ممكن تقيف تجل الزمن بي وقفة بريدك تتحسس الحب البيسكن في وريدك ممكن تقيف تكتب معاك كل المدن لحنك حزن يقتل الفرح البيطرب في الأغاني تكتب معاك كل المدن شهقة الطفل البعاني يودع الروح الزكيه تتوسد القبر المنية وفيهو تتحلل أماني
****** كم قريتك في الأماسي وكم بعيدك في الصباحات التبعثر في عبيرك في الخطاوي القربت يوم رحيلك كم قريتك في الأماسي وكم بكيتك شان أواسي دمعة الام الحزينة الغرقت فرح المدينة وبللت عمق المآسي *** وكم بعيدك ويبقي نسيانك محال وتسكن الريد النضال في صبر الغلابة وانتحابا في جنوبنا الليلو طال اتمددت صحاريك الرمال في غروبك وفي شروقك وفي الشمال
**** بلاي تعال نمسح دموع الحزن ياما ونهطل زى غمامه ترسم سلاما زي بريق في الجنوب يبقي الزفير وفي الشمال يصبح شهيق و الغروب يصبح شروق يطفي في البلد الحريق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة