|
|
 Re: ياسجيمان جبت لينا الكلام ياأخي...إستطلاع. (Re: الرفاعي عبدالعاطي حجر)
|
Quote: بنات خوجلي يشدوني كما سجيمان فأستظل تحت دوحتهم التى لا تخيب متى طرقتها.فبها التنوع والهدوء.
كان يشدني طائر عطبرة العطبراوي الملئ حتى النخاع ألق وثقافة(عبدالخالق السر) وآثر البعاد... وكذلك صديقي الكاتب القاص المثقف بشرى الفاضل في النقد دوما واسامة الخواض عنيف في نقده بديع في شعره, وقبل هؤلاء الجميل بحق فارس الحكايا والقصص وكم أتمنى عودته عبدالحميد البرنس من حين لآخر المهندم خالد عويس رغم إحساسي بنخبويته (بدون زعل) والكاتب الكبير جدا ... ود الملك السر تقريبا او صاحب الأحمسة... صديقي بتاع المشاكل العمدة محمدحسن العمدة لنا مهدي في كلام بنات نادية عثمان مختار لما تكتب بجد قلنا بدون زعل .............وكثر لا يمكن حصرهم تلك إنطباعاتي في لحظة صفاء فأرجو أن أوفق في استنطاق الزملاء.............
..................................................رفاعي حجر. |
شكرا الرفاعي..
عارف بينا مجموعات عريضه جدا زي ما انت قلت..تحب تقرا ليها..
انا ماكويسه في قصة تكر الأسماء غالبا السبب انه في كتير من البيكتبوا ما بيظهروا كتير..يعني بيغيبوا ويجوا ..
لكن احب كتابات ابو جهينه جدا..وخاصه في حوار النفس مع النفس او الحوارات التي يكتبها باسم المرأه والرجل..
وعبد الحميد البرنس او ميدو كما احب ان اناديه..تغرقك في التفكير وانت تقراها..ليس فيها تكبر
علي عقل القاريء..ولا تعجيز باستخدام لغه غير مفهومه..وفي نفس الوت استخدام لغه راقيه وغنيه..
احب جدا الكتابات الأنسانيه وفي كتابات ميدو اجدها هادئه ونسابه دون تعنت..
.......
.......
عامه لا احب الكتابات التي تكتب بقلم حبره من النشا..يذكرني بفستان العروس المنفوخ تعمدا عن رقصتها في حفل زواجها..وقلت الفستان ولم اقل العريس..
ولا يعجبني المختال المغرور والذي يسهل نفخهاحس في كتابته تصنع ولا أطيقها...
بالطبع هناك من يكتبون كتابه جيده..لكنك لا تستطيع ان تتداخل معهم..
طريقتهم في الرد عند التداخل معهم تحسم امر رجوعك لهم مرة ثانيه..
فلو كانت الفكره المكتوبه بابداع قابله للنقاش..تموت..لأن المبدع الذي كتبها لم يبدع في
استقبال من أتي اليه متداخلا..وبهذا يضيع وجود بين من تقرأ لهم..
احب الكتابات الشعريه لكثيرين جدا لكثير من الأخوات والأخوان هنا..هذا علي الرغم من اني مازولة شعر وبتضايق منه لما أكون زهجانه..وبفتكر انه اي زول مالمفروض يقراه من غير الشعرا الا لما يكون رايق ومسرح شعره ومستخدم عطر هاديء وجنبه كباية القهوه..جني وجن المنكشين البيقروا الشعر ولا يقولوا ليك كتبناه..عارف بيزهجوني زي شنو.
زي ضبانة العصريه الميتانه ديك...تجي تزن جنب وشك وفي الآخر تقع ليك في الشاي ولا القهوه وتحردك المساء كله..
المهم..
اي كتابه محرشه ما بحبها..يعني يجي جاري زول يقول لي زول تاني اجري أكتب عن كده.. ويمده بسطرين تلاته وبعدين يزوغ يخليه ماعارف راسه من رجلينه.. ده ما بحبه ولا بقرا بوستاته التانيه..
