|
Re: رســالةتهديد - مفخخه- إلي تمبس الأعزل (Re: sympatico)
|
سلام مربع ومية مسا على الناس المشوكشة
من يهزم من؟ من ينادي من؟ من يشكوكش من؟ من يقطع تذكرته ويسافر بالتونسيه ؟؟ .......... ...... ... ومع ذلك تبقى قناعتي عند 45 درجة فارنهايت تسلق جبال كلمنجارو ياجماعة بصراحة انا ماعارفة هل كلمانجرو دي جبل ولا محطة في حلة حمد لكن اعتقد انو جبل بتقعد تحت ست القنوقليز وست الشاي عمودية وسميت عمودية لانها لم تجلس في حياتها الا تحت العمودي ولم تشاهد والا وهي تكب الشاي وتديهو للزبائن ودا كلو تحت العمود اي عمود والله ماعارفة واوعكم تسألوني ياتو عمود لانو حسب معرفتي ناس البلدية نقشوها ولما علموا ان عدد الناس العايشين تحت خط الفقر سوف ينقصوا بدخول (عمودية) عالم الدينارات وانها اخيرا قدرت ان تدفع حق الفول ويعني يمكن لعيالها الاربعة ان يصبحوا على امنيه ان يأكلوا وجبه فول في الغداء والفطور والعشاء ليس من الضروري ان نتناوله وليس بالعشاء وحده يعيش الانسان ام جمعة كانت تتاسي على هذا الجمال الذي اضاعته امنيات متفرقات وجريدة وشوية شوال فحم غايتو هو نحن كنا بنقول في شنو يا لي من فتاة ثرثارة حد النقة المهم امها اكيد وراء هذه الارسالية المفخخة لو مني منك .. بخت فيها شوية بودرة من جمرة خبيثة وبتوكل على الله وبرسلها وانشاء الله وبركة سيدي الحسن تضل طريقها ويشوفوها ناس الضرائب ويتلبطوا فيها زي ما عملوا مع عموديه ويقوموا يعلقوا على ظهر المظروف سري للغاية لامر شئون الرئاسة للتعليق وابداء الرأي وانشاء الله وبركة الشيخ الكباشي يقوموا يفتحوها والمجلس الموقر الستيني والاربعيني والتشريعي مجتمعين مع بعض وشلاقة من النائب التاني ولقافة من النائب الاول ولبط زيادة فوق اللزوم من وزير الخارجيةيقرروا انهم يفتحوها .......... .......... .......... نحن كنا بنقول في شنو؟؟ المهم انت عملت شنو يا تمبس ؟؟ اتخيل لي اتعشيت واتندلت ونومتا عارف لو ضربت لي تلفون كنت قلت ليك اكل تميس بالزبادي وحط عليه شطه بس .. قطع عليك شطه خضرا عشان تشعلل افكارك وتقوم .. تشرب عصير ليمون وبس
......... ....... اكل جزر ياباشا
|
|
|
|
|
|
|
العنوان |
الكاتب |
Date |
رســالةتهديد - مفخخه- إلي تمبس الأعزل | tmbis | 10-27-02, 04:53 PM |
Re: رســالةتهديد - مفخخه- إلي تمبس الأعزل | azza | 01-18-03, 04:26 PM |
Re: رســالةتهديد - مفخخه- إلي تمبس الأعزل | اساسي | 01-18-03, 04:32 PM |
Re: رســالةتهديد - مفخخه- إلي تمبس الأعزل | tmbis | 01-18-03, 04:40 PM |
Re: رســالةتهديد - مفخخه- إلي تمبس الأعزل | sympatico | 01-18-03, 05:50 PM |
Re: رســالةتهديد - مفخخه- إلي تمبس الأعزل | nasmah1981 | 01-18-03, 06:00 PM |
Re: رســالةتهديد - مفخخه- إلي تمبس الأعزل | tmbis | 01-18-03, 06:26 PM |
Re: رســالةتهديد - مفخخه- إلي تمبس الأعزل | sympatico | 01-18-03, 06:37 PM |
Re: رســالةتهديد - مفخخه- إلي تمبس الأعزل | shiry | 01-19-03, 00:02 AM |
Re: رســالةتهديد - مفخخه- إلي تمبس الأعزل | Dafi | 01-19-03, 03:53 AM |
Re: رســالةتهديد - مفخخه- إلي تمبس الأعزل | Dafi | 01-19-03, 04:30 AM |
|
|
|