|
Re: التنازل عن القصاص يتحول إلى متاجرة بالرقاب (Re: Tragie Mustafa)
|
Quote: انت يا تمبس قايلنا زيك قاعدين في بلد فيها خطوط حمراء كثيره يلقن لنا الانعبرها؟؟؟؟ يازول نحن الخايفين من كم المدجنين و المطوعين الممكن يرجعوا للسودان من بلاد انظمتها مثل الانظمه البتعيشوا فيها انتو. يازول نحمد الله انه انا وعبد الغني اخوي ده قاعدين في بلد تشمط رئيس الوزراء نفسه ايميل ملزم يرد لك ايميلك ولو بشكرا ايميلك وصل لكن ليس من حقه تطنيشك. فنحن يا بابا احرار هنا...ونفتي في كل شيئ عجبك عجبك ما عجبك تكسح وتمشي تفتح بوستاتكم اياها. |
يا ماما إنت حسع القال إنك ما حره منو دي كل مشكلتك في الدنيا حاسك بي انك ما حره ؟ يا عديمه الموضوع علشان كدا إنت والصراخ الحوالينك الفاضي دا ندخل كلما تلفي تاخدي في راسك .. فراغك وفراغ غيرك يدعوكم لي انكم تعملوا فيها بتاعين اي حاجة في حين انكم بتتكلموا عن اشيا ما بتعرفوا فيها حاجة .. قلتي لي حرة إني وفيوف ..؟ طيب الحرية دي معناته إنك تتدخل فيما لا يعنيك لتكتب عن ما لا تعرفه ؟ ما قلنا ليكم إنتو بتجيبو كلام ساكت الواحد فيكم يلقى ليهو جريدة لافين بيها طعمية فيها كلام ورررر يجي يكبو لينا هنا دا وعايز الناس تهتف من وراهو .. بعدين ياخي لو انت وبريش دا احرار للدرجة دي .. وعاملين فيها بتعرفوا اي حاجة وبتكتبوا عن اي حاجة .. طيب ما كان تسالو ناس الما احرار القاعدين في السعودية وقاعدين يجو يطبلوا ليكم ديل .. قولو ليهم إنتو مدجنين ليه ..؟ والحالة البترجعكم من هنا دا شنو للسودان .. وبعدين لو انتو خطرين للدرجة دي .. وقاعدين تتكلموا في اي حاجة وتكبتوا في اي حاجة ياخي ما تعملوا ليكم جسر جوي للما حرين ديل وسوقوهم من البلد البتقيد الحريات دي .. والله بختك إنت وفيوف الاحرار ديل .. مستمتعين ما كدي ..؟ عجبك ..عجبك ؟؟ والله لكن فعلا حره إنت .. اها نوريك العجبك عجبك شنو من الما عجبك .. تاني اي تسونامي يكتب ليهو كلام فارغ ما عارف عنو حاجة .. ياخد على راسو طوالي ... شايف الفترة الأخيرة دي كضبكم كتر .. وعايزين تعملوا فيها ابطال سايبر خصما علي حقوق الناس .. التسونامي فيكم ما خلص من جلابة السودان عايز يقبل على العروبيين وعايز يهبش ناس في بلدهم وفي ديارهم .. ناس مشت ليهم عديل كدا مش هم جو للناس .. حسع إنتو يعني خلاص متشرشحين خالص كدا هناك وأحرار خالص كدا .. وحارقاكم مسالة إنو في عبيد في السعودية ما احرار عايزين يشيلو ليهم من (ديوان الزكاة) واللا الحاصل شنو بالضبط ؟
Quote: ما عجبك تكسح وتمشي تفتح بوستاتكم اياها. |
اياها ياتــا؟؟ إنت قايله البورد دا حقك .. واللا شنو ؟؟ حسع دا ما بوست ليه اخسر المكان .. إنت قايلاني زيك جاي للاستعراض هنا واللا شنو..؟
Quote: نحن جبنا كلام من عندنا؟؟؟عامل فيها عايز تقول مافي فقر في السعوديه؟؟؟ امشي شوف المقال كويس قال شنو؟؟؟ طيب نبدأ من الاول الكلام ده جابتو جريدة الوطن السعوديه ام نحن؟؟؟؟ |