قبل فتره قريت كتابات جميله لمأمون أحمد ابراهيم.. بحب الكتابات البتوصفنا من جوه وبره..وبحب كتابات سلمي الشيخ لأنها برضه بتشوقنا لزمن راح وبتنقينا من جوه..تعجبني ذاكرتها جدا..
احب مواكبة لنا للأحداث وكتاباتها المختلفه..وماعارفه ليه هي بقت مقله؟!
بحب كتابات تاج السر بعيد من الكوره وبعيد من الشكل..عنده لغه متمكنه وكتابات حيه كتيره..
تعجبني جدا روح الريف والجمال في كتابات سميه طلحه..علي الرغم من انه في كلمات مرات كده
ما بفهمها بتتعبني شويه..
لا احب الكتابات الما منجضه سمح..طبعا منجضه دي نسبيه..لكن في النهايه النسبيه ذاتها نسبيه!
مابحب وكمان معاها بكره موت الكتابات التي تعتمد علي اختيار انتقادات وترك اخري علي الرغم من الوضوح التام فيما يجب ان ينتقد..احس فيها عدم أمانه وعدم قدره من الأستفاده الحقيقيه من تجربتنا
التي جعلتنا نلجأ لعالم النت لنعبر عن آراءنا...
كثير جدا منا يحبون التداخل فقط ولا يحبون الكتابه..أحيانا اري المداخلات لمست قضية البوست اكثر من طرح القضيه كما جاء في البوست..
كذلك اود لهذا البوست ان يناقش مقاييسنا في القراءه ماذا نحب ان نقرأ ..ولماذا لا نتداخل في كل البوستات واسئله اخري كثيره ربما تدور في رؤوسنا جميعا..
اود أن ان اري كتابه عن البوستات وكيفية التعامل معها ودور صاحب البوست في استمرار فكرة البوست ونجاحها..والعوامل التي تؤثر في تداخل او عدم تدخل الآخرين..
عايزه اكتب تاني في وقت تاني..ممكن يا الرفاعي؟؟
|
|
 
|
|
|
|
|
| العنوان |
الكاتب |
Date |
| ياسجيمان جبت لينا الكلام ياأخي...إستطلاع. | الرفاعي عبدالعاطي حجر | 11-26-07, 06:56 PM |
| Re: ياسجيمان جبت لينا الكلام ياأخي...إستطلاع. | نادية عثمان | 11-26-07, 08:28 PM |
| Re: ياسجيمان جبت لينا الكلام ياأخي...إستطلاع. | سجيمان | 11-26-07, 09:21 PM |
| Re: ياسجيمان جبت لينا الكلام ياأخي...إستطلاع. | عبد المنعم سليمان | 11-26-07, 09:25 PM |
| Re: ياسجيمان جبت لينا الكلام ياأخي...إستطلاع. | الرفاعي عبدالعاطي حجر | 11-27-07, 08:24 AM |
| Re: ياسجيمان جبت لينا الكلام ياأخي...إستطلاع. | الرفاعي عبدالعاطي حجر | 11-27-07, 11:06 AM |
| Re: ياسجيمان جبت لينا الكلام ياأخي...إستطلاع. | ريهان الريح الشاذلي | 11-27-07, 01:41 PM |
| Re: ياسجيمان جبت لينا الكلام ياأخي...إستطلاع. | سجيمان | 11-27-07, 02:58 PM |
| Re: ياسجيمان جبت لينا الكلام ياأخي...إستطلاع. | Muna Khugali | 11-27-07, 02:24 PM |
| Re: ياسجيمان جبت لينا الكلام ياأخي...إستطلاع. | الرفاعي عبدالعاطي حجر | 11-27-07, 05:28 PM |
|
| |
Muna Khugali
فيس بوك
تويتر
انستقرام
يوتيوب
بنتيريست