والله إني لأحس بأن البطل الراحل د.جون قرنق (يتململ) في مرقدة

Quote: فقدنا البطل وأتى السيد سلفاكير ميارديت والذي تتناقل الأوساط أن الدكتور جون قرنق كان يخطط لإقالته من منصب نائب رئيس الحركه وتقليده منصب قائد جيش الحركة فقط ويقال أنه إستشار الساده باقان ودينق ألور وآخرين في هذا الأمر .

المهم، الدكتور (كان) بيخطط لإقالة كمندر سلفا و إستشار دينق الور و باقان (حلوة باقان دا كمان)...آهه، و الأوساط ما قالو حصل شنو؟ ماذا يقصد السادة (الأوساط) واللا هن سيدات ما مهم، ماذا يقصدوا بأن الرفيق الدكتور جون قرنق (إستشار) باقان و دينق ألور؟ ماذا كان رأي المستشارون؟ (السؤال دا للأوساط، بس لو عندك إجابة ما تبخل لينا بيهو)
يأخي (الأوساط) دي تناقلو حاجات كتيرة لمن نسيناها نهائي! و الله خايف إنو الأوساط دي تكون نقل ليكم سلفا ح يقول شنو لبوش بخصوص العقوبات الإقتصادية ...

Quote: والزمن أثبت صحة رأي البطل الراحل في هذا الأمر فالناظر لضعف السيد سلفاكير الذي يسيره شماليو الحركة أمثال عرمان ومنصور خالد ومحمد يوسف وبعض الجنوبيين من أمثال باقان يدرك بعد نظر الراحل جون قرنق .

بصراحة يا سيد محمد فرح, ما عارف إنت عايز تقول شنو هنا؟ ضعف سلفا كير؟ واللا تسييرو بواسطة الشماليين؟ واللا تسييرو بواسطة باقان و بعض الجنوبيين؟ يا زول حدد ...
سلفا كير ضعيف، ومالو؟ ما يمكن يسهل ليكم مهمتكم باللف على الحركة الشعبية و إتفاقية نيفاشا مش كدا و اللا لا؟
مسييرنو الشماليين، برضو ومالو؟ أول جنوبي يسييرو؟ ما شماليينكم برضو مسييرين ليهم كم جنوبي كدا! هو الجنوبيين ديل مش بس بيسييروهم؟ أحسن لينا ياخوي يسيرنا شمالي ما داير يقتلنا بدل ما يسيرنا شمالي داير يبيدنا! منطق مش؟
مسيرو باقان و جنوبيين تانين! الفايدة فايدتين! هو دكتور جون مش كان شاور باقان بخصوص إقالة سلفا؟ طيب، ما باقان إختصر السكة و بدأ ينفذ (ما أُستشير من أجله) through سلفا كير و بأقل الخصائر الممكنة برضو كدا كيف؟

Quote: والآن يفرض الغرب على الحركه إبتداع منصب وزير لشئون الرئاسه بل ويعينون عليه من يختاروه والجميع يعلم بأن السيد لوكا بيونق قد فرض على السيد سلفاكير فرضاً .

أوع تكون قاصد ناس جامعة الجزيرة بس؟ د. لوكا دا آخر شغل ليهو كان التدريس في جامعة الجزيرة (كأستاذ مساعد)، و من مدني للحركة الشعبية و الجيش الشعبي لتحريرالسودان...ح يكون فارضو ناس جامعة الجزيرة على سلفا كير يعني؟ بالمناسبة، إنتا من مدني يا محمد فرح؟ مشبهين إسمك دا لواحد كدا!

Quote: من واقع الحال أكاد أجزم بأن البطل الراحل د.جون قرنق يتململ الآن في مرقده

لو عملت دا كان يكون العنوان كان شوية كدا معقولة!
أكاد أجزم...
تقريباً كدا...
كأنو كدا...
إحتمال ...
بس بدون حليفة عشان ما يكون (فتوى)!
بعدين من واقع الحال و و و دا كلام فضفاض...
واقع الحال شنو و هناي شنو...
إنتظر أبريل لتكتب فيهو، أخير ليك من جنس البتعملو في نفسك دا