شوفي هوي هــا .. الكلام دا امشي قوليهو لي صاحبك الحر دا ما تقوليهو لي انا .. لانكم الاتنين ما عارفين الساعة كم .. جريدة الوطن دي بالاضافة غلى خمسة جرايد غيرها بتكون على مكتبي من الصباح قبلما ادخل المكتب .. ومعظم الناس البتكتب فيها دي بي رنة تلفون ممكن اتواصل مع اكبر واحد فيهم .. يعني ما بلقى لي صفحة ملفوف بيها (اقاشي) وبجي جاري بيها هنا .. بعدين مسالة في فقر في السعودية واللا مافي .. إنت دخلك بيها شنــو..؟ اقول ليك حاجة..؟ إنت اقتصاد السعودية زاتو علاقتك بيهو شنو ..؟ التشبر ليكم شنو إنتو بعدين حسع القصاص دا علاقتو شنو بي اقتصاد السعودية يا تسونامية ..؟ ياخي ما تجي هنا دا تعملي ليك كشك بتاع كمونية زي الاقترحتو عليك امس .. (كشك فقع مرارات) الغريبة ما كتبتيها هنا دا مالك الليلة مرارتك مفقوعة يعني ..؟ وفاقد (ام فتفت) لا يعطيها واللا شنو؟ باقي الخرمجة بتاعتك الكابتاها دي امشي اتونسو بيها إنتي وفيوف دا .. وبالمرة كلمي معاك بقال والمرة الجاية لما تجو تكتبو ليم حاجة اعرفو نفسكم بتكتبو عن شنو ..
Quote: فخلينا من قصصك الفارغه وآثبت انه لا يوجد هنالك هامش في السعوديه ولا يوجد جلابه سعودين ؟؟؟زي ماقال محمد نور هنالك جلابه تشادين؟؟ |
بلاي تعالو شوفو جنس العبط دا .. قلنا البورد دخل منعطف خطير ما عايزين تصدقونا .. الواحد بعد كدا يجيب معاهو (صارقيلو) ويقعد يديم هنا ..
|
|
|
|
|
|
|
العنوان |
الكاتب |
Date |
التنازل عن القصاص يتحول إلى متاجرة بالرقاب | عبدالغني بريش فيوف | 11-11-07, 05:19 AM |
Re: التنازل عن القصاص يتحول إلى متاجرة بالرقاب | عبدالغني بريش فيوف | 11-11-07, 05:44 AM |
Re: التنازل عن القصاص يتحول إلى متاجرة بالرقاب | Tragie Mustafa | 11-11-07, 06:21 AM |
Re: التنازل عن القصاص يتحول إلى متاجرة بالرقاب | عبدالغني بريش فيوف | 11-11-07, 06:48 AM |
Re: التنازل عن القصاص يتحول إلى متاجرة بالرقاب | tmbis | 11-11-07, 07:35 AM |
Re: التنازل عن القصاص يتحول إلى متاجرة بالرقاب | Mohamed E. Seliaman | 11-11-07, 08:44 AM |
Re: التنازل عن القصاص يتحول إلى متاجرة بالرقاب | عبدالغني بريش فيوف | 11-12-07, 02:12 AM |
Re: التنازل عن القصاص يتحول إلى متاجرة بالرقاب | Tragie Mustafa | 11-12-07, 03:53 AM |
Re: التنازل عن القصاص يتحول إلى متاجرة بالرقاب | Tragie Mustafa | 11-12-07, 03:54 AM |
Re: التنازل عن القصاص يتحول إلى متاجرة بالرقاب | عبدالغني بريش فيوف | 11-12-07, 04:25 AM |
Re: التنازل عن القصاص يتحول إلى متاجرة بالرقاب | tmbis | 11-12-07, 06:53 AM |
Re: التنازل عن القصاص يتحول إلى متاجرة بالرقاب | الأمين عثمان صديق محمد | 11-12-07, 04:09 AM |
Re: التنازل عن القصاص يتحول إلى متاجرة بالرقاب | Mohamed E. Seliaman | 11-12-07, 05:56 AM |
Re: التنازل عن القصاص يتحول إلى متاجرة بالرقاب | Tragie Mustafa | 11-12-07, 06:00 AM |
|
|
|