سيناريوهات : الخروف المعافى !

Quote: شنو يا حاج طالعين بالخروف ده ساكت كده ؟ - وعاوزنا نمرق بيهو كيف يعنى ؟؟ - لا.. يعنى إنتو مشيتو عملتو الإجراءآت ؟ - إجراءآت شنو كمان؟؟ ما خروف وإشتريناهو ؟؟ نعمل ليهو بطاقة ؟؟ - لا.. لا.. بس فى شويت إجراءآت صحية لازم تعملوها ليهو؟؟ - صحية كيف يعنى ؟ - يعنى لازم يكشفو عليهو عشان يشوفوهو لائق صحياً.. - لائق صحياً دى كمان شنو ؟ هو أنحنا ح ندخلو (الكلية الحربية) ما ح نضبحو !! - يا حاج ده عشان صحتكم .. ممكن الخروف ده يكون مرضان لا سامح الله يقوم يمرضكم - طيب والكشف ده مكانو وين ؟؟

الاخ العزيز الفاتح جبرا
سلامات ياخ وربنا يديم عليك نعمة الصحة والعافيه
كل سنه انت وكل الاهل بالف خير
والعيد مبارك عليك وربنا يحقق كل الامانى ان شاء الله
يعنى فى النهاية يا الفاتح ياخوى فى ضحية بعد الكشف الدقيق ده ولا لا ؟
نحن جايين مهاجرين وشاقين الجبال والمحيطات عشان الشربوت والخروف
دحن لازم تشوف لينا صرفة ياخ
زريبة 5 نجوم ولا 3 نجوم ولا راكوبة..
ما فارقة تب .. الفارق معاناعدم الشربوت والشية
تسلم الاخ الفاتح على الابداع المتواصل
واصل نحن متابعين باعجاااااب شديد
تحياتى اسماء الجنيد/ مسقط