|
Re: الخُلعة .. (Re: humida)
|
الاستاذ عمر سلام
انا دايما عندي مشكلة مع مبارات المريخ في البيت مع البنات لانو بأضطر اشيل كرت الإي ارتي من التلفزيون بتاعهم و ادخل بيه في غرفتي الخاصة. و دايما امهم بتقول لي ما تمشي تشوفها في القهوة، طبعا عشان مباريات الهلال بنمشي و نقعد و نتحكر و عينا قوية و نعمل السبعة و زمتها. بحاول دائما اشرح لزوجتي إنو ما بقدر امشي اشوف مباريات المريخ في القهوة بسبب الفضيحة لينا كسودانين. اهه اليوم ده كمان عزمت معاي صديق مريخابي و جبتو البيت. الولية قالت لي اليوم ديك حرمت البنات في يوم إجازته ((تقصد يوم مباراة الرجاء)) من التلفزيون بتاعهم. و هسع كمان عامل لي جوطة. السبب إنو لازم احول الرسيفر بتاع غرفتي للصالون عشان الرسيفر الفي الصالون ما فيه نظام الكروت. المهم صديقي جالس و انا بركب في الرسيفر و أشيك على التوصيلات الصورة جات. قال لي بس ياهي دي القناة و الكورة شغالة ! و طبعا زولك شاف ال 1/صفر و انا بي خلف التلفزيون بللم في السلوك ، الظاهر هبشت حاجة قطعت الصورة. قال لي الصورة إختفت لكن القناة الجبت اول دي ما ياها قلت ليهو ياهه ذاتها و انا كنت ظابتها من جوة قبل ما اشيل الرسيفر من اوضتي للصالون. المهم أعدت التوصيلات سريعا و رجعت قعدت معاه اشوف ليك 2/صفر قال لي لا في حاجة غلط الظاهر دي مبارة الرجاء البيضاوي قلت ليه كيف مبارة الرجاء القون التاني جاء في الدقيقة 23 إمكن. قال لي : في حاجة ما صاح في توصيلاتك دي. أنا هسع شفتها كانت 1/صفر. المهم الراجل إستهدى بالله و ظبتنا قناة الصوت على صوت المزيع التونسي. و سمعنا تعليقو على الفضيحة. المهم المدام نادتني بعد شوية عشان امشي اجيب الشاى للضيف بعد ما جهزته أمشي و اجي القى ليك زولي متمحن. أهه اكب ليك كم معلقة سكر : إثنين ارفع راسي اشوف ليك النتيجة 3/صفر. الحاصل شنو قال لي جابو الثالث. قلت ليهو يازول بعد ده تخدم نفسك بي نفسك انا السكر ده حتى ما ح اكبو ليك ، ممكن انا بحرك في المعلقة يفوتني قون. و الكورة اقوان.
و الله زولك إتخلع جنس خلعة.
و مساكين البنات دائما في مباريات المريخ الدولية (على قلتها) بنحرمهم من قناة كارتون نت وريك المفضلة عندهم.\
تحياتي
عمار يس النور عاشق بخت الرضا عاشق الهلال
|
|
|
|
|
|
|
العنوان |
الكاتب |
Date |
الخُلعة .. | عمر الفاروق | 11-04-07, 10:00 AM |
Re: الخُلعة .. | abdelwahab hijazi | 11-04-07, 10:08 AM |
Re: الخُلعة .. | humida | 11-04-07, 10:10 AM |
Re: الخُلعة .. | فيصل نوبي | 11-04-07, 10:18 AM |
Re: الخُلعة .. | عمار يس النور | 11-04-07, 10:33 AM |
Re: الخُلعة .. | عمر الفاروق | 11-04-07, 10:18 AM |
Re: الخُلعة .. | مهدى الصادق السيد | 11-04-07, 10:18 AM |
Re: الخُلعة .. | الرفاعي عبدالعاطي حجر | 11-04-07, 10:31 AM |
Re: الخُلعة .. | MOHAMED EL-BEELI | 11-04-07, 10:55 AM |
Re: الخُلعة .. | عمر الفاروق | 11-04-07, 10:44 AM |
Re: الخُلعة .. | إسماعيل وراق | 11-04-07, 11:05 AM |
Re: الخُلعة .. | abuguta | 11-04-07, 11:08 AM |
Re: الخُلعة .. | tmbis | 11-04-07, 11:25 AM |
Re: الخُلعة .. | عمر الفاروق | 11-04-07, 11:14 AM |
Re: الخُلعة .. | mahmed alhassan | 11-04-07, 11:29 AM |
Re: الخُلعة .. | وليد محمد المبارك | 11-04-07, 11:38 AM |
Re: الخُلعة .. | abuguta | 11-04-07, 11:42 AM |
Re: الخُلعة .. | عادل جبارة | 11-04-07, 11:45 AM |
Re: الخُلعة .. | nazar hussien | 11-04-07, 12:09 PM |
Re: الخُلعة .. | عمر الفاروق | 11-05-07, 06:20 AM |
Re: الخُلعة .. | عمار يس النور | 11-05-07, 06:36 AM |
Re: الخُلعة .. | عمر الفاروق | 11-05-07, 06:40 AM |
Re: الخُلعة .. | abuguta | 11-05-07, 08:27 AM |
Re: الخُلعة .. | كمال مبارك | 11-05-07, 08:48 AM |
Re: الخُلعة .. | maia | 11-05-07, 08:56 AM |
Re: الخُلعة .. | عمر الفاروق | 11-05-07, 10:04 AM |
Re: الخُلعة .. | عادل جبارة | 11-05-07, 11:37 AM |
Re: الخُلعة .. | manubia | 11-05-07, 03:27 PM |
|
|
|