|
Re: المغترب السوداني بي القديم وبي الجديد.. (Re: عمر الفاروق)
|
أخونا الفاروق
بداية غربتي جمعتني جلسة بي فطاحلة في الغربة أقرب واحد فيهم طلع من السودان 1980، وواحد قال والله انا كنت شغال في السودان زي العجب بس قلت أمشي بره أعمل لي مية جنيه أختها في البنك وكل ما أحتاج أشيل منها شوية، وحاتك لي يوم الليلة هو متحكر وقاعد وما باين عليهو آثار نية رجوع !!!
آخر مره رجعت السودان عندي قريبي لمن كنت صغير كان أفضاله علي، وكل مرة ماقاعد أقصر منو- المرة الأخيرة دي جبت ليهو معاي جلابية بعد الموبايل والمصاريف القاعد أرسلها ليهو- وطوالي قال لي قطعة الجلابية بي 12 الف وخياطتها بي 15 الف أحسن تخليها معاك تديها زول تاني يقدر يخيطها ومشيت الترزي أديتو القطعة ومعاها 15 الف حق الخياطة بعد داك ما شكرني قال لي : المره دايرة ريحة نسوان !!!!!! والبقولو ليك دا عندو ما شوية وعندو درداقة يومي بتجيب ليهو الشيء الفلاني!!
ياخ نحنا ناس السودان زاتو ما مريحننا !!!!
لكن الجيل القديم فعلا تعب- وبقى زي الجيل الجديد !!!
وفي حاجة نسيتها موديلات الموبايلات العند السودانيين هنااتفه الموديلات- الواحد فينا لمن يمشي السودان يضاير موبايلو من الناس الهناك، والله أختي عندها موبايل أنا هنا ما شفتو وانا موبايلي هنا 3310 الا ربع.
بس عندي كلمة صغيرة بعد كدا كل واحد يحاول يعمل ليهو بيوت يأجرها!!! ما بيوت زي الفي الصافية والمنشية لا !!! يعني لو عند 300 متر في أمبدة والا الدروشاب سوي في كل مية متر غرفة(طوب بلك) ومظلة وسوي حمام بلدي ساكت وأفصل كل واحدة براها وكل واحدة صدقني بتجيب ليك ما أقل من 300 الف وتكلفتها كلها ما تامة ليها 5 مليون ولمن تعمل التلاتة ديل بتلقى روحك في زي مليون شهري بتنحدر عليك شهري! وبرضو لو عندك في مكان تاني قطعة تعمل كدا، وبالطريقة دي تضمن ليك معاش في السودان لأنو والله الأولاد البتشوفهم ديل والمرقو من هنا ديل (أولاد بنده) ما ترجى منهم حاجة، ديل فهمهم ما متحرك في الحياة بس في البلي ستيشن ون وتو والدش والموضة ووووو. لكن لمن تعمل ليك بيوت ممكن تتابعها بنفسك وتنفعهم هم بعدين لمن ترقد أنت بعد تطلع من بيتك البنيتو عشان يشيعوك منو!!!!
مكافأة نهاية الخدمة بقى الرك عليها هي!! وسويها في الكلام القلتو ليك دا ما بتجيك عوجة!! لكن سوي لي دفار والا امجاد والا أكسنت أأجرها دي حدها قريب 3 سنة بس بعد داك بتقعد في السهلة وتكون إتجدعت في التونسية!!!
طولت عليك لكن في الحديث بقية بعد تعقيبك يا فاروق!!!
هشام
|
|
|
|
|
|
|
العنوان |
الكاتب |
Date |
المغترب السوداني بي القديم وبي الجديد.. | عمر الفاروق | 11-05-07, 11:00 AM |
Re: المغترب السوداني بي القديم وبي الجديد.. | walid taha | 11-05-07, 11:12 AM |
Re: المغترب السوداني بي القديم وبي الجديد.. | ابو عثمان | 11-05-07, 11:24 AM |
Re: المغترب السوداني بي القديم وبي الجديد.. | عمر الفاروق | 11-05-07, 04:25 PM |
Re: المغترب السوداني بي القديم وبي الجديد.. | عمر الفاروق | 11-06-07, 07:46 AM |
Re: المغترب السوداني بي القديم وبي الجديد.. | شهاب الفاتح عثمان | 11-06-07, 07:54 AM |
Re: المغترب السوداني بي القديم وبي الجديد.. | عمر الفاروق | 11-06-07, 08:20 AM |
Re: المغترب السوداني بي القديم وبي الجديد.. | Hisham Ibrahim | 11-06-07, 10:08 AM |
Re: المغترب السوداني بي القديم وبي الجديد.. | نادية عثمان | 11-07-07, 11:44 AM |
Re: المغترب السوداني بي القديم وبي الجديد.. | Hisham Ibrahim | 11-07-07, 12:28 PM |
Re: المغترب السوداني بي القديم وبي الجديد.. | عمر الفاروق | 11-07-07, 03:09 PM |
Re: المغترب السوداني بي القديم وبي الجديد.. | خالد حاكم | 11-07-07, 04:27 PM |
Re: المغترب السوداني بي القديم وبي الجديد.. | خالد حاكم | 11-07-07, 06:27 PM |
|
|
|