|
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي (Re: abdulhalim altilib)
|
والقصيدة الثانية والتي تؤكد تفاعل الشاعر مع قضايا المجتمع وهمومه ، تلك القصيدة المشهورة والتي تتحدث بلسان حال المغتربين وحال أوضاعهم هنا وهناك ، خاصةً أولئك المغتربين الذين يغيبون عن الوطن لسنوات طويلة ويتركون كامل المسؤولية ملقاة على عاتق الزوجات نحو تربية وتعليم فلذات أكبادهم ، وهي قصيدة تصور حال معظم المغتربين .
لسان الحــال :
معذرة لو معاك مني الكلام حره معليش الخطاب كاتباهو مضطرة حرام والله مننا أنت تتبره وخمسة سنين تفوت وتجي فيها فد مرة وراك أنا كم شقيت وعشت في مره وبقيت مع الصغار الهُم للعيون قره بخاف الغرق الأصلو لا دره وقالو أدب الصغار والعقده من خدرة حليلي أنا الزمن ضي خاطري ما نفره وخمسة سنين غياب ما بتحملن حره أنا الحاضن العذاب وآمالي محتضره وانت الفي النعيم ما خات حساب بكره مسكين التقول في الاغتراب ستره وتتناسى القروش في يوم تكون ضره حليل زمنك وكت عايشنا بالأجره يا ريت لا عرفت ولا مرق بره الكاتمه في جواي كتير متملكه الجوف والعصب ما كت دايره أقولو ليك لكن لسان الحال غلب ما بنسى يوم ودعتنا وسافرت في غرة رجب خليت وراك الدار حزين تتباكى والدمع انسكب أعذرني والله العظيم لو ما الضروره أنا ما كتب وأنا خايفه من بعدك يكون الضاع هو ضعف المكتسب اليومو داك ناس البلد هنوني شايقية وعرب قالوا لي مبروك خير وجاك يكتب سلامتو اللي اغترب قالو لي دووب نجم السعد طلاكي من بعد احتجب يا دوب بالك استريح وتنسى العذابات والتعب فضلت أحسب في الشهور قاعدالي في نيران لهب صابره وحريصة على الولاد لا يبقو للريح في المهب سديتا خانتك من مشيت قايمة بي واجبي كام وأب والاسره يضنيها المسير تتهاوى لو ما فيها رب والله ما بنكر جميلك لينا برضو ثناك وجب موكب هداياك ما نقطع كان ستره في الزمن الصعب لابسين وماكلين والنعيم كايلنا في يوم ما نضب وعايشين معيشة المترفين طولنا والطبع اتخرب حامدنوا كان قلت الأكل والله للتين والعنب أما الجناين شيله كاب وافري الفواكه والرطب البيت مفروش بالحرير ومليانه ايدي بالدهب لكن خسارة على محل عاش سيدو خمسة سنين عذاب الشيء المهم ما قلت ليك ليه انت ما ظنيت حسب كبرو الصغيرونين خلاص خايفالن الطبع الكعب وصلوها مرحلة الخطر والأمن مازال مستتب وأنا كت قادراهم زمان لكن بعد كبرو اتغلب حصلني قبل الجد يفوت دوبنهن فوق العتب قبال نحصد الخير ندم ولا بيجدي كان لمت أو عتب خايفالن الطيش في الدروس وما برضى لو واحد رسب خوفي المتعبني الكبير بعدين يمرقو بلا أدب وريتك الحاصل على لا فيه ثوره ولا غضب شان الحديث ما يبقى ني والواحه يكتنفا الجدب أنا قلبي مازال لسه حي ونجمو الملهلج ما غرب آخر كلامي تردو لي لا أبقى بكره أنا السبب
نواصل ،
( ليمو )
|
|
|
|
|
|
|
العنوان |
الكاتب |
Date |
جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | abdulhalim altilib | 11-08-07, 08:31 PM |
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | abdulhalim altilib | 11-08-07, 08:34 PM |
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | abdulhalim altilib | 11-08-07, 08:36 PM |
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | abdulhalim altilib | 11-08-07, 08:46 PM |
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | abdulhalim altilib | 11-08-07, 08:53 PM |
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | نصار | 11-08-07, 08:49 PM |
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | abdulhalim altilib | 11-08-07, 09:10 PM |
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | ghariba | 11-10-07, 10:48 PM |
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | صالح عبده | 11-09-07, 02:36 PM |
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | معاوية التوم محمد طه | 11-12-07, 10:42 PM |
Re: جمعية التواصل الإجتماعية تدشن انطلاقتها الجديدة بتكريم الشاعر حاتم حسن الدابي | صالح عبده | 11-18-07, 05:48 AM |
|
|
|