|
|
 هلال العشر قام ليه شوك!!
|
والله قالوا العشر قام ليهو شوك؟؟
اخوانا الهلالاب من غير القاب عشان الناس حبايبنا ما يزعلو مننا والدنيا قبايل عيد...ما مصدقين..اي والله ما مصدقين انهم غلبو المريخ بجلالة قدرة وتاريخه المجيد وكؤوسة المنزلة المين غيره يقدر ينزلا او كما قال الشاعر.
فرحانيــــــــــــــــن ومبسوطيـــــــــــــــــــن للاخر وعاملين فيها خلاص كتوفهم اتساوت معانا لكن ليه!!!
مش عارف.
عندي اخوي اصغر مني ضل عن السبيل وبقى هلالابي في حالة نادرة جداً وكان كويس وفي امان الله شايفه الايام دي بقى خلاص تظهر عليه علامات الحمى الكحلية أي والله عندهم مرض اسمه الحمى الكحلية اجاركم الله واعراضها ظاااااهرة يعني ما شرط تكون صفوة ولا حاجة حتى تعرف ان الشخص مصاب بالحمى الكحلية....اولاً بيكون ظاهر عليه التتليش ودي من الاعراض العامة يعني بيكون فاتح خشمو في بلاهه كدا لا بتعرف اته بيضحك ولا مااا مصدق ولا مخلوع او خليط من هذا وذاك.
تاني حاجة بيضحك في هستيريا ويهضرب براه ومثلاً يعني من غير أي مقدمات تلقاه بيكورك باعلى حسو سيد (البلعاااااد) لحدي ما لوزو تظهر.
عامل فيها مفتح يجي يعاين لي كداااااااااا ويضحك ضحكة كحلية خبيثة ويمش..في عباطة اكتر من كدا.
والشي الاهم تلقاهو جنو تصانيف وما بريد سيرة بطولات حقيقية يعني جنو وتقول طيارة او كاس او تربط الاتنين مع بعض او تدخل الكاس في الطيارة او تدخل طيارة في طيارة طوالي يطير عيونو ويقول ليك والفريدو...يا دي الفريدو...الفريدو دا يصنف بلي ((فريدو)) يصلح جزم في يوق الجلود بتاع المانيا ...يبيع ترمس في يوغسلافيا ما مشكلة لكن لا بيجيب كاس لا بيعمل حركة في شكل وردة....ولو نافع ما كان قال نوح هداف العالم...يالنبي نوح.
اها دي أعراض عامة أما الأعراض الخاصة بمرض الحمى الكحلية هي انك تعلق علم في ركشة ويكون لونو كحلي وتمشي متكيف والناس بتضحك في زوقك الخلاك تحب الزراق وتعلق ليك قطعة كحلية وتحوم زي المجنون((حكمة الله الاعلام معلقة في الركشات بس)) لحدي ما كنت قايل ان العلم الكحلي معناها ((ركشة مخصصة لنقل المصابين بالحمى الكحلية)) يعني ولا عربية محترمة ولا حتى تكسي معلق بيرق الكرنتينة دا!!
ااما اكبر عرض هو انك تصدق ان فريقك عليه القيمة مع انه أي عاقل ممكن يفرملك ويقول ليك إنجازك شنو؟؟
وتحذير الكضب ضار بالصحة....عمركم ما جبتو عمار!!!
عمرنا كلو نضرب فيكم ضرب الويل ما جاتنا هستيريا الحصل شنو يا مخلوعين
السنة دي شدو حيلكم كان ما ضحينا بيكم
|
|
 
|
|
|
|
|
| العنوان |
الكاتب |
Date |
| هلال العشر قام ليه شوك!! | سامى عبد الوهاب مكى | 12-13-07, 10:19 AM |
| Re: هلال العشر قام ليه شوك!! | سامى عبد الوهاب مكى | 12-13-07, 10:24 AM |
| Re: هلال العشر قام ليه شوك!! | سامى عبد الوهاب مكى | 12-13-07, 10:57 AM |
| Re: هلال العشر قام ليه شوك!! | سامى عبد الوهاب مكى | 12-13-07, 11:15 AM |
| Re: هلال العشر قام ليه شوك!! | abas | 12-13-07, 11:28 AM |
| Re: هلال العشر قام ليه شوك!! | سامى عبد الوهاب مكى | 12-13-07, 11:30 AM |
 Re: هلال العشر قام ليه شوك!! | abas | 12-13-07, 11:39 AM |
| Re: هلال العشر قام ليه شوك!! | سامى عبد الوهاب مكى | 12-13-07, 11:46 AM |
| Re: هلال العشر قام ليه شوك!! | نادر محمد الراضي | 12-13-07, 12:05 PM |
| Re: هلال العشر قام ليه شوك!! | omar altom | 12-13-07, 12:25 PM |
| Re: هلال العشر قام ليه شوك!! | فدوى الشريف | 12-13-07, 12:29 PM |
| Re: هلال العشر قام ليه شوك!! | سامى عبد الوهاب مكى | 12-13-07, 12:33 PM |
| Re: هلال العشر قام ليه شوك!! | نادر محمد الراضي | 12-13-07, 01:04 PM |
| Re: هلال العشر قام ليه شوك!! | ALGARADABI | 12-13-07, 04:14 PM |
| Re: هلال العشر قام ليه شوك!! | حسين يوسف احمد | 12-13-07, 04:53 PM |
| Re: هلال العشر قام ليه شوك!! | waleed dawash | 12-13-07, 08:05 PM |
| Re: هلال العشر قام ليه شوك!! | ahmed khidir | 12-13-07, 11:06 PM |
| Re: هلال العشر قام ليه شوك!! | سامى عبد الوهاب مكى | 12-15-07, 00:29 AM |
| Re: هلال العشر قام ليه شوك!! | نادر الفضلى | 12-15-07, 04:23 AM |
| Re: هلال العشر قام ليه شوك!! | سامى عبد الوهاب مكى | 12-15-07, 10:05 PM |
| Re: هلال العشر قام ليه شوك!! | سامى عبد الوهاب مكى | 12-16-07, 05:58 AM |
|
| |
فيس بوك
تويتر
انستقرام
يوتيوب
بنتيريست