أها الحل شنو عاد .. يا المن خليتو الراكوبة وطلعتو السطوح .. قلبتو الهوبة
الحل شنو يا حباني ؟
بجيكم صادة
الحبوبة بت خيري
|
|
|
|
|
|
|
العنوان |
الكاتب |
Date |
الراكوبة | عبير خيرى | 08-25-05, 01:52 PM |
Re: الراكوبة | ahmed haneen | 08-25-05, 02:23 PM |
Re: الراكوبة | عبير خيرى | 08-25-05, 04:14 PM |
Re: الراكوبة | Adil Osman | 08-25-05, 03:02 PM |
Re: الراكوبة | عبير خيرى | 08-25-05, 03:17 PM |
Re: الراكوبة | إسماعيل التاج | 08-25-05, 07:20 PM |
Re: الراكوبة | عبير خيرى | 08-27-05, 03:58 PM |
Re: الراكوبة | ابو جهينة | 08-28-05, 00:02 AM |
Re: الراكوبة | عبير خيرى | 09-02-05, 06:29 AM |
Re: الراكوبة | Nour Kamil | 08-28-05, 01:18 AM |
Re: الراكوبة | على محمد على بشير | 08-28-05, 02:06 AM |
Re: الراكوبة | عبير خيرى | 09-02-05, 06:51 AM |
Re: الراكوبة | عبير خيرى | 09-02-05, 06:36 AM |
Re: الراكوبة | Adil Osman | 08-28-05, 02:51 AM |
Re: الراكوبة | عبدالرحمن عبدالله أبوشيبة | 08-28-05, 03:03 AM |
Re: الراكوبة | عبير خيرى | 11-10-05, 08:16 AM |
Re: الراكوبة | Adil Osman | 08-28-05, 03:07 AM |
Re: الراكوبة | EMU إيمو | 11-10-05, 08:32 AM |
|
|
|