( يا وجهها ) أُغنية الأُستاذ محمّد وردي وأمل دنقل الجّديدة ( فيديو )

Quote: دايماً يا أخواني مشكلتنا الرئيسية مع الصوت وإنها دائما ما تهدم كل مجهوداتنا ... بروفات وتوزيع وترتيبات .... ينسفها ليك ببساطة(فني ) صوت كل مؤهلاته عدد كم حفلة مع الفنانة ديك ولا الربع ولا ما عارف شنو يكاد يكون من الصعب او من المستحيل تلقى ( مهندس ) صوت عندو أكتر من الشهادة الثانوية على أحسن تقدير .. مع خبرة متواضعة من حفلات الصيوانات .. نفتقد لمسات مهندس الصوت الفنان ..... البيفهم مزيكا وفي نفس الوكت بيعرف يقرأ إنجليزي من المكتوب في "الميكسر " وبيفهم معناهو .. يا حليلك يا صديقي صابر قسم الله ويا أستاذنا وليد أبو القاسم ... لو ملاحظين حتى في مستوى الصوت العام في كل تلفزيوناتنا بتلقى هنالك خلل بائن لكل من إسترق السمع وهو شهيد ممكن تلقى البرنامج ماشي كوييييس فجأة تجي الدعايات والصوت يكون طار السماء وألحق ألحق وطي الصوت يا ولد البرنامج ده بيكون متكرر كل يوم وكل اسبوع وشهر وسنة ... والحال في حالو ...! الله يمرضكم والله .. أسي الشغل ده ما في مهندس صوت بيسمع ويفهم إنو صوت وردي رايح ساكت حتى لا يكاد أي عازف سامع حاجة من البقولو ؟؟